Hallo zäme, wer hat ausgefallene Ideen für Tischkarten, oder vielleicht auch das ganz normale.... Habe viele Ideen und Sachen gesehen doch leider noch nicht das passende gefunde....

• Zitieren

Uh, jo, do beni ou uf Antworte gspanne!

Mer händ öis öberleit, nor tischwis zuezordne - so dass am Tisch sälber d Gäscht entscheide, wie si sitze. Das wörd denn bedüte, dass mer z.B. ide Mitti es agmolts Töpfli mit Sand fölle ond dete Stäckli mit de Näme dra dri stecke.

Oder ich ritze d Näme vo de Gäscht i Sektgläser ond die stelle mer denn id Mitti vom Tisch. Wemmer im Feschtlokal achöme, nämmer ebe sehr wahrschinli no es Cüpli, das heisst, dass jedes sis Glas goht go sueche, damit's denn weiss, wo's sitzt und denn nähme mer d Gläser veruse (wenn's schön esch) ond stosse dete zäme a.

Ou schöni Stei mit de Näme druf findi lässig! Die chönnt mer denn id Tischdeko (be öis äuä mit Moos und Cherzli) integriere.

Ich wörd d Tisch-Chärtli aber ou gärn mit eme chline Gastgschänkli verbinde - vo däm här wäre d Gläser guet g'eignet, di andere Ideen aber eher weniger.

Be ou dankbar für jedi witer Inspiration!
Grüessli
madmadi

• Zitieren

Ich ha im Internet so herzigi Schwimmcherzä gfundä i Flip Flop Form. Diä sind imäne durchsichtigä Schächteli verpackt wo mer dänn würdät irgendwiä aschriebe. Viellicht tüemers au andersch verpacka, das isch no nöd ganz klar. Uf jede Fall würdi gern öppis mit dene Cherze mache. S'Motto vo üsäre Hochzit isch Reise und das passt ebe no däzue. Leider weiss i no nöd wo bschtelle. I has bis jetzt nur bi Verchäufer vo dä USA gfunde und dött zahlt me eifach öppe glich viel fürs Porto wie für d'Cherze selber. In Dütschland wird's au verchauft, aber i ha bis jetzt no niämer gfunde wo 50 Stuck vo däne inäre passende Farb cha liefere.

• Zitieren

Mir hei bi üs dr Bruch dasme es Gastgschänkt macht, Bonboniere... Es säckli mit 5 wisse Mandle, und das isch meischtens so ime Schäli oder mit öpis hübschem zäme. Ig mache jetzt Wygläser vo beritzt si. Ha idr Ikea Gläser kouft und derte tueni üsi Näme druf und zDatum und unde am Stiel vom Glas macheni när das Säckli mite Mandle a.. Git würklich viel Arbeit so ritze, ha so es maschineli scho daheime. Hei das zersch ou wölle la mache. Da ig aber gärn tue bastle und ig finde es isch persönlicher und jedes wird es bizeli anders, hani mi entschide das sälber zmache. Ig muess ou ca. 65-70 Stk mache. Fröie mi jetzt scho druf...

Für Tischkärtli hani bis jetzt no ging kei anderi Idee.... ha gseh hie im Forum, das öper mit Steine vom Fluss, draht mit Perle dranne drumum und dr Name gschribe, het Tischkärtli gmacht. Das würd mir mega guet passe....mal luege. Viellecht gseh ig ar marinatal in Bern no öpis guets...

• Zitieren

Puh, jetzt frogsch mi öppis... Das isch scho u lang här, dass mer das poschtet händ und denn het das mis Mami gmacht

Hesch imene Bastellädeli scho mol gfrogt? Die chönnte der sicher so öppis bstelle. Oder Coop Bau und Hobby? Migros Do-it and Garden?

Ich glaube, i mache si ou sälber, aber i sött dänk öppe afo... mer het immer s Gfühl, s Hochzit sig doch no so wit wäg (be öis August) aber es goht ebe schnäller als mer dänkt. Goht's öich ou so?

Grüessli madmadi

• Zitieren

Hallo zusammen

Auf dieser Seite hat es auch sehr schöne Ideen www.tafeldeko.de

• Zitieren