| Blumen für die Trauzeugin |
|
|
1 2
|
beansli  am 19.02.2008
Blumen für die Trauzeugin
Hallo zäme
ich bin no ned lang da im Forum, aber es plaget mich en Frag. Wie handhabet ihr das mit de Blueme für d'Trauzügin? Organisiered ihr die oder chunnt en Trauzügin kei Blueme über?
Danke vill male für en chline Antwort.
Juppiiieee ich hürate am 23.05.08! 
|
|
|
bettina am 20.02.2008
Re: Blumen für die Trauzeugin
Hallo beansli
also ich han mir das eso überleit ...
am standesamtliche gits für trauzügin kei blueme ... am kirchliche wird ich mit ihre en struss für üs ussueche ... mine natürlich chli grösse und chli uffelliger und für sie en ähnliche chli zrugghaltendere struss... (wenn mite wissi rösli sötti ha denn für si lachsigi zum biespiel)
hoffe han dir chli chöne helfe?
grüässli
bettina
Hochzeit am 20. Juni 09
|
nordliecht  am 20.02.2008
Re: Blumen für die Trauzeugin
schliäss mich de bettina aa. am standesamtliche gits keine. ich glaibs nid emal fir mich (bi mier nunig schlissig)
am kirchlichä cha sie uiswählä, eb sie eppis chleysäs id hand will oder eb si as handglänk so es blumäband will. das han ich letschti mal im ne heft gseh und hed mier nu gfallä. denn hetti sie nämlich ai d'händ fir mich frii  uif all fäll wurd ich sie mit ihrä zämä uisläsä und fir sie zahlä
griässli
nordliecht
miär freyid eys uif de 6. septämber 2008 :-)
Editiert 20.02.08
|
beansli am 20.02.2008
Re: Blumen für die Trauzeugin
Also für mich wirds sicher en Brutstruus geh, da mir "nur" uf em Standesamt hüratet! Aber öb ich für d'Trauzügin en Struss söll organisiere bin ich mir ned schlüssig. Ich dänke wohl eher ned, da sie ja d'Händ sött frei ha.... 
|
|
Mara nicht registriert am 20.02.2008
Re: Blumen für die Trauzeugin
Also be mim zivile hani sooo viel Bluemestrüss gschänkt becho, do hani fasch z wenig Trauzüge gha zum se verteile
Tamara & Simeon ~01.06.07~09.08.08~
|
Lina am 20.02.2008
Re: Blumen für die Trauzeugin
also bim Zivile hed mini Trauzügin kei Struss gha nur ich aber bim kirchliche werdid mir beid eine ha. Ich find das no schön au für uf d Fotene.
|
trulla09  am 20.02.2008
Re: Blumen für die Trauzeugin
hallo zäme
zivil wird au nur ich en struss ha...
aber chirchlich dänk ich, dass ich en struss mit wiisse rose möcht (passend zum chleid) und eifach chli "grüenzüg" rundume. drum werded mir de trauzügin-struss gliich aber bitz chliiner mache und i de farb vo ihrem chleid, wie au immer die isch... (also ich dänke ämel eifach nöd rot...)
han au scho mal agfragt, was das choschtet: min struss wird öpe 120 Fr, de wurfstruss öpe 60 Fr. und de trauzügin-struss öpe 80 Fr...
das liit tiptop im budget...
grüessli
Editiert 20.02.08
|
beansli am 20.02.2008
Re: Blumen für die Trauzeugin
Hey trulla, denn lohsch du 3 Strüss mache? Wirft mer eigentlich de Struss au, wemmer numme vor em Zivilstandsamt hüratet? Hey und was isch, wenn praktisch all "Wiiiiblis" scho verhüratet sind? Wirft mer de denne glich?
|
trulla09 am 20.02.2008
Re: Blumen für die Trauzeugin
hallo beansli
ja, eine für s standesamt (wird öpe 1-2 Wuche vor de kirchleche hochziit sii) und 2 fürd chile (da d rose ebe chasch tröchne lah, möcht ich min bruutstruss als erinnerig bhalte und will min struss nöd sooo tüür wird, lahn ich drum na en chliine wurfstruss mache)...
und wägem werfe: macht doch immer spass, au wänn all scho verhüratet sind
|
|
jovia nicht registriert am 20.02.2008
Re: Blumen für die Trauzeugin
Hoi
Also meyni Trauzügin hed weder am zivile nu am kirchlich en Bruutstruss, nid will mier z'giezig dadefür sind, sondern eifach nid gwöhnt und meyni Trauzügin ai keine will . Sie hed eh gnueg zträge mit Nastüechli, chleynem Haarsprach, Schminkutensilie usw., da ich keis Täschli am kirchliche wirde debey ha . Rüehre tue ich mey Bruutstruss nid, weil ich de scho andersch "verplant" han.
Liäbs Grüässli vo de Jovia wo bizzli bibberet weil's nimme lang gahd bis sie Ehefrau isch
29.02.08 & 19.07.08
|
|
|
1 2
|
Anmelden
