| Einladung fürs Geschäft |
|
|
1 2
|
|
Sued78 nicht registriert am 06.12.2007
Re: Einladung fürs Geschäft
Hoi Lela
Weni hüt Nomi nüt finde, luegi mol i Versandkatalög, danke für de Tipp .
Genau, eus mues nämlich de DJ au sympathisch si.
Bi dr Seerose wäri dr Termin keis Problem gseh bi eus, aber die hei jo Priise..... Das isch eus denn doch en Nummere z'gross gseh. Wenn kei Umsatz vo Fr. 12'000.- hesch, muesch Saalmieti zahle und die Abstufig isch so extrem, das bimene Umsatz vo Fr. 10'000.- fast 2'000.- Saalmieti zahlsch und denn bisch weder glich wit.
Mir hei en Ort welle, wo kei Mindestumsatz muesch bringe und kei Saalmieti hesch.
Mir bruche 2 EZ und no ca. 10 DZ. Das isch ned alli Wält, aber de Delphin het kei spezielli Honeymoonsuite gha, schad. Aber ebe, de Saal isch klasse, het eus au sehr guet gfalle.
Liebs Grüessli
Sue
Wir heiraten am 28.06.08 auf Schloss Habsburg
|
|
|
nordliecht  am 06.12.2007
Re: Einladung fürs Geschäft
sued78, hesch scho mal im ne zero store gluegt? ich weiss nur in dem z'luzärn hets obe innä tolli abigchleider. nid nur in schwarz sondern ai div. farbe. ich hetti scho mängs chleid detä kaift, wenn ich eis bruicht het.
ou, im bellevue z'sursee het min schatz und ich eys zum erste date troffe, es het en tolli ussicht!
griässli nordliecht
miär freyid eys uif de 6. septämber 2008 :-)
|
|
Sued78 nicht registriert am 06.12.2007
Re: Einladung fürs Geschäft
Salü zäme
So, bi ändlich fündig worde nacheme Trauzüginnechleid. Mode Utzinger in Aarau het en grossi Uswahl a Obig- und Ballchleider für en akzeptable Priis. Ha für es schöns Chleid Fr. 419.- zahlt. I de meiste Bruutgschäft zahlt me für sowas 600.- oder meh. Bi jetzt uf jede Fall mega froh hani was. Übrigens z'Chürze vom Chleid isch dört gratis.
Im Priska in Aarau het d'Verchäuferin bi allne Chleider gseit es sigi schön, egal weli Grössi oder weli Farb. Isch chli komisch gseh... Aber d'Bruutchleider im Schaufenster si sehr schön gseh.
Au witzig, euches erste Date
Het eus wäge dr Usicht au mega gfalle.
Wo trauet ihr euch und festet?
Liebs Grüessli
Sue
Wir heiraten am 28.06.08 auf Schloss Habsburg
|
Lela  am 07.12.2007
Re: Einladung fürs Geschäft
Hi Sue
da freut mi riesig för dech, dass dis Trauzüginnechleid gfunde hesch.
I verstoh was meinsch, es esch e so müehsam wenn merksch das es ned en ehrlechi Meinig vo de Verkäuferi esch, sondern dass sie nur verkaufe wet. 
LG
Lela
|
nordliecht am 07.12.2007
Re: Einladung fürs Geschäft
hend eigentlich schon dänkt, dass mier i de umgäbig sursee fiirä tiänt, da er vo det umänand isch. aber jetzt mechits mier doch z'nidwaldä bi "miär".
wahrschiinlich hend miär denn aber s'zivilische in sursee, so das ai nu eppis is sinrä heimat stattfindet 
fiirä tiänt miär z'beckenried im schlüssel
miär freyid eys uif de 6. septämber 2008 :-)
|
|
Anasazi nicht registriert am 07.12.2007
Re: Einladung fürs Geschäft
Ech chan au nur negativs vom Wicky verzelle... drum hani mis Chleid den im Chez Janine in Bubikon (grad be Rapperswil) *gfunde*. Ech hans dete probiert aber häts müesse bstelle, wells nid i mire Farb und de Grössi dete isch gsii...
nochhär hanis uf dr Brautkleiderbörse uf dere Siite gfunde... was für en Zuefall, und ech han grad emol d`Hälfti zahlt... süscht hätti sicher mis Chleid be Chez Janine bstellt.. super liebi Verchäuferinne und mega gueti Uswahl!!!! Esch also würkli z`empfähle...
Lela.... hehe, chume vo Hochdorf und schaffe in Rinach! Grüessli in d Nochbersgmeind!
Üse Links wenns öber intressiert: http://www.rohr-welt.ch
Luschtigerwiis esch jetzt "mis" Chleid scho wieder uf de Bruutkleiderbörse... esch wohl ziemlech begehrt! 
Ech han min Ängu am 07.07.07 zivil & kirchlich ghürotet
|
Lela am 08.12.2007
Re: Einladung fürs Geschäft
Hoi Anasazi
bi grad uf dinere hompage gi - jetzt weissi dass i di jo "kenne"!
du schaffsch im gliche huus wo i mini lehr gmacht han, i be jedoch en stock unter euch gsi! bi mit dinere unterstifti nicole it schuel.
wält esch jo chli!
wow...hesch jo es wunderschöns chleid träit a üchem grosse tag!
Liebs Grüessli
Lela
|
|
Anasazi nicht registriert am 08.12.2007
Re: Einladung fürs Geschäft
Lela ---> PN (Mail)
Ech han min Ängu am 07.07.07 zivil & kirchlich ghürotet
|
|
jovia nicht registriert am 08.12.2007
Re: Einladung fürs Geschäft
hoi moni
also ich ha meys chleid bim wicky kaift und ich bin absolut mega zfriede mit allem - beratig, kompetenz, fründlichkeit, schniederi, eifach alles isch super gsi bi mier :o). würdi de wicky immer wieder wieterempfähle.
liäbs grüässli
jovia
|
Lela am 11.12.2007
Re: Einladung fürs Geschäft
Hallo Anasazi
sorry, leider weissi ächt ned wie dass i uf dis e-mail en antwort han geh. 
i glaube sogar dass du döte gschaffet hesch wo i no döte gsi bin.
mini lehr hani im 2002 beändet ond visnja het den agfange, i han aber no döte bis ändi novämber 03 gschaffet.
esch halt schwierig z'erkläre....mmmhhh...danijela seit der nüt?
Liebs Grüessli
|
|
|
1 2
|
Anmelden
