So, nachdem ich afangs ganz sicher gsi bin, das mier nöd selber werded bastle, hed mich s Fieber vo DIY total packt.
Mier hend mal mit Entwürf vo Iladige agfange aber jetzt stahni total a. HILFE!! D'Schrift söll nachher natürlich druckt werde ;) Aber irgend öppis fehlt? Ich möcht unbedingt die Federe druf aber bin ned wirkli 1000% zfriede. Was meined iher?



Lg :)

• Zitieren

Mega hübsch D Farbe si wäuz schön, so zart. Mir gfallts mit dr Fädere oh besser, würd se vilich i die angeri richtig schräg mache. Aso so dass dr 4tel-Kreis vom "spitzemuschter" und dr Fäderschaft parallel si: ) ) eifach kippt. Sgit de chli e Art e Ordnig dri und rahmt ds Wort "Einladung" i.

• Zitieren

Mercii eu! :)

Also das Spitzeteil isch eigentlich wiss und uf de Charte ischs denn überhaupt nöd zur Gältig cho, was mich fascht in Wahnsinn tribe hed will mier unbedingt sMotto 'Vintage' au uf de Charte möchtet widergspieglet ha und Spitze das fascht es MUSS isch. Mier händ hin und her überleit bis min Liebschte plötzli miteme Teller Kafi zlaufe cho isch und mal so eis dett dri gleit hed Das hemmer denn chli drin iweiche lah und de vintage-effekt womer händ welle isch -tada- da.
Aklebt und fertig :) d Schleife isch chli es Gebastel (uf youtube heds aber super Aleitige, hihi :) )

S'Innelebe existiert leider no nöd. Ich weiss no nöd so genau, wie mer das sölled umsetze mit de Afahrtsplän, Infos, Iladig nur zum Apero usw... iher kenned das ja sicher

Das mitem umkehre vo de Fädere hemmer usprobiert, es gseht aber recht komisch us und bringt irgendwie Unrueh dri.

Also wenn öpper Ideeä zum Thema Vintage Charte hed, hie isch en Abnähmerin ;)

• Zitieren