| Gästebuch |
|
|
1 2
|
nicarina1985  am 26.03.2010
Gästebuch
Hallo Mitenander
Mein zukünftiger und ich wollten an unserer Hochzeit ein Gästebuch auflegen. Am liebsten würde ich dies selber basteln, hat jemand von euch evtl eine Bastelanleitung? oder allenfalls sogar eine Idee wo ich so ein schönes weisses kaufen kann? ich habe im Internet mal gesucht und nichts wirklich gutes gefunden.
Vielen dank für eure Hilfe.
|
|
|
|
Aquamarina nicht registriert am 26.03.2010
Re: Gästebuch
in Papeterien zb oder schau mal auf Amazon. Die haben extrem viele Hochzeitsartikel.
Gruss Aqua
|
Cherita  am 26.03.2010
Re: Gästebuch
Hey nicarina
Ich finde z.B. diese auf Kartentrend-HP sehr schön.
http://www.kartentrend.de/default.aspx?p...size=4&typ=
Du kannst natürlich auch eines kaufen z.B. bei Coop, Migros ein solchen Rinngelbuch und dann auf dem Cover ein schöner Spruch und ein Bild draufmachen.
Wir werden auch eines im Coop oder so kaufen und dann eben ein schöner Spruch und Foto von uns auf der Titelseite draufkleben. Dann werde ich die Seiten irgendwieschön verzierren mit Umrandung und vielleicht Herzchen aus dem Bastelzentrum. Dann haben wir noch eine Kamera, wo die Bilder beim machen, gleich rauskommen. Arghhhh wie heisst diese Kamera schon wieder?
Dann kann jeder Gast ein lustiges Foto von sich machen, einkleben und etwas dazu schreiben.
Grüässli
**** *** ** * Ewig dein, ewig mein, ewig uns * ** *** ****
|
nicarina1985 am 26.03.2010
Re: Gästebuch
Ja das mit der Kamera wär auch super.. schlage ich meinem zukünftigen auch mal vor dann haben wir dann auch noch ein Bild drin..
Am liebsten würde ich es auch selber basteln aber ich habe keine genaue vorstellung.
@Aqua: habe gesehen das diese über die homepage von in-due.de läuft.. dort hat es sehr viele Hochzeitsartikel, falls du noch was brauchst..
|
Carmile am 26.03.2010
Re: Gästebuch
@cherita: du meinsch polaroid kamera, oder? so eini möchti denn au no, find die super. uf ebay isch am günstigste hani per forum erfahre:-)
@nicarina: aaalso, dfrau basteltante isch zur hilf  was hend ihr sus für es motto, was für farbe? wie gsehnd diladige us?
i wird mer eifach sonens wisses oder ivory farbigs gästebuech mit ringli kaufe. denn nimmi vo üsem liecht filzige türkis papier mit wisse verzierige und mache druss es band vo öppe 10 cm. das tueni denn horizontal in untere berich vom deckblatt klebe. sgliche ufde rücksite. damit dränder schön sind, tuenis ganz umeklebe, also deckblatt vorder- und rücksite. mit es paar cremefarbige herzlis wo mer no übrig hend tueni denn verziere plus perlelis.und vilicht no es foti in quadratform so halbe über das band klebe.
tipps und tricks damit öppis bastlets spannend usgseht:
versch. forme mische..also rundi herzli, rechteckigs band und quadratisches foti
3 farbe gseht interessanter us wie zwei, chunt usde stilberotig
3D effekt erziele indem z.B. es schöns papier wo zu flach isch uf en dünne karton klebsch und de denn ide gwünschte form usschnidsch.
hm..aber wenn de gar kei idee häsch..gisch mer mol eures material etc. a wo er bisher verwendet hend, denn chan dr sicher helfe. i sprudle do immer nur so vo idee und lieeeb bastelläde.
viel spass dämit.
|
nicarina1985 am 26.03.2010
Re: Gästebuch
hihi danke Carmile.. i sprudle normalerwis au vor idee aber do gohts mir irgendwiä us.. i wür gern was mit wisem oder cremefabenem stoff machä eifach elegant.. aber do müesti mo lluege was do für möglichkeite gäbt..
üsi farbe sind Orange und Wis.. und als Tischkärtli (woni au selber mach) hani sone Karton in Schatztruheform woni mit wis wird amole dänn werdi sones oranges band rundume ufchläbe und ine dra chunt so oranges dünns papier (weiss gad nümä wiä das heisst) damit i chli füllig han und obe druf chömed üsi selber kreirte m&m's und als namenschärtli hani dänkt i due mis orange papier im quadrat usschniede dänn dueni usem wiese papier mitere spezialscher nu dä teil usschniede woni für dä name bruch und dänn hämmer so spezielli herzli kauft wo us so metall sind (sind chli brünlich aber gseht heiss us) und uf diä herzli dueni no so glitzerdinger druf chläbe ganz chlini.. und dNamenstäfeli für dGäst do hani usem gliche Material do nimi es grössers herz und due au swiese ufs orange chläbe wiä bi dä schatztruhe und so zwschüdes herz ine.. isch chli kompliziert.. aber evtl. fanged mir morn dämit a (bin scho richtig gspannt) dänn chani jo es foti machä und mol zeige wiänis mein.. i lieb au bastelläde chönt mi döt ine dä ganz tag verwile..  isch mir und dä trauzügin au scho paar mol zum verhängis worde.. hetet no soooo viel vorgha und sind eifach nümä usem lade usecho..
due mol morn wänni wieder im zolli bolli bin luege was do für möglichkeite git für Gästebüecher.. diä händ amol au super idee..
wiä machsch dänn dini chärtli?? für dä tisch?
|
Cherita am 26.03.2010
Re: Gästebuch
*gg* ja ich meinte natürlich eine polaroid Kamera ;-)
**** *** ** * Ewig dein, ewig mein, ewig uns * ** *** ****
|
cuenca  am 26.03.2010
Re: Gästebuch
noch zu den Polaroid-Kameras: wir haben am runden Geburi von meinem Vater solche Bilder gemacht und ich muss sagen, ich würde es nicht wieder machen. Ich würde es eher mit einer Digi-Cam machen, denn die Fotos sind Welten besser und auch günsitiger. Eine andere Option sind Einwegkameras...
Zudem weiss ich gar nicht, ob man die Kasetten mit den Fotos drin noch bekommt (zum auffüllen...). Ich habe mal gehört, dass diese in absehbarer Zeit nicht mehr hergestellt würden...
Ich habe noch eine zuhause, die ich abgeben würde...
_____________________________________
Wir heiraten kirchlich am 4. September 2010
|
Carmile am 26.03.2010
Re: Gästebuch
hey cuenca
hetsch au no spapier däfür und sganze material wo me halt so brucht? kei ahnig, was das isch. han no nie einie gha. mini idee isch dass me vor ort schnappschüss macht und die iklebt. die müänd au nöd weiss gott was für e qualität ha. mit de digicäm muesch ebe no en drucke mitneh. chönt si dass denn all denket mer seget freaks, haha, will mer als informatiker und wirtschaftlerin mit technischer usrichtig scho es büro voll usrüstig hend, 4 laptops, zwo bildschirm etc..da frogt sich menge :-))
schrib mer doch gschwind e nochricht für wieviel sie würdsch hergeh etc. thx.
|
Ellie  am 26.03.2010
Re: Gästebuch
carmile, polaroid kommt momentan wieder in mode! finde deine idee witzig! aber cucena hat recht, um die qualität (und auch die haltbarkeit!!!) der alten polaroidkameras steht es schlecht. aber kult sind sie allemal! mittlerweile gibt es übrigens sogar "digitale polaroidkameras" - musst mal googeln! 
|
|
|
1 2
|
Anmelden
