| Gastgeschenke nach "Liebesrezept" - wäre dankbar um Feedback :-) |
|
|
1 2 3
|
Eve777  am 14.12.2012
Gastgeschenke nach "Liebesrezept" - wäre dankbar um Feedback :-)
Hallo Zusammen
Ich mache mir schon seit einigen Wochen Gedanken um die Gastgeschenke an unserer Hochzeit. Nach gefühlten tausend Ideen haben mein GG und ich uns nun überlegt, dass wir für jeden Gast so ein Geschenkböxli machen könnten mit einem "Liebesrezept" drin und Zutaten dazu.
Hab im Internet eine kurze Variante für das Liebesrezept entdeckt:
2 Herzen
1 Prise Romantik
200g Liebe
50g Humor
2EL Leidenschaft
1 Pfund Geduld
2cl Vertrauen
und etwas Phantasie
Wir hätten bis jetzt diese Ideen als Symbol für die jeweiligen Rezeptinhalte:
2 Herzen = 2 Schoggiherzli
1 Prise Romantik = kleines Teelicht
200g Liebe = Lavendelzucker (süss wie die Liebe)
50g Humor = Zitronen-Rosmarinsalz (sauer macht lustig)
2EL Leidenschaft = Chilli oder spezieller Pfeffer (hat Feuer)
1 Pfund Geduld = Pflanzensamen (braucht Geduld bis Pflanzen wachsen)
2cl Vertrauen = irgendwas Alkoholisches, Grappa oder so
und etwas Phantasie = Wedding Bubbles
Vor lauter studieren weiss ich gar nicht mehr, ob das überhaupt wirklich eine gute Idee ist oder ist es too much? Wir würden natürlich versuchen, alles in Kleinstvarianten zu machen. Hmm was meint ihr dazu? Ev. noch weitere Tipps / Anregungen  ?
|
|
|
Lula  am 14.12.2012
Re: Gastgeschenke nach "Liebesrezept" - wäre dankbar um Feedback :-)
I finde dIdee mega härzig. dFrag isch haut eifach wie tüür das es wird, resp. wie viel ihr weit usgäh, u wie drs de weit verpacke... Aber es isch e mega schöne Gedanke! 
|
jusi am 14.12.2012
Re: Gastgeschenke nach "Liebesrezept" - wäre dankbar um Feedback :-)
d idee find ig sehr härzig
|
Eve777 am 14.12.2012
Re: Gastgeschenke nach "Liebesrezept" - wäre dankbar um Feedback :-)
Danke vilmol für euchi Feedbacks . Ich ha ebe dänkt ich tue jetzt mol i de Ferie über Wiehnacht / Neujohr chli usteste was mir wo chönte chaufe und wie tüür denn s einzelne Gastgschänk wörd wärde. Günstigi Fläschli im Miniformat hätti scho mol gfunde, jetzt weisi eifach ned wägem rästliche Inhalt wie das usgseht, mues mol chli go umeluege i de Gschäfter oder velecht chöne mir de Zucker oder so sogar sälber mache? Ich versueche glaub mol es Probegschänkli z mache und denn entscheide mir nachhär, öb's machbar esch oder s Budget sprängt oder eifach doof usgseht etc. D Fläschli woni gfunde ha sind so ganz chlini mit nur 20ml Fassig, die choste glaub um die 60 Rappe oder so und chönt me im "vom Fass" befülle loh. Hm also falls mir das anebechöme loh ichs euch denn wüsse  .
Zuletzt bearbeitet am 14.12.12 15:21
|
Kate82 am 14.12.2012
Re: Gastgeschenke nach "Liebesrezept" - wäre dankbar um Feedback :-)
ich find's au e mega härzigi Idee. Ha sone ähnlichs Rezäpt au dehei...
Falls es z'tüür oder z'gross wird, chönsch jo villicht e chli e grösseri Usfüehrig uf jede Tisch (1 pro Tisch) tue und als Gaschtgschänkli villicht irgend e Ahlänig oder so? Aber gar nid mache fändi fascht chli Schad, find dini einzelne Idee so toll 
Machsch s'Zitrone-Rosmarinsalz sälber? Ich ha mol es Rezäpt gha (has' gläb immerno neumet) für Salz mit Balsamico. Villicht würd das glich funktioniere...
|
Eve777 am 15.12.2012
Re: Gastgeschenke nach "Liebesrezept" - wäre dankbar um Feedback :-)
Hallo Kate, merci vilmol . Bi jetzt gester no goge so Minifläschli hole und det hani denn grad no e mega schöni Verpackig gseh, so es Schächteli wo de ober Teil durchsichtig esch, s hät genau die richtig Grössi und wär zahlbar (2.70). Ich teste jetzt mol über d Festtäg öb ich so Zucker und s Salz cha sälber mache und mache mol es Probegschänkli. Ich ha mol chli im Internet gluegt und det ganz viel Rezept gfunde für so Sache, dänke das sötte mir scho anebecho . . Wet wenns goht pro Gastgschänk ned meh als 6 Franke usgä (mir sind öpe 60 Lüüt), wenns denn halt am Schluss 7 oder 8 Franke wärde wärs au no oke.
Also falls ichs schaffe so es Probegschänkli fertig zämezstelle post ich denn mol es Föteli -
|
Lula am 16.12.2012
Re: Gastgeschenke nach "Liebesrezept" - wäre dankbar um Feedback :-)
Bi de gspannt, finde dIdee mega härzig!
|
valey am 17.12.2012
Re: Gastgeschenke nach "Liebesrezept" - wäre dankbar um Feedback :-)
voll süessii idee :D ich würds mache chunnt sicher guet ah
|
Eve777 am 21.02.2013
Re: Gastgeschenke nach "Liebesrezept" - wäre dankbar um Feedback :-)
De Tread esch zwar no vo letscht Johr, aber mir sind erst jetzt dezue cho def. Mustergschänkli fertig z stelle. Mir händ no neui, besseri Verpackige gfunde und öpe eso söll denn euses Gastgschänk usgseh. D Inhält hämmer über Wiehnacht / Neujohr testet (Rosmari-Zitrone-Salz etc.) das goht guet zum sälber mache und söt keis Problem sii.
Sorry für die unscharfe Föteli, mis Natel het leider ned sone gueti Kamera, aber dänke so d Idee erkennt me scho druf . S chunt denn no es Cherzli dezue und Schoggihärzli und es Sonnenblueme-Same-Pflanzbriefli. Wägem aschriebe vo de verschiedene Gläsli beni no unsicher, ha mol öpis versuecht z mache mit Zitat wo zum jewiligi Begriff passe wo de Inhalt vom Gläsli deför stoht. Also vorne uf de Zetteli stoht denn z.B. Vanillezucker und hinde druf stoht z.B. "Die Liebe ist die subtilste Macht der Welt" will de Vanillezucker sinnbildlich für d Liebi stoht. Weiss aber nonig öb mir das so bhalte oder eifach aschriebe was drin esch und fertig.
Zuletzt bearbeitet am 21.02.13 08:51
|
Eve777 am 25.02.2013
Re: Gastgeschenke nach "Liebesrezept" - wäre dankbar um Feedback :-)
Übrigens: für d Chinder wo au am Fest sind tüemer anderi Füllige id Säckli, ha jetzt grad übere Mittag no chöne e Teil devo fang poste . Mir tüend für d Kids (sind alli denn zwüsche 4ri und 6i) so e "Zauberstab" Schlüsselahänger dri und allwäg irgendwie no öpis Süesses oder so. Esch no schwer gsi zum die Stäb finde, bim Spielwarelade woni sie jetzt gfunde ha tüend sie die grad usem Sortimänt nä, grad nomol Glück gha  . Aso wo ich no e Knirps gsi bi simmer alli voll uf die Stäb abgfahre, hoffe das esch hüt bi de Chinder au no so  .
Zuletzt bearbeitet am 25.02.13 13:15
|
|
|
1 2 3
|
Anmelden
