| Geschenke für Brautführer |
|
|
1
|
maju  am 07.02.2009
Geschenke für Brautführer
Hallo zusammen
da mir im Moment nid würklich viu z düe hei für üses Hochzyt, si mir üs scho mau am Gedanke mache was mir üsne Brautführer wei schänke! mir wete eifach ihne öpis gä aus dankeschön dass sie für üs so viu gmacht hei, aber wüsse eifach nid was 
was schänket dir so u i welem Betrag?
mir hürate am 02.05.2009
|
|
|
sheperd  am 25.02.2009
Re: Geschenke für Brautführer
sali maju
ich hürote zwar erscht im 2010, aber ich bin au scho trauzügin gsi und han mit em trauzüge zäme quasi dä ganz alass organisiert. mir hend denn vom brutpaar je en guetschi für 2 persone und zwei übernachtige im panorama resort&spa feusisberg übercho. ich han das es super gschänk gfunde. isch sicher ned ganz billig gsi, aber mir hend üs für d fäscht echt dä a*** ufgrisse und s brutpaar het das riesig gschätzt. ich dänk es chunnt chli druf a, wie viel arbet das d trauzüüge im ganze hend. es gschänk wo die denn chönd mit ihrem/sinere liebschte gnüsse, findi super, will d partner vo dä trauzüge ja müend zrugg sta, wenn die beide viel ziit mit planig, etc. verbringed.
es muess ja au ned grad dä feusisberg si, es git ja au chli günstigeri schöni wellnesshotels.
|
fraztaz am 25.02.2009
Re: Geschenke für Brautführer
hoi maju
mir hei o a so öppis denkt. äs wuchäend irgendwo zum entspannä. mir hei gad äs päärli aus trouzügä. so cha me eis gschenk machä u de drfür äs rächts 
Am 05.09.09 isch es sowiet!
|
madmadi  am 25.02.2009
Re: Geschenke für Brautführer
Maju, das isch scho mou nöime diskutiert worde, velecht fendsch dete jo no öppe en Idee.
Mer händ de Trouzügin freedreams-Guetschine gschänkt im Wärt vo Fr. 150.-- ond em Trouzüge Europapark-Billet mit Verpflegigs-Guetschine zom de Betrag a dä vo de Trouzügin agliche.
Mer händ öisi Trouzüge gfrogt, was si gärn möchte. De Kolleg vo mim Ma hämmer, nachdem mer d Idee gha händ, dass mer zäme i Europapark chönnte go, gfrogt, öb är das en gueti Idee fänd oder öb er eventuell en andere Wonsch het (so het er sech s Budget öppe chönne vorstelle) ond minere Schwöschter hani sogar s Budget gseit för s Gschänkli. I weiss, das esch chli ongwöhnlech, aber mer händ welle secher si, dass öisi Trouzüge för ehri Arbet ou öppis öberchöme, wo si Fröid händ dra / wo si sech wönsche.
Grüessli
madmadi
Sit em 8. August 2008 glücklichi Ehefrau!
|
maju am 25.02.2009
Re: Geschenke für Brautführer
ou ändlich chöme chli vorschläg............ danke viu mau! ja so a Weekend hei mir o scho dänkt! i hät eifach no gärn chli öpis originels u Persönlichs..... isch aber äue no schwierig! u i wet äbe de no chli ä Red schwinge (nume churz) u weme z gschänkli so chli originel chönnt übergä wär das ober cool! i mues no chli überlege u warte no chli uf vorschleg u när ga i de no mau ga luege wen dass das scho mau isch disskutiert worde...
liebi grüessli
mir hürate am 02.05.2009
|
madmadi am 26.02.2009
Re: Geschenke für Brautführer
Maju: das Thema findest du unter "Geschenke"...
Grüessli
madmadi
Sit em 8. August 2008 glücklichi Ehefrau!
|
Miracle am 04.03.2009
Re: Geschenke für Brautführer
Mir händ üssne Trauzüge än Azug bzw. Obigchleid gschenkt (max. Betrag pro Person CHF 500). Zudem d'Übernachtig im Hotel und äs abschlüssends Nachtesse....
Grüessli
Miracle
|
|
|
1
|
Anmelden
