| Heirat im 2008 |
|
|
1 2 3 4
|
Viviane  am 15.10.2007
Re: Heirat im 2008
Zitat:
Hallo Knorrli
Au bi üs muäs äs recht günstig si. Mir hend au nöd so ä risä budget. Aber i denk mir mä muäs mengmol au eifach d beziägä spilä loh. Mir müänd au zersch mol luägä das mir än Budgetplan machäd. Möcht nöd das mer am schluss dostönd und äs risä loch i üsäräm Bankkonto isch.
Hi Knorrli
ja au mir sind eher binere günschtigere Variante, mir wänd es jahr nach euisem hochzig uswandere und drum wirds echli es engers hochzig aber ebe, ilade muemer eh nur die wichtigschte lüt..
lg viviane
Viviane & Urs heiraten am 12.09 + 13.09.2008!
|
|
|
Suse am 15.10.2007
Re: Heirat im 2008
Hoi Tegerli
Du häsch gröget was du söllsch mache.
Nim dini Schwö...
Für mich isch es eigendlich klar gsi das mini Schwö mini Trauzügin isch.
Mini Schwö hät als Überraschig i de Chile gsunde und das isch imfall überhaupt keis Problem gsi. Sie hät das beides perfekt gmeischteret.
Unglaublich persönlich gsi...isch mega gsi. Lauft mer immer nu chalt de Ruggä abe wänn ich dra dänke.
S coolschte Lied wo gsunge worde isch, isch DAS BESTE vo Silbermond gsi.
Eifach en Traum und mega persönlich..
Dini Schwö wird das perfekt meischtere...do bin i sicher.
|
Pam am 17.10.2007
Re: Heirat im 2008
Hoi zäme
Be nöi do. Mer hürote am 21.6.08 ond hei Standesamt ond Chele am glieche Tag. Freue öis.
Liebe gruess ond ou vöu fröid öich aune bim Plane.
Pam
|
Ninic am 30.10.2007
Re: Heirat im 2008
Hallo zäma.
I bin neu da im Forum. Miar händ scho länger immer mal wieder über's Hürata gredet, aber jetzt wo i schwanger worda bin, pressierts plötzlich. Miar stönd no ganz am Afang vo üsera Planig (also eigentlich händ miar no überhaupt nüt gmacht  ). Miar hoffend, dass miar im April no äs Plätzli findet zum fiira.
Miar planend Ziviviltrauig in dr CH und die "kirchlich" Trauig nid innera Kircha sondern in Holland am Strand (min zukünftiga Maa kund vo dört).
Wohnt öppert wo au nächscht Jahr hüratet au im Züri Oberland oder Umgebig?
Viel Spass euch allna bim Hochziits-Vorbereita.
|
Joyanan26 am 01.11.2007
Re: Heirat im 2008
Hallo
Ich lueg scho sit längerä Zit immer mal wider im Forum verbi und lis interessiert euri Iträg.
Mir hüratäd au im 2008. Am 13.6 ischs Zivilä plant und am 14.6 Kirchlich, mir händ z'erscht am 21.6 Kirchlich wellä hüratä aber dänn isch Kilchä scho bsetzt.
Mir chömäd au us äm ZüriOberland und hüratäd au döt.
Sind ihr scho alli für's Brutkleid go luegä? Ich fräg mich öb das im Januar nöd no langt wenn i dänn afang?
|
Ninic am 01.11.2007
Re: Heirat im 2008
Hallo Royanan
Vo wo bisch im ZüriOberland? Miar wohnen in Wetzikon.
Han no nid gluaget wegem Hochziitskleid, werda vermuatlich im Dezember mal go luaga. Jetzt händs ja an vielna Ort no Prozent. 
Wo hüratend ihr denn genau?
|
Joyanan26 am 01.11.2007
Re: Heirat im 2008
Hallo Ninic
Momentan wohnäd mir no in Dürntä, ziehnd aber uf dä Februar nach Hombrechtikon und döt hüratäd mir dänn au.
Wie alt sind ihr dänn und wie lang sind ihr scho zämmä?
Ich han mir au überleit öb i scho im Dezember söll ga aber han au scho vu villnä Sitä ghört, dass vill Gschäfter Prozänt meischtens nu bis Endi November händ.
Weisch scho wo hi gasch go güggslä?
|
Ninic am 01.11.2007
Re: Heirat im 2008
Sali Joyanan
I bin bald 29 Jahr alt und min Zukünftiga isch 40 Jahr alt. Wia gsehts bi Euch us?
Han bis im Juni das Jahr no in Tann gschafft gka, ghört ja au zu Dürnten.
I bin im Bündnerland ufgwachsa und han denkt dass i dört und in Sargans im Hochziitshuus mal ga go umaluaga wegem Kleid. Wenn du seisch das dia Prozent nur bis Endi November händ, gah i viellicht sogar dä Monat no verbi. Chan sicher nid schada.
Wo gahsch du go luaga wegem Kleid? Bubikon wär ja in dr Nähi, aber i han ghört, dass as dört sehr tüür isch...
|
Joyanan26 am 02.11.2007
Re: Heirat im 2008
@ Ninic
Ich bin 26gi und min Schatz eis Jahr älter. Mi sind nächscht Jahr 10 Jahr zämmä und händ dänkt das äs mal Zit isch dä nächschti Schritt zwagä
Ja Chez Janin isch sehr näch vu mir aber i han i däm Forum nu schlächts vu dänä gläsä....schlächtä Service etc. und uf das han i kei Luscht.
Han nonig so ä Ahnig wo i anä ga söll....villicht mal döt wo ä Kollegin vu mir ihres Kleid kauft hät...isch in Ebmatingen, söll chli aber halt sehr persöndlich si und ebä nöd so tür....chan und wott mir keis Kleid für Fr. 3000.- leischtä!
Han gläsä das Du schwanger bisch...i welläm Monät wenn i fräge därf? Mi wünschäd ois au bald Kind.
Hochzit in Holland isch sicher sehr schön und dänn no am Strand*schwärm*
|
8294kurt am 04.11.2007
Re: Heirat im 2008
Hallo,
viele Infos und Tipps, Kostenplanung etc findet ihr unter http://www.steckschaum-produkte.de
Im Shop findet ihr Autoschmuck, Hochzeitsdeko, Tischdeko ......
Lohnt sich !
Gruß 8294 kurt
|
|
|
1 2 3 4
|
Anmelden
