| HILFEEEEE - Planungszeit wird zu knapp |
|
|
1 .. 4 5 6 7 8
|
LadyWolverine  am 13.04.2012
Re: HILFEEEEE - Planungszeit wird zu knapp
Denn isch ja guet han i öppis wäge Lieder gschribe :P
Chasch dir jo s einti odr anderi mol im youtube go alose.
verliebt 25.05.2010 verlobt 08.04.2012 verheiratet ooO?Ooo
|
|
|
stephansbride  am 13.04.2012
Re: HILFEEEEE - Planungszeit wird zu knapp
Ja das isch wohr. Es wer mir spötischtens afang Juli wieder in Sinn cho wenn dr Pfarrer bim Gspröch gfrogt hetti "Und was möchtet ihr gern für Lieder" 
Ja youtube isch super. Dört gangi denn uf jede Fall mol go stöbere...
***verliebt 10.12.2005 - verlobt 09.07.2011 - heiraten 17./18.08.2012***
|
LadyWolverine am 16.04.2012
Re: HILFEEEEE - Planungszeit wird zu knapp
Mir sind am Sunntig e Location gsi go aluege :) S hätt afangs chli tüür dunkt, abr am schluss sind beidi meh als begeisteret gsi 
Inkl. Vorspis, Zwüschagang, Hauptstpies und Dessertmenü (inkl. Hochzytstorte) und inkl. Getränk öppä 150 - 160 CHF p. P. isch doch ok, odr?
Also s Menü rächne sie je nachdem was mir wend mit öppä 100 - 115 CHF p. P. und diä Getränk separat nach ufwand, isch jo normal.
Wie heit dir das mit de "harte" Getränk gereglet?
Ich würdi gärn zum Aperitif z. B. en Martini usschänke, denn evtl. noch em Ässe es Ründli Schnaps und viliecht no en Absacker/Schlaftrunk am Ende. Sunnsch würd ich gärn uf harte Alkohol vrzichtä.
Odr wie gseht ihr das?
Ich ha kai Bock uf Besoffeni a minere Hochzyt...
Und laidr cha mer ja nit immr numä diä Persone iilade, die mer gärn würdi drbi ha... Mer cha jo nit Partnere vo Fründe odr so uslade, wil mer sie nit wot ha a dr Hochzyt...
verliebt 25.05.2010 verlobt 08.04.2012 verheiratet ooO?Ooo
|
stephansbride am 16.04.2012
Re: HILFEEEEE - Planungszeit wird zu knapp
Hallo
Freut mi dass Ihr e tolli Location gfunde händ. Also mich dunkts vom Pris her ok.
Das mit de Getränk isch halt immer schwer vorhersehbar.
Mit de "harte" Getränk würd ich wenn ich dich wer so mache dass allne es Apérogetränk und e Absacker offeriersch und die andere müesse si selber zahle. Ich denk das isch ok.
Das mit em Bsoffe si chasch halt nid verhindere. Wenn dr einti oder ander halt au es Bierli zvil trinkt chasch nid vil drgege mache.
Chasch nur druf hoffe dass die Lüt sich euch zlieb zrug hebe und uf sich luege...
***verliebt 10.12.2005 - verlobt 09.07.2011 - heiraten 17./18.08.2012***
|
LadyWolverine am 16.04.2012
Re: HILFEEEEE - Planungszeit wird zu knapp
Merci, jo s wird s Beschte si. S Restaurant offeriert keine harte Getränk vo sich us. Diä Gäscht müesste scho vo selbsch cho und noch öppis froge und siä werde denn sägä, dass sie's müend selbsch zahle. :)
Wie gsehts us mit de Hotelzimmer? Euseri Suite isch offeriert, abr diä Zimmer vo de andere Gäscht (200-220 CHF/Zimmer) ebe nit. Isches frech wenn mir diä Zimmer nit würde zahle, sondern alle s Zimmer selbsch müend zahle?
S wäre 2 kleine Suiten für diä Eltere und no 4 - 5 andere Zimmer, wil 'mini' Gäscht jo vo Düschland abe chömme...
verliebt 25.05.2010 verlobt 08.04.2012 verheiratet ooO?Ooo
|
stephansbride am 16.04.2012
Re: HILFEEEEE - Planungszeit wird zu knapp
Ah wenn sRestaurant nüt vo sich us offeriert denn isch au ok 
Das mit de Hotelzimmer isch so e Sach. Also es goht sicher in Ordnig wenn ihr euchne Gäscht säget, dass sie sHotelzimmer selber müend zahle. Wers jetzt nur no 1 Zimmer wo dir müsstet ha würds au in Ordnig goh wenn ihr das übernehmet, aber so sinds scho chli vil...
***verliebt 10.12.2005 - verlobt 09.07.2011 - heiraten 17./18.08.2012***
|
jasi86 am 16.04.2012
Re: HILFEEEEE - Planungszeit wird zu knapp
@ Lady Wolverine... bi üs müänd fast alli Gäst im Hotel schlofe.... Und mer hend allne gseit das mer d Zimmer ned zahled. Mer hend allerdings chli günstigeri Zimmer so um 150 CHF.
I bi aber dä gliche Meinig wiä stephansbride. Wenns nur 1 Zimmer oder 2 währed cha mer das scho überneh.
...oooOOO 25. Mai 2013 OOOooo...
|
saerli  am 16.04.2012
Re: HILFEEEEE - Planungszeit wird zu knapp
Bi mim Brüeder esch es sogar so gsie, dass eusi Eltere dZimmer vom Brutpaar und mer und em andere Brüeder zahlt händ. Das esch rächt grosszügig gsie und ned selbstverständlich.
Mer händ euse Gäst gseit, dass wenn sie wänd ide Nöchi schlofe, dass sie i das und das Hotel chöned. Ha vorher no i dene Hotel aglüte und met dene gredet. Sie gänd eus alli en Hochzitsrabatt für dGäst. Das esch jo au guet oder? I fende au, dass Gäst Zimmer sälber seled zahle. Ussert z.B. de Trauzüge eri Zimmer würdi überneh, damits ned no grösseri Umtriib händ.
°°°22. September 2012°°°
|
stephansbride am 16.04.2012
Re: HILFEEEEE - Planungszeit wird zu knapp
Ich denk wenn ihr das allne klar kommunizieret isch das sicher für niemer es Problem.
***verliebt 10.12.2005 - verlobt 09.07.2011 - heiraten 17./18.08.2012***
|
LadyWolverine am 16.04.2012
Re: HILFEEEEE - Planungszeit wird zu knapp
Ich dänks ebe au. Mir wärde das i eusem Hochzyts-ABC mit ine drucke :)
Für d Trauzüge überneh mir es Zimmer. S isch glücklichrwis numä 1 ;) Isch es Päärli.
verliebt 25.05.2010 verlobt 08.04.2012 verheiratet ooO?Ooo
|
|
|
1 .. 4 5 6 7 8
|
Anmelden
