Hey Kleine Feder!

Also o vo mire Site es Komplimänt! Weni das so guet chönnt, würdi das also o sälber mache und s Gäld spare. Gseht super us! Mega schöni Frisur!

• Zitieren

Danke ihr liebe, für das Kompliment... *strahlundsoglücklichbin*
Jo ebe, wel i das scho sit vilne Johr immer wider üeb und mir dehei sonen super Spiegel händ, woni mi vo hine au mega guet gseh, chanis ebe fasch sogar bi mir selber besser als bi öpper anderem... :D
Ha au scho immer dra ume studiert, öbis echt denn nöd grad sälber sötti mache, wil i ebe au no sonen Perfektionischt bi und mi nöd so gärn uf anderi verloh - s chönt jo no es Höörli abstoh nochher :D
Aber klar, es goht au nöd alltag so guet und mängisch verzwifli fascht ab dä Hoor, wenns wieder nöd so wönd wie ich gern wür... Und denn hani immer Angscht gha, dass das denn genau am Hochzitstag passiere chönt. Aber das isch hüt Morgen doch recht schnell gange und i cha jo etz no zwei Johr üebe und präzisiere und es isch jo nochher glich zimli underem Schleier und drum dänki (au dank eure Feedbacks), dass ichs werd wooge...

• Zitieren

Klar...
Es wird jo eh immer chli andersch und mir isches glich, wenn öpper so e ähnlichi Frisur macht...
He und wenn öpper mol Luscht hät und sich Choschte will spare (vielleicht us dr Region), ich wär au sicher bereit, emol echli mit eune Hoor uszprobiere und di eint oder ander Probefrisur zmache...
Ich ha zwor bi anderne nonig so vil ERfahrig, aber en Versuech wärs sicher wert, wenn öpper gärn meh wür probiere, aber nöd so vil möcht zahle...
Mini Schwöschter hebt amigs au ane. Aber mit irne Hoor hani mängmol voll Problem. Findes schwirig, wenn i nöd gspür, ö die Chlämmerli hebed oder nöd, wenis nöd am eigne Chopf mach
Eigentlich mega strub, dass ichs bi mir sälber mit Armverränkige besser cha als bi anderne

oh, Bild vergässe...

Zuletzt bearbeitet am 01.01.13 13:41

• Zitieren

Ha jo, am Afang häts bi mir au blöd usgseh... Has denn amel wieder uftue und was normals gmacht. Aber so nocheme Johr hät mers denn chöne halbwegs aaluege.
Und imfall: die Frisur isch eini vo dene, wo überhaupt nöd kompliziert sind. I ha eifach zerscht überall Locke gmacht. Denn hani vorne ganz en chile Abteil gmacht und dä ganz Rescht in Schwanz ie gno... Da hani denn eifach so i zwei Teil je um zwei Finger chli rund ufe go (mini Hoor sind eigentlich vill länger...) und mit vier, füf Spängeli a gmacht.
De gröscht Teil vom Abteil hani denn hindere gno und vo rechts noch ganz links bim ufegsteckte dri gno. und denn no e einzenli Locke vo rechts uf dä rächte Site inegsteckt, dass sie knapp hinderem Ohr lit. Fertig...
Isch echt easy, welsi durd Locke nöd so genau mues si...

• Zitieren

Oh Valey das isch e wunderschöni Frisur...
Hesch denn du so langi Hoor?

• Zitieren

Ich finde so öpis schön, weiss nur nöd obs zu mim prinzässin chleid passt :)

• Zitieren