| Kartentext |
|
|
1 2
|
silver83  am 25.11.2009
Kartentext
Hallo Brütlis
Ich bin gad mini Iladigschartä am bastlä. und etz bin i am studierä was ich alles inä schribä muess... will bi 2 sachä bin i mier etz nid so sicher.
zur inspiration han i alli altä iladigschartä gno wo ich ufghobä han. bi allnä stöhn dnamä vum brutpaar, aber mier tüen es foti inä vu üs und üsernä chind no dri, isch es den no wichtig, dass der namä stoht...schliessli stoht jo au adrässä und s e-mail und überhaupt wöviel kennens wo so heissen und es paar sind?
und den isch mier gad no ufgfallä, dass alli inä gschribä hen, in wellem resti am obet gfiiret würd, kört sich das so? ich hett das nid gschribä, wers wüssä will chan doch frogä und sich suscht überraschä lo?!?
schriben ihr das au alli in euri iladigä?
Lg und dankä
.•:*¨¨*:•..•:*¨¨*:•..•:*¨¨*:•..•:*¨¨*:•..•:*¨¨*:•..•:*¨¨*:•..•:*¨¨*:•..•:*¨¨*:•.
Sid am 13.02.2009 verhürotet und am 25.09.2010 isch üserä grossi tag
|
|
|
Nadine123  am 25.11.2009
Re: Kartentext
Mir gstaltid üseri Einladungskarte au alli selber... Aber betr. Einladungstext isch da so ä Sach... I finds no relativ schwierig alles druf packe...
Also, mir händs eso vorne üsers Logo inge Linke Seite Spruch + Föteli
Denn rechti Site ansprache Wer, den wenn das Trauig afang wo und nachträglichs Apero.... Oder ebe wen gelade werdid mir ziemli sicher au Rest. erwähne... Wüssid eh diä meiste und denn chönd sie sich villicht au gad no organisiere betr. Auto wels jo sowieso selber fahre mönd...
Denn de Name vu üs beidne Hihi... für diä wo nur dä eint kennid. Nei, eifach vollständigkeitshalber
und denn no Trauzeuge mit Kontaktinfo
und jetzt mössti ebe no so än doofe Spruch weg Geldgeschänke druff. Dötte bin i ebe so am knorzle...
und uf emne Beiblatt denn ameldig wer wa nöd gern hät... Mir machid so uf diä witzig art (chli verarschig) ä ganzi Liste (so ebe 30-40 Sache) und sie mönd denn akrüzle was nöd gern händ
Mues jetzt ebe no abkläre ob i da mache ka mit direkti Anrede... Da wär scho schö...
|
Pamuya  am 25.11.2009
Re: Kartentext
Hallo Silver
Also mir wärded nid verrate wos am Abig s Abigässe git, da mir finded, dass zumindest das e Überraschig sii selli.
Ansonste werded mir nid so vill sache dri tue
Vorne Deckblatt ( zwei chliini Föteli), En Spruch und Es Bild
Inne es Foti vo üs beidne
INne 2 en Spruch, wenn wo wie was ( also eifach trauig, zyyt, ort) und denn no d Hochsigshomepage wos all wichtige Agabe finded und sich det au via Formular amälde oder abmälde chönd
Liebs grüessli
|
tonie am 25.11.2009
Re: Kartentext
hoi silver83
das mit de näme han ich mir gar no nie überleit. aber findes grad guet häsch du das mal agregt. Ich glaub ich schriib dänn eifach eusi vornäme. d nachnäme stönd ja würklich i de adrässe. aber s argumänt, wänn en gast nur de einti kännt sich es viellicht no nett, wänn mindistens de vorname dete staht. Mir werdet söttig Gäst ha, zum Biispiel sini und mini arbeitskollege.
das mit dem resti findi chasch mache wied wetsch. wänn sich d lüüt irgendwie müend organisiere, oder de wäg halt wänd wüsse. oder de heiwäg schomal usesueche isch es vielleicht no guet. wännd wetsch, dass es e überraschig isch dänn lasches wägg.
das mit somene gäld-spruch wett ich uf kein fall uf minere iladigscharte. entweder wüssed mir die öppis guets zum schänke oder sie sölled bi de trauzüüge oder de eltere nafröge. die chönd dänn säge, dass me sich gäld wür wünsche.
|
silver83 am 25.11.2009
Re: Kartentext
also bi üs gsieds so us, mier hen ä 2 mol gfalteti quadratischi chartä 15x15cm. gfalltet isch sie wie es Z wenn mä vu obä lueget
uf der estä sitä stoht Liebe ist... drübert zwei härtzli
den klapp sie uf 2 sitä werden sichtbar, uf der erstä en schönä spruch, und uf der 2tä stoht unterm foti vü üserä familiä ( mier hen scho 2 gmeinsami chind) ...wenn eine Familie heiratet (han i do im forum mol gläsä und gad für üs überno )
den chasch vu hindä här no ä sitä offklappä und döt stoht den wen, wo zu was und bis wen antwortä, undä drunter chliner üseri adrässä mit namä.
ich han gar kein platz meh, suscht müesst i si andersch zämäleggä, aber den wer ä ganzi sitä frei nu für üseri 2 namä, find i au chli komisch.
da diä chartä 15x15 sind und den zilageblatt nu 13x13 isch dä platz für text au knapp, und ich will nid u chli und zämägstucht schribä. find das nid schön, wenn so gwurstlet usgsied. lieber chli luft
ich han au chli problem, wenn mä scho bir iladig schribt, dass mä gäld wött. findä, dass es nid dri kört. am afang han i au wöllä, aber etz find is ohni gschenkli text viel stimmiger. mier wönn au lieber sgäld für es auto, aber wen ü öpert öpis suscht schenkä will, den törf er und wen er nid weiss was, den chan er sich jo an trauzügä und an dä tätschmeiser wendä.
das mit der adrässä vum resti suchä isch no ä guets argument, aber wie wers, wenn dä tätschmeister das in sinem brief an gäst schribt wo mier ässen? er organisiert jo eh alli überraschigä und luegt, dass alles au zitlich passt.
eurä tätschmeister schribt doch sicher au en brief an alli gäst?
.•:*¨¨*:•..•:*¨¨*:•..•:*¨¨*:•..•:*¨¨*:•..•:*¨¨*:•..•:*¨¨*:•..•:*¨¨*:•..•:*¨¨*:•.
Sid am 13.02.2009 verhürotet und am 25.09.2010 isch üserä grossi tag
|
speedy am 25.11.2009
Re: Kartentext
Hoi zäme
Mir händ de Chartetext au nonig ganz zämme. Wärded üs aber sehr churz halte, da mir uf unseri Homepage chöned verwiese, und dört stoht denn alles drin.
Wäg em Restaurant: Ich cha natürlich die Brütlis scho verstoh, wo ihri Gäscht überrasche wänd. Aber dänked au dra, dass die Gäscht jo denn irgendwie müend luege wies heim chömed respektive wo dass si chöned übernachte. Usser du ghörsch zu däne wohlhabende Hochzitslüt wo bi dr Iladig zum Hochzit grad no d Übernachtig und de Brunch am nöchschte Morge au mit drin sind. Das han ich bis jetzt aber nur vo öpperem ghört, wo d Eltere vo de Brut sälber es Hotel bsitzed. Denn cha me so Züg natürlich scho mache. 
Liebe Gruess
Speedy
|
Krispy am 25.11.2009
Re: Kartentext
Hoi ehr Bastlerinne, i ha ez afe d Bändeli bstellt för d Chärtli, Probedruck machi de am Weekend! üse Text gset folgendermasse us
Förs Apero:
Name und Vorname & Name und Vorname
Mer hürote am 17.7.10 am haubi drü z XY im chline Chreis.
Zom aschliessende Apero am Ort X z Y send alli härzlech iglade.
En Amäldig bes Ändi April erliechteret üs d Planig
Üsi Adräss:
homepage
Text för die gladne Gescht god denn so:
zode Trouig ond zom Fäscht lade mer euch härzlech i.
Träffponkt ond witeri Details sen dof üsere Homepage.
Esch zwar chli troch aber deför esch s Chärtli schön
|
tonie am 25.11.2009
Re: Kartentext
stimmt das mit der homepage ist auch noch ne guute idee. daran denk ich amigs gar nid, da wir gar keine homepage haben werden. aber wirklich ne guute idee.
ich kann mir schon vorstellen, dass unsere trauzeugen nochmals nen brief oder ne email schreiben werden. die können dann wirklich noch infos für uns durchgeben. das ist schon mal nicht schlecht. auch falls man was vergessen hat
@silver83: ich persönlich finde die lösung mit dem geld einfach die eleganteste. ich freu mich ja über geschenke und wenn jemand was weiss dann wirds uns auch gefallen. und das geld nehmen wir ja eh gerne.
|
silver83 am 25.11.2009
Re: Kartentext
hallo tonie
vorstohn mich nid falsch, mier hen scho an 3 hz "nu" gäld gschenkt. aber wens scho in der iladig dri stoht... ich findä, dass kört eifach nid dört dri. mä schribt jo au nid mier hetten no gärn ä kenwood chuchimaschinä und en neuä dampfkochtopf und den felht üs no es 24 teiligs bstecksett...
isch mini meinig, wen ich so ä iladig überchemti het ich kei problem dämit, aber bi mier sälber stell ich dasprüch amigs chli höcher.
also nid persönlich neh, wer en gschenklispruch in der iladig hät, isch eifach für mich nid stimmig
.•:*¨¨*:•..•:*¨¨*:•..•:*¨¨*:•..•:*¨¨*:•..•:*¨¨*:•..•:*¨¨*:•..•:*¨¨*:•..•:*¨¨*:•.
Sid am 13.02.2009 verhürotet und am 25.09.2010 isch üserä grossi tag
|
silver83 am 25.11.2009
Re: Kartentext
ah ja und wäg dä vornamä, üsseri stöhn beidi bir adressä (zimli chli und zunderst) und mier kennen beidi all üseri gäst. drum sichs nid so wichtig, aber ich han mich nu gwundert, will au bi dä online chartä wo mä als "muster" chan aluegä stöhn immer dvornämä. vilicht isch das jo es no-go, wenn mä sini vornämä nid no gross uf dchartä schribt?
.•:*¨¨*:•..•:*¨¨*:•..•:*¨¨*:•..•:*¨¨*:•..•:*¨¨*:•..•:*¨¨*:•..•:*¨¨*:•..•:*¨¨*:•.
Sid am 13.02.2009 verhürotet und am 25.09.2010 isch üserä grossi tag
|
|
|
1 2
|
Anmelden
