| Krise!- Aperolocationabsage! |
|
|
1 2 3 4
|
nordliecht  am 11.03.2008
Re: Krise!- Aperolocationabsage!
hallo yasi
nid uifregä, länget wenn ich mich uifregä  
mier sind jetzt am we go d'kapällä am andere standpunkt aluege. d'sicht isch hammer. aber es apero chan mer det obä ai bi scheenäm wätter nid machä. es hed eifach zwenig platz um s'buffet, d'gratulatione und all die gäscht anenand verbizbringä*seyfz*
im momänt chum ich mier ä chley vor wiä im ne schlächtä film. ich han aber gester nu mit enrä buiräfrai telefoniert uis de region wo sich chennti vorstellä so es grosses apero zmachä. sie tuät sich bis ca. morä uberlegä. also druckät mier deymä, dass das klappät. wär de hammer. suscht miend mier s'apero de doch im pfarreisaal machä 
wennigstens han ich am freytig meys traimhochzeytschleid uisgsuecht. ich has schriftlich 
griässli
nordliecht
miär freyid eys uif de 6. septämber 2008 :-)
|
|
|
|
jovia nicht registriert am 11.03.2008
Re: Krise!- Aperolocationabsage!
Hoi Nordliecht
Ha nur welle säge dass ich dier gaaaaaanz, gaaaaaanz fest Duime drücke dass es guet chund wägem Apéro . A dere Hochzeyt wo ich i dere Kappelle gsi bin hends s'Apéro glaub ich i de Turnhalle in Ännetbürge gmacht - bi schönem Wätter wäris verrusse gsi, isch aber nid ganz sooo toll gsi bzw. ziemlich chüehl.
Wo wäri denn de Buirehof? Chamer bim Gmeindsaal ai verrusse oder wäri dass dinne?
Hey, super wägem Chleyd - wo hesch es gfunde??
Grüässli
Jovia
29.02.08 & 19.07.08
|
nordliecht am 11.03.2008
Re: Krise!- Aperolocationabsage!
ou danke, chan jede duimä bruichä!
agfragt hend mier z'beggäried bim buirähof wo ai b&b abietet. de tip het mier s'tourismus gäh. mal luege.
s'chleyd an ich im priska in aarau gfunde. chas nur empfählä!
griässli
nordliecht
miär freyid eys uif de 6. septämber 2008 :-)
|
|
jovia nicht registriert am 11.03.2008
Re: Krise!- Aperolocationabsage!
@nordliecht
gärn gscheh, aber gisch denn grad bscheid wenn's klappt hed - meyni duime sind jetzt scho blai   .
kenn ich gar nid das gschäft. ich ha meys chleyd scho länger, has bim brautmode wicky in beromünster gfunde  .
29.02.08 & 19.07.08
|
Yasi  am 11.03.2008
Re: Krise!- Aperolocationabsage!
Hoi Nordliecht
also ich drucke dir natürlich au mini Düme, dass das klappet mitem Apéro. isch scho mega schad, wenn denn öppsi wome organisiert hät nöd klappet.
So schön häsch du dis Kleid scho gfunde. das isch sicher au e grossi Erliechterig, oder? und ebe du häsches schriftlich.
I hoffe uf all Fäll ganz fescht für dich, dass jetzt no alles guet chunnt und süscht alles klappet und ihr e wunderschöni Hochzyyt wärded ha.
lg Yasi
|
nordliecht am 13.03.2008
Re: Krise!- Aperolocationabsage!
mädels, iher chönnt deymä wieder lockärä mier hend zuesag, juhuuuuui!! die nätti buiräfrai machts gärä fir eys. miär faut än stei vum härzä. danke firs mitfiäbärä, uifmuntärä und deymädrickä!
griässli
nordliecht
miär freyid eys uif de 6. septämber 2008 :-)
|
|
jovia nicht registriert am 14.03.2008
Re: Krise!- Aperolocationabsage!
hi nordliecht
super, super, super - dass freut mich dass es so guet klappet hed . glaub ich dier dass dier da en stein vom härze plumpst .
hend ier demfall jetzt ai so ziemlich alles organisiert oder fählend nu sache?
griässli
jovia
29.02.08 & 19.07.08
|
nordliecht am 14.03.2008
Re: Krise!- Aperolocationabsage!
also organisiere git es ja nu viel. aber viel vum wichtigschtä hemmier. pfarrer, aperocatering und location, s'restaurant, d'coiffeuse wo ai s'make up macht, s'bruitchleid, d'floristin, d'sängerin fir am abig & d'band fir i dä chilä & natirlich s'fotografeteam.
aaaaaaaabbbbber, es git ai immer nu vieles zum organisiere. d'azug fir mey schatz, s'näbäbruitchleid, d'ring (die gend mier aber endi märz go besprächä mit em ne bekannte vo eys wo goudschmied isch), d'chärtli (gend mitti april in druck und afangs mai uisä), dänn alles was mit deko z'tuä hed und gaschtgschänk. uff wenn ich nur scho dra dänkä! 
und bi dier, was muäsch dui nu machä. dui hesch doch mal en band (oder en sängerin fir i dä chilä) gsuecht wo is engadin chämti. hesch epper gfundä?
griässli
nordliecht
miär freyid eys uif de 6. septämber 2008 :-)
Editiert 14.03.08
|
|
jovia nicht registriert am 14.03.2008
Re: Krise!- Aperolocationabsage!
@nordliecht
de sind ier aber ja glich nu guet dinne mit de zeyt dänk ich - hend ja nu bizzli zeyt bis im september .
mier müend eifach nu wägere Krawatte und/oder Weste für mey Schatz go luege, de uftrag definitiv a de floristin und im fotograf vergäh, go probe ässe, ich nu go probe schminke und frisiere und gaaaanz wichtig tischchärtli bastle (muess aber z'erst nu go s'material poste  ), s'abschlussgspräch mit em pfarrer. oha, gid glich nu einiges zum erledige, vorallem halt das bastle... und zügle tümmer ai nu... *puuuhhh* , aber chund scho guet  . was machid ier denn für gastgschänk? mier hend kei gastgschänkli, aber sie chönd gärn tischdeko und kärtli mitnäh .
am abe hemmer ja äbe www.joebb.ch - da simmer ai sehr froh drüber und i de chile (dett hemmer länger gsuecht) hemmer www.mya-n.ch und a dem sunntig hemmer besprächig mit ihre in züri wäg de liäder, ablauf, wägbeschriebig usw..
mier hend eigentlich scho für alles gnueg zeyt, nur hend mier ja halt vill vom engadin und chönd d'sache nur de erledige wemmer dette sind (probetermine ässe, schminke, frisiere, fotograf, floristin usw.). eigentlich simmer sehr vill dobe, aber momentan hed mey schatz oft a de samstige schuel und denn chemmer nid uhfe a de wucheänd . aber eis nachem andere, nur nid stresse, de chund alles guet .
grüässli
jovia
29.02.08 & 19.07.08
|
Yasi am 16.03.2008
Re: Krise!- Aperolocationabsage!
Hey Nordliecht
gratuliere! Super, dass jetzt alles glich no guet cho isch. han also scho au mitgfieberet ob das klappet. hei, das isch sicher e mega erliechterig für dich. Denn hoffemer, dass jetzt alles andere au no guet klappet.
lg Yasi
|
|
|
1 2 3 4
|
Anmelden
