Guten Morgen zusammen

Ich mache mir langsam konkretere Gedanken über den Ablauf an unserem Hochzeitstag. Nun ist es so, dass unser Programm bereits um 7.30 Uhr mit dem Coiffeur beginnt..um 12.30 Uhr beginnt unser Fotoshooting und gleich anschliessend ist die Trauung. Wir haben einen etwas weiteren Weg von zu Hause bis zu unserem Foto-/Trauungsort. Das heisst wir müssen ca 1.5h Fahrt einberechnen. Nun habe ich mir Gedanken gemacht, wie wir das mit Mittagessen machen sollen..denn ich brauche dringend noch was zu Essen vor den Fotos und der Trauung (auch wenn ich dann vielleicht nicht so Hunger habe), sonst klappe ich zusammen..Wie macht ihr das? Irgendwo reingehen finde ich doof in Hochzeitsmontur..aber draussen stehen und ein Sandwich essen ist irgendwie auch komisch..und vor allem will ich mein Kleid nicht schon ruinieren..habt ihr Vorschläge?

• Zitieren

das probelm hani jez ned, wel eusi trauuig erst am 15.00 esch ond i erst am mettag zom coiffeur wet go, so chani gute no dehai esse!
wenn i de wer wördi secher schomol vor em coifffeur guet zmorge esse ond de zwösche coiffeur ond alege secher nomol es sandwitch ine dröcke! nachetene fendis e heisse vor de trauuig em hochzitschleid no öpis esse!
i wörd eifach am morge mega inhaue!
ah was mer grad no ifallt! nemm doch e packig Studentenfutter met as shooting! das chasch tiptop zwösche dorre echli knabberle ond es macht garantiert kei fläcke!!!!!

• Zitieren

Ja das stimmt Brot isch öpe ds Beschte..villech mit chli Chäs, dases länger herehebt..
Studfueter isch eher chli chläbrig..vilech lieber nur puri Nüss

Ha scho ochli Angscht, dass mis Chleid vor allem scho nachem Shooting, we de d Trouig ersch afaht, scho nümme so schön usgseht..aber i dänke me muess o drmit rächne, dasses unde de ar Schleppe o nümme so schön isch..i meine, stelletnech vor es rägnet us volle Channe..de chame das ja fasch nid verhindere..

• Zitieren

nicht registriert

@elea
Aso i ha mit mire TZ scho abgmacht, dass si mit mir ufs WC chunnt!! U bim Aperoresti hets es u grosses Behinterte WC... das sötti platzmässig gah
I ha scho ghört, dasmer dr rock wie cha i unterrock stülpe u das sötti gah... oder grad vorwärts ufs wc.... ach i weises ou no nid, wahrschinlech lanis eifach la drufabcho....

• Zitieren

lus i ha extra bim chleiderchaufe de verkäuferin hondrmol gseit si sell mer kes chleid zeige woni helf bruche bim bisle i wet elei ofs wc go obis de wörkli cha esch weder di anderi frog :)

ah mer esch nomol öpis i senn cho. i denke es esch velecht ned schlecht wenn me för zwösche dorre no öpis ztrenke debi het bim shooting för e chreislauf. wel ebe wenn me nüt wet esse de chame jo wenigsten es cola trenke. da het jo au zocker denne ond geht weder bez energie. wörd glaub eifach es röhrli metne ond so use fläschli trenke damets ned fläcke geht...

• Zitieren

@ Snet: stimmt genau, 12. April. Lustiger Zufall

@ ässe: schtimmt scho, hamr das o überleit wäge Chäs und Mundgruch Ach mann, uf was dasme da alles muess luege..isch no kompliziert. Aber Farmer findi o e gueti Alternative so zum mitnä..bi mir isch äbe o so, dass mi Bluetzucker mega schnäll absackt u de kippi plötzlech um..aso i muess immer öpis ds ässe drbi ha..aber obi de am halbi 7ni am Morge vorem Coiffeur scho so mag inebige weissi onid..isse öpe würkli eifach no viil Brot
Das mitem Trinke isch o e gueti Idee..muessi dra dänke.

@ ufs Wc ga: das weissi ono nid wie mache..wet onid unbedingt öper mitnä..aber mal usprobiere wis de klappet mit alles i unterrock tue...ha nid sovil schichet, vilech geit das ja guet..wot eifach nid, dassmr s chleid is wc gheit

• Zitieren