Hoi zämä
Ich han nä frag wiä düänd ihr das handhabä.
Dastecker wo ja Gest bechömäd düänd Ihr det nur dä Vornamä druf oder au dä Nachnamä.
Was findäd Ihr gängiger?
Bin gspane uf eui Antwortä. Merci jetzt scho.
Liebs Grüässli
Pilz
Mir hüratäd am 20.6.2009 jupi

• Zitieren

Mer schribe d Lüt nor mit Vorname a. Ich glaube, das git en ungezwungeneri Sach, wel mer so grad weiss, dass mer s Gägenüber döf duze. Ich wär als Gascht sösch äuä chli unsicher.

Be öis git's denn ou einheitlechi Nämeli, aber wemmer emfall ufe erscht Blick no meh Agabe wett ha, chamer z.B. je nach Zueghörigkeit vom Gascht anderi Farbe oder Forme mache, wo zu de jewilige Gaschtgruppe passt (Familie vo de Brut / vom Brütigam, Arbetskollege / Verein / Tratsch- und Klatschgruppe....).
Das hani mou benere zwöisprochige Hochzit gseh, damit mer grad gwüsst het, i welere Sproch mer de anderi söll aspräche (verschiedeni Fläggli am Asteckerli).


Grüessli
madmadi


Ich hürote mi Schatz ganz genau 10 Johr nach öisem erschte Koss, am 8. August 2008!

• Zitieren

Hallo Pilz!

Mer schriebe nome d'Vorname a! Mer möchte keis formells Fest ond i han us verschednige Egge ghört, dass *Duze* amene Hochzit normal esch.

Schöns Weekend!
Dragonfly

• Zitieren

Mir händ nume d Vornämä uf de Namenstäfeli gha. D Lüt sind dänn viel persönlicher zu nänand.
Fals das öpert unter de Gäscht nid möcht, tuet er sich dänn scho sälber wehrä.
Mach der do nid zviel Gedankä, d Gäscht findet sich scho.

Viel Spass bim Namenstäfeli mache...

• Zitieren