| Noch 1 Jahr bis zur Hochzeit |
|
|
1 2 3
|
SwissMiss  am 13.06.2008
Noch 1 Jahr bis zur Hochzeit
Sali zämme
Ich bin neu im Forum und hätte da auch mal eine Frage.
Wir werden am 27 Juni 2009 heiraten und sind in der Planung schon ziemlich weit fortgeschritten. Restaurant ist reserviert, Pfarrer benachrichtigt , Kirche wird am Montag reserviert. Eigentlich wollte ich mich einfachnur mal schlau machen und habe dann gemerkt, dass schon all meine Favoriten komplett ausgebucht waren.
Wie ist/war das bei euch? Kommt dann nicht irgendwann mal die Flaute?
Griessli
|
|
|
tess am 13.06.2008
Re: Noch 1 Jahr bis zur Hochzeit
hallo
mer dönd jo ou erscht nöchscht johr im september hürote ond mer hend eigentlech mou gseit gha das mer warte met organisiere bes öppe im august. nor hani eifach ned chönne warte ond be glich afi mou chli is internet go luege. denn hett üs es kollegepäärli gseit das si ou nöchscht johr dönd hürote ond zwar im mai. sie hend denn ou scho es paar sache organisiert gha ond gseit, das ehre favorit im restaurant scho usbuechet gse seig. jo ond de semmer notürlech scho chli verschrocke. dorom hemmer etzt scho agfange met sache aluege ond hend scho provisorische reservierige gmacht. lieber gnueg gli afo ond deför das ha wo werklech dinne vorstellige entsprecht. deför hett mer nochhär ziit för anderi sache, get jo vöu zom organisiere för es hochzig ;-)
|
SchniSchna am 13.06.2008
Re: Noch 1 Jahr bis zur Hochzeit
Mer hürotid au erscht imene Johr, aber mer send au scho zemmlech i de Vorbereitige enne. Mer hend geschter chönne s Standesamt (mer hürotid "nor" zivil) reserviere ond au grad s Apéro. Morn gömmer 2 Locations go aaluege ond denn semmer gspannt. Aber mer hend au d Erfahrig gmacht, dass scho einigi Sache uusbuechet send oder vorallem, dass die Hotels zwenig Hotelzimmer no frei gha hend. (mer hend äbe echli en wiit gstreute Bekannte ond Familie-Chreis ond us dem Grond semmer of en Location met Hotel agwise). 
Ech dänke, wenn mol die "grosse" Sache reserviert send, denn chammers denn weder mol echli langsamer ago lo, aber ech erwarte es dauer-thema im Verlauf vo de nöchte 364 Täg. 
Grüessli
SchniSchna
Ech freu mi rüüdig of de 12. Juni 2009
|
Kaz  am 13.06.2008
Re: Noch 1 Jahr bis zur Hochzeit
Au ich Hürate imenen Jahr... händ aber erst dLocation profisorisch Reserviert. Wär aber eini wo wahrschindliche imenen Halbe Johr no frei gsi wär...  Ich han 3 Sache woni so gli wie möglist möcht Organisiert ha. Location, Chele, und Pfarrer. Leider Närfi min Verlobti met em Stürme... und es esch jo eh au no EM...  Aber emmerhin, mer gönd am Sonntig id Chele go dä Pfarrer beguetachte 
Vell Spass no im Organisiere
Wir Heiraten am 09.05.09
|
|
Mara nicht registriert am 13.06.2008
Re: Noch 1 Jahr bis zur Hochzeit
Es gibt kein "zu früh" besonders was die Location angeht. Wir mussten 9 Monate vor der Trauung noch ein neues Lokal ausfindig machen weil unerwarten umgebaut wurde. Es war ein desaster. Ich habe einen ganzen Monat lang sämtliche Locations angefragt die in Frage gekommen wären und alle waren schon besetzt! Zum Glück hat beim einen jemand abgesagt und so konnten wir "einspringen". Bei vielen anderen Dingen sind wir verhältnismässig spät drann.
Ja, die "Flaute" hab ich gerade hinter mir 
Tamara & Simeon ~01.06.07~09.08.08~
|
|
Sunshine nicht registriert am 22.06.2008
Re: Noch 1 Jahr bis zur Hochzeit
Hallo zäme
Au i bi neu do im Forum. Ör mached mer gad e chli Angst...
Mör hüroted im Juli 2009, händ aber no gär nünt reserivert..... händ eifach no nöd die richtig Location gfunde. Do mönd mör i dem Fall zimlich Gas geh!
Weiss öpper e gueti Location? (Bodensee/Rheintal)
|
chickpea am 23.06.2008
Re: Noch 1 Jahr bis zur Hochzeit
@ sunshine
Mir hürote nächst Johr im September und händ au erscht d' Chile und s' Restaurant provisorisch reserviert. Bim Restaurant bin ich nonig ganz sicher wills uf eme Hof isch und dementsprechend e bitzli drno schmeckt. Susch isch es aber genau das woni suech.
Du gsehsch es sind nid alli scho so wit mit plane. Ich chönnt mir vorstelle, dass es im Juli nid so usbuecht isch will das zmitts in de Summerferie isch und vieli nid in dere Zit wänd hürote. Würd mi aber nid uf die Ahnahm verloh. Wenn ich s Restaurant denn mol sicher buechet han, bin ich erlichteret und han au nid vor, mir en Stress z' mache. Ich will en eifachi, gmüetliche Hochzit. Do ich Gäscht vom Usland han möcht ich ene d' Gegend zeige und e schottische ceilidh band wenn möglich. D' Chile isch mir recht wichtig will ich gläubig bin. Alli andere Sache sind mir nid so wichtig und möcht ich nid zu pompös ha. Es isch en wichtige Tag im Läbä, aber ich hoff, dass es nid dä schönschti Tag wird bliebe.
|
Kaz am 23.06.2008
Re: Noch 1 Jahr bis zur Hochzeit
Ich verschrecke jedesmal wenni chli läse wie wiit alli so send!  Ich han mi am afang rächt stresse loh, aber es het eh kei senn!! Mer esch jo dä nur gstresst, und es muen beidne freud mache dä Schöscht Tag im Läbe zorganisiere!! Bi eus gohts nomeno 10mt. und es esch emmerno nor dLocation profisorisch reserviert! DChele und Pfarrer esch i mim Verlobte sis "revier" und darum gohts halt chli länger! Gut ding will weile haben, seitmer doch so schön!
Vell Spass wiiterhin bim Vorbereite!
Wir Heiraten am 09.05.09
|
|
Mara nicht registriert am 23.06.2008
Re: Noch 1 Jahr bis zur Hochzeit
Aso eg ha eigentli nur weue säge, dass d Location wichtig isch früeh z luege weu me je nachdäm es beliebts Datum het oder es beliebts Restaurant oder Schloss ect. D Chile isch usem gliche Grund wichtig.
Be allem andere sind mer eher "hindedri"
Mer hei zum Bischböu ersch geschter d Menubesprächig gha, hei vor zwei Wuche mis Brutchleid usgsuecht, hei s Apero nonig fescht und d Blueme fürd Chile und Brutstruss hei mer nonig mau obwohls NUR no es paar Wuche si bis zu üsem Hochzit
Ah jo, vowäge Pfarrer... dä hei mer ersch sit drei Wuche
Vo däm här sind mir SEHR spot dra, im Gägesatz zu es paarne do inne. Findes eifach wichtig, dass me das wo bsundrigs isch (Spez. Location ect.) früehzitig reserviert weus eim eifach gwüssi Entdüschige duet erspaare. Hei zum Bischböu en Dudelsackspieler für d Trauuig weue und hei das sehr spoht entschiede. Eg ha praktisch ALLI Dudelsack-Bands ir Schwiz gfrogt und nur ei einzigi het no a däm Tag zyt gha. Hätt mi scho chli aagschnäggelet wenn eg uf das hätti müesse verzichte aber ebe, wer zuerst kommt malt zuerst
Tamara & Simeon ~01.06.07~09.08.08~
|
|
Sunshine nicht registriert am 23.06.2008
Re: Noch 1 Jahr bis zur Hochzeit
Merci för eui Tipps und Aregige findi cool, das mer sich do e kli ka ustusche
Jo, ör händ scho rächt, d'Location söt mer ha. I hoff, das mer üsere Traumlocation i da nögschte Täg über da Wäge laufe wörid... bi etz fescht am umbestöbere....
Mör hetted en Ruum im Aug, aber dä got ersch im Herbst uf... isch bewirtet.... Da Ruum gsächt etz scho mega genial us.... aber i bi e kli s'keptisch.... Mer wissed no nöd, wa för Tisch und Stüehl das git und au nöd, wer koched und öb dä au guet koched...... isch e kli e Risiko....
|
|
|
1 2 3
|
Anmelden
