| Organisation |
|
|
1
|
Lela  am 21.08.2007
Organisation
Hallo zusammen
ich bin neu hier und dachte, dass ihr sicherlich ein paar tipps für mich habt.
mein verlobter und ich haben vor am 05.07.08 zu heiraten.
es ist eine spanisch/kroatische hochzeit, dass heisst sehr multi kulti!
nun wissen wir irgendwie nicht wo anfangen....
einladungen? location?
wann kann ich den termin im zivilstandesamt und der kirche fest abmachen, geht dass bereits jetzt?
ich sage bereits jetzt mal danke! 
|
|
|
Sibylle am 21.08.2007
Re: Organisation
Hallo!
härzlech wiukomme im forum.
mir hürate am 07.06.2008 kirchlich und vorussichtlich 30.05.2008 zivil.
d chiuche chasch reserviere, ziviltrauung chame dä meiste ort 6 monat zum vorus reserviere und när 3monat vorher z gsuech mache und dr termin definitiv veribare.
ig ha aus auerierschts dgästeliste gmacht und trouzüge usgwählt und gfragt, när d chiuche reserviert. s lokal isch bi üs nid so e sach wüumer bim nachbar im holzschopf wei fyre. we aber e spezielle wunsch fürd lokation am abe hesch muesch sehr früeh luege.
d chärtli verschicke dje meiste öppe 3 monat vorem hochzyt.
bi am ideene sueche und tröime vom kleid und dä kärtli etc. und du was hesch fang?
lg
|
Lela am 21.08.2007
Re: Organisation
Hey merci vell mol!
Gästeliste hämer erstellt, aber weisch jo au ned genau im voruus, wer oder wieviel das chömme! För de 05.07.08 hämer eus entschiede, trauzüge gfrogt ond 2 chille hämmer wo eus sehr gfalle aber reserviert hämer no nüt. was location agoht semer eus nonig einig ob es restaurant oder öppis miete ond de partyservice cho lo.Sust hämer ebe nonig so vell mer händ eifach gmerkt, dass zyt wie wahnsinnig lauft ond das mer wörkli müend gas geh!
lönd ehr de partyservice cho?
ou jo...vom chleid träumi scho lang...., hesch scho en vorstellig?
|
Sibylle am 21.08.2007
Re: Organisation
Zersch hani gmeint ig wüss genau wies kleid söu usgseh, ha aber gmerkt dass mir no mängs anders gfaut ig gloub mi muess de eifach mau probiere und luege was zu eim passt.....fröie mi scho druf, das het aber scho no zyt, im oktober söue jewiels abgestribnigi ume sy!
ja mir lö partyservice, resp. vom restaurant bi üs im dorf la cho. dänke grillfleisch kartoffelgratin und salät.
bim apero und dessertbuffet hani e vorteil mini eltere hei e bäckerei
d getränk nämemer äuä bir landi überchunntme gratis küehlwage drzue und reste chasch zrügg gäh, da chasch gloub viu geld spare gägenüber dä restaurantprise.
hesch du scho e vorstellig vo dä ringe und dim kleid? oder dä yladigskärtli?
|
Lela am 21.08.2007
Re: Organisation
das esch scho chli s'problem, es het so vell schöni modäll, i glaube ned dass mer entscheidig werd liecht falle!
ou, da esch de super wenn i de familie lüüt vom fach hesch, so es apero chan au kostspielig wärde!
met wieviel lüüt rächnet der?
ring möchti gärn us wiisgold, er wet sine schlicht ha ond i möcht ebe scho eine wo ned grad 0815 esch, aber bes jetzt het mi no keine 100% überzügt, do wet i mer au ziit lo, schliesslech werdi ne jede tag a de hand träge!
du hesch scho en favorit?
was s'chleid agoht wetti en mischig zwüsche modärn und schlicht, also keis wo riesig breit esch unde.
yladigskarte gfalle mer die met de fotti vom paar, aber do beni emmer no chli am adrässe usesueche und am güxle!
|
Sibylle am 21.08.2007
Re: Organisation
Ar fyr gsammt mit üs 2ine 48 persone und drzue chöme öpe no um dje 100 aperogäst drzue
also am apero 150
drvo gladni gest 48
ringe hani ou no nid dr richtig perfekt gseh, git so viel verschiedni und vorauem priese! i wett nid grad es vermöge a mim finger trage tag für tag. schlicht verleidet eim äuä ou viel weniger schnäu dänki
ja es foto im chärtli findeni ou schön.
vo weler gägend bisch du?
i zwüsche solothurn biel und bern mitttsdrinne!
|
jackscor am 23.08.2007
Re: Organisation
hoi zäme
ha grad eui diskussion gläse.
I ha grad letscht wuche ghürate *fröi*... zum chleid cha i mi ar sybille nur aschliesse. das müesst ihr probiere. i bi z bern im pronuptia gsi und ha dert eifach mau es paar usegsuecht wo mir gfaue hei und die när probiert. me gseht sehr schnäu, öb eim es chleid passt oder nid, und wenn s richtige anne hesch, weisch es ou sofort! bi mir isch das jedefaus so gsi.
zu de ringe: göht doch mau zumene goldschmied und besprächet mit ihm d möglichkeite (material, design usw.) wo's git. mir hei üsi z biel bim pablo cervellini lah mache u si mega begeisteret. mir si se e wuche vor em hochzyt gah aluege und mi ma (wow, das isch no mega ungwohnet...) hätt ne am liebste grad wöue alege. s isch scho genial, wenn e ring hesch, wo säuber gstautet isch, äbe nüt 0815.
liebe gruess
jackscor
|
Lela am 24.08.2007
Re: Organisation
Hi Sibylle
sorry bi di letschte 2 täg im stress gsi, dass i ganz vergässe han dass i der no en antwort scholdig bin.
i wohne i de nöchi vo aarau!
grüessli
|
Nadine_TN am 24.08.2007
Re: Organisation
Hallo zämme, auch ich bin relativ neu und han grad euri Biträg glese......ich glaub es goht allne öppe glich...auch ich bin immer no fliessig am Chleider aprobiere. Ich hans Glück, dass mini Tante resp. Gotte Schniederin isch und mis Chlaid für mi selber macht, aber i mues trotzdem e genaui Vorstellig ha, wies söt usgseh.....aber irgendwie isch DAS Chleid eifach noni drunter gsi.
Mir hürote am 08.08.08 standesamtlich und am 09.08.08 kirlich. Mir hän beides bereits reserviert. DKirche wo mir wänn (Ligerz) isch unglaublich beliebt und wege däm scho total usbuecht für negscht Johr, aber zum Glück häm mir unsers Wunschdatum becho. Au dLocation isch def. reserviert. Wells hald au e Schnappszahl isch, häm mir so früh alles müese reserviere.....
|
|
|
1
|
Anmelden
