| Schminken! |
|
|
1 2 3
|
krindli  am 13.02.2007
Schminken!
Hello Ladies
Tüät Dir öich vor odär nachäm Coiffeur lo schminkä?? Und fürs Standesamt löt Dir öich ou la Frisiärä u Schminkä? Wiä heit Dir öii Visagistin gfungä?
Ig ha drum eigäntläch ds Make-up gliechzytig bim Coiffeur planät gha, wos äbä ou grad ä Visagistin het. Dummärwies het mini Coiffeuse (isch ä guäti Fründin vo mir) frischtlos kündät u de gang ig jetzt ganz bestimmt nüm dört härä!! Jetzt bini verzwieflät uf dr Suächi nachärä guätä Visagistin...
Greez
Krindli
Wedding: 23.06.07
www.karinundstefan.ch
|
|
|
babuseli  am 13.02.2007
Re: Schminken!
Hey krindli
also ich han au grad alles bim Coiffeur. Haare mache und schminke lah.
Han aber öbe s'gliche Problem wie du. Mini Coiffeusin het au kündt und isch nur no dä Monet detä. Sie het mir aber heimlich ihri Nummere gäh damit ich ihre chan ahlüte. Ich luege dänn mal wo sie neu schaffet und entscheide mich dänn. aber ich möchti scho zu ihre gah. Sie isch die einzig wo mini Haare so gschnitte het wie ich sie immer han wellä.
Fräg mal teenspirit wäg dä Visagistin. Sie het glaubs ganz en gueti.
BABUSELI`s HOCHZEIT zivil 04.05.07kirchlich 12.05.07
|
Teenspirit am 13.02.2007
Re: Schminken!
also ich lohn au alles zäme lo mache und zwar vo ehre:
http://www.beratung-styling.ch/
Sie macht au nur Make Up, chan aber beides :) Muesch mol chli google, es ged rächt vill Visagiste, schweriger isches eher öpper z finde wo grad beides macht.
sie chan denn au zo der hei cho.. d Priise send eigentlich so berächnet, wennd zo ehre gohsch zahlsch eifach 50.- Fr. weniger
PEACH & ANI heiraten am 28.07.2007
|
krindli am 13.02.2007
Re: Schminken!
Merci merci
Ja, das isch auso scho grad ä chli ä Scheiss. Ig würd mini Hoor ou üssärscht ungärn i angäri Häng gä!!! Si het mir abär versprochä, dass si mi wird chönnä frisiärä, abär äbä, diä Sach mit äm Schminkä.... Das stresst mi scho jetzt, we ig de am Morgä so muäss im Züg umä fahrä. Nimä mir de gloub grad ä Chauffeur!!!
Wedding: 23.06.07
www.karinundstefan.ch
|
krindli am 13.02.2007
Re: Schminken!
Muäss no sägä, dass ig usäm Seeland chumä u das müässt äuä scho öpär vor Region si. Vo Züri lo Iflügä dünkt mi grad chli übärtribä. Da wird sich wohl öpär fingä.
Weiss eifach nid so genau, wiä ig dr Zytplan söu gstautä. Mir hei am eis diä chirchlächi Trouig!
Wedding: 23.06.07
www.karinundstefan.ch
|
babuseli am 13.02.2007
Re: Schminken!
Ich kenne leider au kein Visagistin. Ich hoffe au dass es bi mir wird klappe.
Das heisst für dich, krindli, früh aufstehen 
BABUSELI`s HOCHZEIT zivil 04.05.07kirchlich 12.05.07
|
krindli am 13.02.2007
Re: Schminken!
Merci Teenspirit!!! Gangä grad mou uf diä Sitä go luägä..
Bruchä ou numä öpär, wo tuät Schminkä.
Wedding: 23.06.07
www.karinundstefan.ch
|
babuseli am 13.02.2007
Re: Schminken!
Mir händ am zwei eusi kirchlich Trauig. Han aber au no kein richtigä Plan für am Morgä. Ich wirde das mit dä Coiffeusin bespreche. Muess z'erst wüsse wieviel Zyt sie brucht für alles. Und dänn sicher gnüegend Zyt ihberechne für s'Kleid ahlegge und nochli tüüf dure schnufe.
BABUSELI`s HOCHZEIT zivil 04.05.07kirchlich 12.05.07
|
krindli am 13.02.2007
Re: Schminken!
Hm, ja mini Kollegin het gmeint ig söu uf diä haubi nüni zum Coiffeur!! Halleluja, u vorhär no Schminkä!!! Das isch doch viu zfrüäh! De gseh ig am eis scho lang nüm "früsch" us!
Da steckt auso scho ä gwautigi Logistik drhingär...   
Wedding: 23.06.07
www.karinundstefan.ch
|
Teenspirit am 13.02.2007
Re: Schminken!
du chansch jo au nochher schminke.
PEACH & ANI heiraten am 28.07.2007
|
|
|
1 2 3
|
Anmelden
