Swarovski Elements |
|
1 2 3
|
Bow am 08.01.2013
Swarovski Elements
Hi Girls ![](styles/default/smilies/cool.gif) Ha mir scho längeri Zit überleit, dass es uf mim Hochzitschleid zwenig Glitzi-Bling-Bling het. Jetzt hani wele frooge ob villicht öpper e guete Tipp het, wie me sone Chleid e biz chönt ufpeppe (ha mir bereits überleit Svarowski Elements lo drufchlebe, oder irgend e schöni Brosche chaufe für sOberteil).
|
|
Lula am 08.01.2013
Re: Swarovski Elements
Hoi Bow, i würdi grad im Gschäft wo de Dis Kleid kouft hesch nachefrage, viellech hei si Dir no gad e wunderbari Idee, oder gar e Brosche. Oder de fragsch bi Swarovski nache
|
elea am 08.01.2013
Re: Swarovski Elements
chasch bling bling vo mim chleid ha! i ha scho öberleit obis sel loh weg mache echli scherz beiseite ;) was natürli de eifach weg wer, esch en schöne gort met schmock dra, de müesstisch au ne a dim chleid ome baschtle! wer das öpis wo der wörd gfalle bzw zom chleid passe wörd?
![](download.php?type=image&id=1357652493)
falls ned, wördi uf all fell das professionell lo mache!
![](download.php?type=image&id=1357652500)
![](download.php?type=image&id=1357652506)
Zuletzt bearbeitet am 08.01.13 14:43
|
elea am 08.01.2013
Re: Swarovski Elements
wer so öpis en option för dech?
![](download.php?type=image&id=1357652682)
Zuletzt bearbeitet am 08.01.13 14:45
|
schmetterling84 am 08.01.2013
Re: Swarovski Elements
Hallo Bow
Also mi schwöschter het genau s gliche Problem wie du gha, bi ihre hets s Brutmodegschäft gmacht... Sie het ihre so e Bordüre under dr Brust ufgneiht. Hesch dr Abstecktermin scho gha? Dört isch jo d schniderin immer drbi, sie macht sicher gern vorschläg..
Ig ghör au zu denä lüt wo alles chli ufpeppe und selber chli bäschele.. fals du nur einzelni steinli willsch, gits vo swarovski entweder so wie knöpfli zum ahnaie oder Strass zum ufbügle.. Z.B. wenn du ufem Schleicher so steinli würdsch welle..
gib bi google gorgitas i.. hei ganz en hufe "Steinli.. Falls de uf IStanbul oder id Türkei gohsch, dört chasch spotbillig so bordüre/aplikatione kaufe
Zuletzt bearbeitet am 08.01.13 16:50
|
Bow am 09.01.2013
Re: Swarovski Elements
@elea i find die Gürtel mega schön, ha aber scho e schwarze dra a mim Chleid. I chönt mir villicht überlege ob i de tue verziere mit Steinli. Finds drum ebe no schön das er schwarz isch und wett nid e Gürtel komplett us Glitzer.
@Schmetterling84 Bi ebe nid so de Held im Neihe, aber chasch mir säge was das genau für Steinli si zum ufchlebe? Si das die Hotfix?
I glaub i bstell süscht mol e paar vo dene und lueg selber. Süscht chani immer no minere Schniderin säge (ha de Termin erst im April ), si söll öpis mache. Aber finds toll das me die Möglichkeit het öpis nochträglich am Chleid verändere ![](styles/default/smilies/love.gif) Merci euch allne
|
elea am 09.01.2013
Re: Swarovski Elements
jo oder halt einzelni steinli a schwarzi gort due? fendes toll dass du e schwarze gort hesch. i hamer zom kleid es sidetuech kauft, es esch so grau/hell lavender farbig. aber eigentli hani emmer es schwarzes wele. aber d verkäuferin und mini TZ hend de gseit das gseht us wie of enre beerdiguong so hani mi lo öberschnorre de heller zneh. aber wonis chleid s letschte mol probiert ha, hets mi donkt es wörd mer met emne schwarze besser gfalle.. esch dine bim chleid direkt debi gsi oder vo wo hesch du din schwarze gort?
|
schmetterling84 am 09.01.2013
Re: Swarovski Elements
Ha dir mol d Links igfiegt.. Hotfix hei si au.... oder eifach normali Swarovski steinli wo du mit lim chöntsch ufchlebe....
http://www.gogoritas.com/index.php?site=...mp;language=deu
muesch mol chli schneuge.. si hei extra no es Rubrick Hochzeit mit au so Deko Steinli etc.
http://www.gogoritas.com/index.php?site=...mp;language=deu
Ig würds au mol bstelle.. leug mol was i no so find.. isch jo mis Hobby... (Perle mache und Schmuck)
|
Bow am 09.01.2013
Re: Swarovski Elements
Also der Gurt isch derbi gsi. Eifach sone schwarzes Satinband wo me hinde mitere Schlaufe bindet. Villicht frog i dSchniderin ob si mir ne cha aneihe, weiss nid ob das denn besser hebt/ besser usgseht. Ha mir ebe au scho überleit uf etsy.com nomol eine bstelle (also e schwarze mit Glitzersteinli druf) Aber uf der andere Site denk i denn i tue eifach de woni ha ufpeppe...
Cool Schmetterling, das isch mega lieb vo dir Hani jo Glück gha dass sich do grad öper so guet uskennt mit Glitzersteinli. Und jetzt gang i uf gogoritas ![](styles/default/smilies/biggrin.gif)
|
elea am 09.01.2013
Re: Swarovski Elements
jo mis band esch ebe au ned fest metem chleid verbunde... muss de no öper fende womer de das ade HZ dued schön bende ![](styles/default/smilies/biggrin.gif) jo i wörd mol probiere selber met steinli de gort ufzpeppe und em schlemmschte fall chaufsch en neue wend de jetzig wördsch verhonze somet hesch nüt z verlühre! hesch du denn am chleid sosch ke perleli, gletzer oder spetze oder so?
|
|
1 2 3
|