| Transport von Gästen |
|
|
1 2
|
Barbagallo  am 10.10.2009
Transport von Gästen
Hoi zäme.
Wie möchet der das met euchne gladne gäscht? lönd der die lo säuber fahre oder hend der en bus oder gar gmietet?
e fende wenn jede sälber fahrt cha jede gascht s'fescht verlo wenn er wott.  aber wörts schön fende wemme e gmeinsame abschloss hätt.
der wösset jo wies esch, sobalt de erscht gascht gange esch gots ned lang de got de 2 ,3 ,4.... usw.
Aber ha gseh dass so en Bus/Car mend. 1000Fr. choschtet!!!
Het mer öber en gueti idee oder adrässe??? 
Grüessli Barbagallo 
|
|
|
|
Zorrolino nicht registriert am 10.10.2009
Re: Transport von Gästen
Hallo Barbagallo
also bi eus isches so, dass eusi Gescht sich am Mittag am Ort vo dä Abiglocation träffed. Vo döt us fahrets denn mitem Car zu dä Trauuig und nachem Apéro wieder retour. Choschtet aber au 1000.-. Mir wärdet am Abig dänn s'Fescht wahrschinli au zumene Ziitpunkt beende miteme Tanz oder so und gönd denn zum Saal us. Die wo aber denn na wänd wiiterfiire chönd grad näbed dra isone "Lounge" ine womer eifach nachli chan sitze und schwätze, schön gmüetlich mit Chachelofe und so). Di engschte Fründe werdät dänn au mit eus det übernachte.
Grüessli Zorrolino
Unser Liebesglück wird am 04. September 2010 gekrönt...
|
speedy  am 10.10.2009
Re: Transport von Gästen
Bi üs laufts glich wie bi de Zorrolino. Ich ha gfunde, so chöned d Lüt bim Apéro no würklich in Rueh astosse. Öb si denn Zobe wänd witertrinke und is Hotel go schloofe oder irgendwenn brämse mit trinke und denn heim fahre mues denn jede sälber wüsse.
|
Barbagallo am 10.10.2009
Re: Transport von Gästen
Hallo Zorrolino und Speedy
Möche der de kei gmeinsame abschloss vom tag?
E ha eifach angscht dass es sech verzottlet.
|
speedy am 11.10.2009
Re: Transport von Gästen
Hey Barbagallo
Nei ich glaub eher nid, dass mir en gemeinsame Abschluss mached. Unseri Gäscht sin quer verteilt vo 4- bis 85-jährig. Und ich will weder die Chliine no d Urgrosstante (nid mini natürlich, aber mer sind ebe scho insgesamt 4 Generatione) zwinge, bis zunere gwüsse Zit wach z blibe.
|
silver83 am 11.10.2009
Re: Transport von Gästen
mier machen au kein gmeinsamä abschluss vum tag. jedä chund mit em eigätä auto und meir stellen eifach en heimfahrt service zur verfüegig. es sprinterbüssli wo es paar lüt dri platz hen, so isch es bis uf eimol immer glöst wordä an dä hz wo ich gsi bin.
wie dspeedy scho gseid hät, wön und chön nid alli bis noch dä 12ä blibä. diä törfen natüli scho früener hei, und anderi bliben bis es taget und au das isch für üs schön.
aber machen das wie ihr wön, und den isch es richitg
.•:*¨¨*:•..•:*¨¨*:•..•:*¨¨*:•..•:*¨¨*:•..•:*¨¨*:•..•:*¨¨*:•..•:*¨¨*:•..•:*¨¨*:•.
......Sid am 13.02.2009 verhürotet und am 25.09.2010 isch üserä grossi tag......
|
peja am 11.10.2009
Re: Transport von Gästen
mer machets au so, dass jede mit em eigne auto fahrt.. oder dä tüend sich paar zäme u fahret gmeinsam.. ä gmeinsame abschluss vom fescht gits nid.. die einte fahret no hei, wills i dä nöchi isch u die andere fahret mit eme organisierte büsli ines hotel. det tüend die wo übernachtet händ mit eus am suntig no zäme zmorge ässe gmüetlich.. das isch dä so quasi no än abschluss..
|
Barbagallo am 11.10.2009
Re: Transport von Gästen
Danke der Liebe 
E muess mer das metem Car nomol öberlägge. der heit scho rächt. D'gäscht chöne e so hei go wenn se wei. Vellech machis ou eso wie d'zorrolino. Das fendi en gueti alternative. Söscht müends jo bem Apero scho mega zrogstecke 
Danke viel mol Kiss
Barbagallo
|
Piglet  am 12.10.2009
Re: Transport von Gästen
Hallo
Da bei uns die meisten Gäste nicht weit nach Hause haben, verzichten wir auf einen Car. Es fahren alle selber. Es gibt aber die Möglichkeit günstig zu übernachten, für jene die halt feiern und nicht mehr fahren wollen. Die wird aber wie es aussieht nicht so rege benutzt.
Haben uns auch erst Gedanken gemacht wegen Alkohol etc. Aber ich bin der Meinung jeder ist alt genug, das selber beurteilen zu können. Und der Car würde eh auch nur bis zu einem Sammelpunkt fahren und von dort aus müssten dann doch alle noch heimfahren. Und das es eben nicht weit ist, ist das ok so.
|
|
Inessa nicht registriert am 12.10.2009
Re: Transport von Gästen
Selbst fahren - für uns wäre es finanz. zu viel gewesen etwas anderes zu machen. es gibt ja auch mal bei so einem anlass die möglichkeit ein taxi zu nehmen oder so.
*Wir haben uns am 30. Mai 2009 das Ja-Wort geben dürfen*
*Meine Beiträge beziehen sich jeweils auf meine eigenen Ansichten & sind nicht bösartig gemeint (ausser ich schreibe das direkt ;-) *
|
|
|
1 2
|
Anmelden
