| Traugespräch |
|
|
1 2
|
Lela  am 20.03.2008
Traugespräch
hi zämme
mer händ am ziestig bi eusem pfarrer en termin wäg de trauuig.
jetzt bini grad e chli öberforderet, will i gar ned genau weiss was uf eus zue chonnt! 
händ ehr euches traugspröch gha? wie gseht bi euch der ablauf i de chile us?
grüessli
lela
|
|
|
nordliecht  am 20.03.2008
Re: Traugespräch
mier hend s'erste gha. det isch es drum gange um eys emal z'kännelere. er het eys uifzeigt was mer mache chennti und was fir wagi vorstellige mier mal hend. s'zweite wird en monät vor de traiig sey und den werdid mier ihm eysi klare vorstellige ubergäh und mier werdid dänn das ganze zämä gstaltä.
griässli
nordliecht
miär freyid eys uif de 6. septämber 2008 :-)
|
smil09 am 21.03.2008
Re: Traugespräch
Hallo lela
Also mier händ üs au nöd gross vorbereitet uf da Gspröch. Dä Pfarrer hät üs dänn gseit wie ä Trauig normal so ablauft und mier händ dänn chönä überlege öb das für üs so guet isch. Mier händ au nüt sofort müese entscheide. Alles wieteri düemer no per Mail oder imänä zweite Gspröch persönlich bespräche.
|
Lela am 26.03.2008
Re: Traugespräch
hallo zämme
viele dank för euchi antworte!
gester hämer euses trauugspröch gha ond es esch tip top glofe.
so wie der gschilderet händ, er het eus verschiedeni möglechkeite ufzeigt, mer händ eus chönne üssere, was för eus wichtig esch. jetzt chönne mer eus in ruhe gedanke mache ond öppe 1 monet vor de hochzyt tüemer der ablauf denn genau bespräche!
wönsche euch no es schöns tägli! 
|
Viviane am 08.04.2008
Re: Traugespräch
Salü Zäme..
Wieviel vorher händ ihr s erschte gspröch mit em Pfarrer gha? Euise hät zwar für d Hochziit zuegseit aber sither hämmer nüt meh vo ihm ghört... guet jetzt s zivile hämmer hinder euis aber jetzt wetti doch langsam aber sicher fürschi mache mit de Vorbereitige fürs Chirchliche..
Viviane & Urs haben am 04.04.2008 zivil geheiratet + 13.09.2008 kommt noch das kirchliche!
|
|
passiondream nicht registriert am 09.04.2008
Re: Traugespräch
Hallo Viviane,
mir händ s 1. Traugspröch mit üsem Pfarrer so ca. 5 Monät vor eusem kirchliche Termin gha. Euses zweite Gspröch werde mer ein Monat vor üsem Hochzyt (5.07.08) ha, dermit mer mol de Ablauf so im Grosse und Ganze probe chönnt.
Viellicht söttet ihr euch mal bim Pfarrer melde? Euse hät halt scho bi de Afrag drum bittet, dass mir eus bi ihm wegs eme Termin fürs Traugspröch melde sölled.
|
Lela am 09.04.2008
Re: Traugespräch
Mer händ euses 1. tragspröch ca. 4 mönet vor eusem kirchliche gha. ons zweite hämer denne ändi mai (hürote tüemer am 5. juli!).
i wörd mi au mol bim pfarrer mälde - aber z'spot sender secher nonig dra!
liebi grüess
|
dodo10 am 09.04.2008
Re: Traugespräch
Hallo zäme
Mir hend euses erste Traugspröch am 16. Februar gha und szweite werded mer am 10. Juni ha, also zimli genau 1 Monet vor em Hochziit!
Grüessli dodo10
Dä 14. Juni 2008 chunt immer nöcher...!
|
nordliecht am 09.04.2008
Re: Traugespräch
mier hend eyses erschte 5 1/2 Mt vorhär gha. s'zweit wird ein monät vorhär sey. also so wie die meischtä 
griässli
nordliecht
miär freyid eys uif de 6. septämber 2008 :-)
|
Sibylle am 09.04.2008
Re: Traugespräch
Mir hei üses ersch am 23. April also öppe 1,5 mönet vorhär!
dr pfarrer het das mit üs so abgmacht wo mir ihn agfragt hei fasch es jahr im vorus per telefon.
daniel & sibylle heiraten am 30.05.2008 / 07.06.2008
|
|
|
1 2
|
Anmelden
