[Traukerze / Kerzen für Gäste]


Auf dem Altar brennen bereits zu Beginn der Trauung die beiden Taufkerzen des Brautpaares. Daneben steht eine grosse verzierte Traukerze, die jedoch vorerst noch unangezündet bleibt.
Jeder Gast hat zudem eine kleine, ebenfalls verzierte Kerze an seinem Platz, welche er als Andenken mit nach Hause nehmen darf.


Pfarrer: Als Zeiche vom Einswärde zünded de Pädi & d’Andrea noch ihrem Eheverspräche jetzt mit ihrne Taufkerze zäme die Traukerze a.


Leser: Die Traucherze sell üch uf üchem gmeinsame Wäg begleite.
Ihri chliini Flamme esch hüt mit debie – wenn ihr üches Härz behuetsam id’Händ vom andere legged.

Leider wird’s uf üchem gmeinsame Wäg näbe HOCHzyt vellecht au mol en TÜÜFzyt gäh. Grad denn, wenn me’s am wenigschte vermuetet oder cha bruuche.

Zündet üchi Cherze aa, wenn’s i üchere Beziehig mol dunkel wird, de Sturm iibricht, wenn ihr Striit händ, wenn ihr luutlos unter öppis liided…

Zündet sie aa, wenn de erschti Schritt z’mache wär und ihr ned wüssed wie,
wenn ihr s’Gspröch sueched, aber kei Wort findid,
wenn ihr üch eigentli umarme möchted, aber üchi Ärm wie glähmt sind.

Ihres chliine Liecht redt en Sproch, wo jede verstoht.
Ihri chliini Flamme esch en stumme Züge vo üchere Liebi
Es esch für üch es düütlichs Zeiche – hell und klar.

Lönd sie brönne, wenn und wie lang es sie buucht…
bis Ihr beidi den gemeinsam – Bagge a Bagge – ihres Liecht wieder chönd uusblose.


Pfarrer: Mer möchted hüt das Liecht a alli wiitergäh. Bitte nänd die chlii Kerze als Zeiche vo de Verbundenheit mit Hei und schicked eusem Brutpaar jedes Mol, wenn ihr sie azünded e liebe Gedanke…“


Während ein Lied gespielt wird, geht jemand mit der Traukerze durch die Reihen, um das Kerzenlicht weiterzugeben. Wenn es viele Gäste sind, kann auch jeweils nur die Kerze des ersten in der Bankreihe angezündet werden. Dieser zündet dann diejenige seines Nachbars an, usw.

• Zitieren