Hallo zusammen

Wir werden im Sommer 2015 heiraten. Bis auf die Kirche und eine voraussichtliche Location haben wir bis anhin noch gar nichts geplant.

Wir sind als nächstes auf der Suche nach ...

- einer Sängerin für die kirchliche Trauung
- Catering/Bäckerei für den Apéro vor der Kirche
- Coiffeur + Make-up

und das alles bestenfalls in der Umgebung Liestal (habe trotz intensiver Suche, auch hier im Forum, nichts in BL gefunden).

Könnt ihr uns jemanden empfehlen bzw. uns bei der Suche weiterhelfen?

Wie viel kostet eigentlich eine Sängerin für die kirchliche Trauung bzw. wie viel sollten wir dafür budgetieren?

Vielen Dank für Eure Hilfe.

Liebe Grüsse

• Zitieren

Hallo Infinity

Leidr chani dir bide Sängerin kei Tips geh. Bim Make-up chani dir d madlen projer empfehle (mp-makeup.ch/). Sie chunnt ade Hochziit au zu dir hei cho schminke. Bim Coiffeur weisi halt ned ebs guet chunnt, da i de probetermin erst am 5.7 han, abr sie isch mini coiffeusin und bi bis jetzt immer zriede gsi. Sie wär in Lausen.
Beträffend Catering, chani der au erst nachem Hochziit säge :) Mir händ d landfraue baselland wos möchit. sie händ au e homepage. gisch mol uf google "landfrauen baselland apero" ih. D rcb hämmer au no aglueget gha, er het halt bits meh uswahl und i ha nur guets ghört bis jetzt. de rcb isch in buebedorf.

I hoff han dr bits chönne hälfe und du hesch das alls ned scho ghört :)

E liebe Gruess

• Zitieren

Guten Morgen

mubeli
Viele Dank für dini Antwort und dini Empfehlige. Wenn hürotisch du denn? Würd mi freue wenn mr denn no chöntisch Bscheid geh, nach dinere Hochzit. :-) Chunt d Coiffeuse denn au zu dir hei an dr Hochzit? Vo de Landfraue Baselland hani glaub no en Flyer dehei, bi wirklich gspannt, ob mr se denn chasch witer empfehle. I wird glaub mol bi de Landfraue und bi RCB e Offerte ihole, de chani au chli priislich vergliche. Wiä früeh im Vorus sött me eigentlich s Catering für dr Apéro bueche? Weiss ebä nit, obi doch no bitz früeh dra bi für das. :-o

judihui
Ich nehme an, das machst Du beruflich? Hast Du auch eine Homepage?

Liebe Grüsse

• Zitieren

Guete Morge

I hürote zivil am 10. Juli 2014, mit emene grössere Apéro ufem Schloss Wildenstein. D Freitrauuig isch denn erst im Winter in de Berge. I wirde dir denn säge wies gsi isch, abr mir göhnd e tag druf denn ind ferie, cha mi vermuetli erst när mälde. Mir händ bim RCB au e Offerte igholt und d landfraue sind bits billiger. Was eifach chli doof isch, sie biete nur baselländler wii ah und jedi fläsche chostet 26.-. Mir löhnd de Wii jetzt vo öperem anderem lo lifere und zahle eifach 6.- Zapfegäld, abr am schluss chöme mir billiger use.

Mir händ im Februar afo afröge, eifach zum sicher sii, dass sie denne no frei kapazität händ. du bisch glaub scho bits früeh dra :) Aber chasch jo mol e Offerte verlange. d Azahl lüüt chasch bis drei Täg vorem Fest ändere.

Nei, d'Coiffeuse chunnt ned zu mir hei, abr will ich in Liestl wohne isches ned schlimm. Ha 5 Minute zu ihre mitem Auto :)

E schöns Tägli

• Zitieren

nicht registriert

hallo zämme!Ich hürote au im Juni 2015 und bin scho fliessig am plane....e Bekannti macht Make up wohnt in Füllingsdorf und chunnt au zu dir hei....cha dr gern no persönlichi Infos gäh wennd du das wetsch;-).
Ich ha scho d Location in Rheinfelde,dr Lieblingspfarrer vo mim Verlobte,Kirche organisiert.
Weisch ich denk,wenn du jetzt scho die Sache wo Ihr unbedingt wennd organisiersch hesches...dass isch mini Istellig..und bis jetzt heimer alles womer eus wünsche;-). Ich suech no e Cathering fürs Hochzitsapero in muttenz. Ha ghört,dasses in Basel e guets git wome sogar no soziali Irichtig cha unterstütze....mol luege
. E Dj....hani e paar agfrogt dueni emol d Agebot no aluege.sind no recht tür....1500.-Fr muesch rechne...Fotograph..hani au scho e paar a gluegt Prieslich max.3500.- für 8 Std.
Wünsch dr uf jedefall witerhin viiiel Spass.;-) Bin sehr dankbar über EUCHI ERFAHRIGE....

• Zitieren

Hallo love
Die soziale Einrichtung, die du suchst für deinen Apéro heisst "Tischlein deck dich". Du findest sie im Telefonbuch. Sie beschäftigen unter anderem Leute, die Probleme haben, keine Stelle finden etc. Für die Herstellung des Apéros werden sie aber von professionellen Leuten instruiert und beaufsichtigt. LG judihui

• Zitieren