| Trauzüge |
|
|
1
|
|
Saraa nicht registriert am 29.11.2009
Trauzüge
Hallo Zämme
Was haltet ihr davo, wemer 2 männlichi Trauzüge het?
Ich würd ebe gern min Brüeder als Trauzüge neh und min Verlobt nimt sin Brüder, oder sin Best kolleg als Trauzüge.
Het au öpert nur männlichi Trauzüge?
Grüessli Sara
|
|
|
|
Zorrolino nicht registriert am 29.11.2009
Re: Trauzüge
Ich finde das super, wenn ihr das so mached. Mir hend zwei wiiblichi Trauzüginne obwohl mer so echli als "Speziell" geltet. Würs aber nieme andersch mache, wenni jetzt gsehne wie fescht sich die zwei froied und sich i d'Vorbereitige inestürzet. Wenns für eu mit dene zwei Manne passt, denn würi das unbedingt eso mache  !
Gruess Zorrolino
|
tonie  am 29.11.2009
Re: Trauzüge
ist doch super. es gaht ja bi de trauzüüge nid in erster line drum, dass die zwei verschideni gschlächter repräsentiered, sondern, dass sie für eu persone sind, won ihr gern als züüge für eui trauig händ.
|
haexli75  am 29.11.2009
Re: Trauzüge
Hoi Saraa
Bi üs isch es genau glich! Mir hei au zwe männlechi Trauzüge. Ig ha min Brüeder und min Verlobti sin beschti Fründ. Mir hei do gar nid lang überleit, isch eigentli vo afang a klar gsi. Ersch wo de när so komisch Frage: "Was dr heit zwe Manne als Trauzüge" cho si, hei mer de mol überleit, dass es äuä nids normale isch.  Aber ä änderig chäm nie i Frog. Für üs stimmts eso absolut. Und warum muess immer alles nach schema F laufe? D'Hauptsach isch doch dass es für einem sälber stimmt. Wes auso für di stimmt würd ig dert dranne nüt ändere.
Liebe Gruess
Haexli75
** verliebt 7.7.1992 * verlobt 16.6.2007 * verheiratet 7.5.2010 **
|
speedy  am 07.12.2009
Re: Trauzüge
Tönt doch super! Also als Trauzüge für die zivili Hochzit find ich, das passt perfekt. Es sölled schliesslich Lüt si, däne ihr zwei voll vertraued, denn die beide stärked euch mit ihrer Unterschrift au de Rucke.
Hüroted ihr au kirchlich? Denn würd i eifach luege, dass du für dä Tag denn no e Brutjungfere bestimmsch. Tönt doof, ich weiss, do tönt Trauzügin besser, aber d Trauzügin isch eigentlich ebe scho die, wo bim Zivile unterschribt. Und je nach Chleid wo du hesch, bruchsch du öpper, wo mit dir ufs WC chunnt. Usserdäm chasch (usser natürlich du hesch es Täschli, wovo ich dir aber würd abrote) nid all zu vil Züg mit dir umme schleppe. Du bruchsch also öpper, wo dir d Nastüechli, din Lippestift, Ersatzstrümpf etc. nochetreit und usserdäm au drfür luegt, dass du vor luter gratuliere zwüschedure au sälber öppis vom Apéro abbechunnsch. Ich glaub, für dä Tag sälber wär e Frau besser geeignet, scho elei wägem Trick vom WC...
|
|
|
1
|
Anmelden
