| Verlobter unmotiviert |
|
|
1 2 3 4
|
Found  am 16.05.2013
Verlobter unmotiviert
Sorry, vielleicht passt sie Ecke hier nicht optimal.
Aber ich brauche Hilfe und Ideen 
Mein Problem ist mein Verlobter. Ich weiss, dass er sich auf die Hochzeit freut,
aber er hat es nicht so mit den Vorbereitungen.
Ich habe das schon von verschiedenen Frauen gehört, dass das leider mehrheitlich der Fall sei.
Die Frauen hängen sich anscheinend mehr rein.
Und die Männer denken, wird schon klappen.
Wie ist das bei euch?
Und habt ihr Ideen, wie ich ihn motivieren kann, ohne ihn zu drängen?
Wir heiraten am 14.09.13. Langsam krieg ich Panik!
Es gibt noch soviel zu tun,was er nicht sieht!
Danke für eure Hilfe!
|
|
|
Larinya  am 16.05.2013
Re: Verlobter unmotiviert
juhuuu, tolles datum :-)
also mein verlobter lässt mir auch relativ freie hand, aber bevor ich etwas buche/kaufe, etc. frag ich ihn, obs ihm passt. meist sagt er ja und wenn nein, muss er halt einen vorschlag machen hihi was fehlt dir denn noch? wo brauchst du seine hilfe? weil für resti und so musst du ihn halt einfach mitnehmen. aber für deko und so kannst du selber machen mit geschwister oder tz, oder?
|
Canoa  am 16.05.2013
Re: Verlobter unmotiviert
Hallo Found
Ha gseh du besch vo de Region! =) Gfaut mer! =)
Be eus esch es au so mi GG macht ned wahnsennig vöu, ech luege ond mache ond tue ond är seid öbs ehm de passt oder ned!
Vellecht muesch eifach so Sache klar säge wo sini Ufgab esch. Be eus esch zb so dass är muess euses Auto orgaisiere...
|
elea am 16.05.2013
Re: Verlobter unmotiviert
bi mer esch s eigentli glich.. mi frönd macht nix. i froge ehn aber bi allem om sini meinig ond loh alles vo ehm lo absegne... am afang het mi das bez gfruschtet weli denkt ha mer mönds doch zeme mache. aber mettlerwile hani tschegget dass halt einersit d männer ned so organisations talent si (emo mine ned) ond 2tens dass halt deails wie blume förd manne ned wechtig send... mi frönd het emol gseit, ehm eschs wechtig dass mer hürote aber d hochzit (s ganze drom herum) esch ehm ned wechtig. aso er freut sech shco mega drum aber er esch sehr froh musser do ned gros selber öpis mache.
wenn di frönd ned gross interesse zeigt de wördis guet si lo. well entweder helft de maa oder er helft ne. go dränge wördi ned, weli denke da bewerkt nor s gegeteil dasses ehm de usem hals usehanget... i luege jez eifach dassi fraue sache ( zb deko etc) met minere TZ bespreche ond met ehm eifach sache bespereche wo ehm wechtig send. zb heters esse usgsuecht oder het er d iladige gstaltet. einzelni sache macht er gern...
aber ebe i denke musch eifach chli einzelni sache usepicke wo er gern wörd mache ond wone halt au interessiere...
|
sonne13 am 16.05.2013
Re: Verlobter unmotiviert
hihi, ich glaub es isch be vielne ähnlich!
min fründ hed alles gmacht wo irgendwie mit abkläre, reserviere, bhörde usw z tue hed, do bini au froh gsii, das machi nämmli ned gärn 
aber so s "fiinzügs", do haltet er sich druus. es isch öppe so wie be de canoa oder elea, ich chume mit vorschläg und er seid sini meinig dezue und sägnets ab. aber ich finds ok so, ich weiss jo dass er ned gärn baschtlet und ihm mängs halt egal isch. chürzlich hed er gfunde er weili mir mol bim baschtle hälfe ich ha ihm denn gseid er chönni rähmli abschliffe, das hed er denn gmacht! hani toll gfunde, aber ich has ned vo ihm erwartet.
ich dänke wenn er öppis cha mache wo ehm chli liid denn macht ers au, viellicht muesch em e frischt setze und ganz klar ufgabe verteile!
|
Feeldgood84 am 16.05.2013
Re: Verlobter unmotiviert
Bi mir isch es genau glich gsi:
Die "grobe" Sache isch är ohni e Stupser vo mir sofort agange:
- är het s'Standesamt kontaktiert
- är het s'Aperoschiff buechet
- är isch mit mir bi allne Restaurants verby gange
Aber ihm isch es eifach schnurzegal öb's ufem Tisch Rose, Gerbera oder Lilie het
Ich dänke, wenn är elei würd hürote hät's gar kei Blueme oder Deko ufem Tisch. Und wöu eus Fraue das halt wichtig isch, löi sie eus bi dene Sache eifach lo mache
|
anyany  am 16.05.2013
Re: Verlobter unmotiviert
Hihi, ech gloube, das esch es wiit verbreitets Phänomen!
Aso mi Schatz bemüeht sech rechtig. Ond es esch ehm mega wechtig, dass s Lokal stemmt ond dass es es schöns Hochsig get. Ond är wett ou höufe. S Problem esch meh, dass er ned so de begabti Baschtler esch. Ond das esch för mech aus absoluti Perfektionestin i dere Heesecht gar ned optimal. Ech has aber ergendwie gschafft, ehm emmer die Sache z gäh, wo super gange send.
Är esch ou ned dä, wo stondelang cha omeluege, was iez am beschte wörd passe oder 1000 Details bespräche. Deför esch är dä, wo wechtigi Telifon macht. Aso mer send es guets Team. Aber e Grossteil mach trotzdem ech. Das stört mi ned. Ond ech dänke, es brengt ou nüd, wemmer öpper dezue wott dränge. D Houptsach esch doch, dass er eim wott hürote.
|
valey am 16.05.2013
Re: Verlobter unmotiviert
hihihi ich glaub das isch bi de meiste sooo
aso mine hed sich jez nie wo sich us was gmacht od so
ich ha amigs sache gsuecht und so und ehm zeigt und er denn gseit obs ehm gfallt od ned..
jaa und de mueni amigs säge ja chum luegemer rasch das ah..
hauptsach er isch debi bi so gspröch wie pfarrer, standesamt, probeesse usw..
so detailzüg und bastelzüg send manne ned eso fan xD
|
Found am 17.05.2013
Re: Verlobter unmotiviert
Danke üch allne!de muesi mech halt demet abfende, das er ou s "typische Modell Ma" esch.
Und luege, das er cha Sache mache, wo ehm passid...
|
Canoa am 17.05.2013
Re: Verlobter unmotiviert
Das esch secher e gueti Idee wenn ehm Sache gesch zum mache wonem gfaut...
Ond schöscht muesser haut eifach! =)
Esch be eus ned anderst!
|
|
|
1 2 3 4
|
Anmelden
