Wie werded ihr nach dä Hochziit heisse?
Gits da ine Fraue wo ihre Name bhaltet oder sogar sottigi, wo dä Maa dä Frau ihre Name aanimmt?

• Zitieren

Also ich frue mich riesig, de Nami vo mim Verlobte azneh,
au wenn ich mich scho hunderttusigmal han müese ufrege,
will de Name oft falsch gschribe wird

Aber für mich bedütet das au irgendwie, es neue Lebensabschnitt

Und us Spass tuen ich mängisch scho Unterschrifte usprobiere.

Liebe Grüsse Sposa

• Zitieren

i heissa den au andersch...juhui obwohl min nama hani scho gern....aber i bi altmodisch und nimm sinn nama

mini kollegin hä ihra nama balta !

• Zitieren

i nim au de name vo mim schatz a, ich find das ghört irgendwie dezue....
obwohl e koleg vo mir het jo de name vo sinere frau agno..

aber ihr wüssed jo wieso mir fraue müend de name vom maa aneh, oder?
damit de maa spöter chan säge er heig nid ghürote, er heig si name jo no....

• Zitieren

ig bhaute mi name, dr familiename wird aber dä vo mim schatz.

Liebe Grüsse
kbb

• Zitieren

mini gründ si:
ig finge, dass ig itze 27 jahr mit däm name läbe und dä nid eifach möcht abgä und mi schatz het dr glich nachname wie mire muetter ire ex-läbespartner und mit däm ma ha ig nid sehr gueti erfahrige gmacht und möcht somit ou nid eso heisse.


Liebe Grüsse
kbb

• Zitieren