Hallo Brütlis
Cha mer öpper än Tipp geh wo me än cremefarbige Brutschirm überchunnt? I ha do scho glueget
http://www.hochzeitnachmass.ch/fashionbiz/index.php?id=509
Die sind mer ehrlich gseit ä chli tür. Uf ebay hani au scho glueget, aber dött hät's im Moment nur wissi Schirm. I ha mi bis jetzt nie so um Schirm kümmeret wil i halt devo usgange bi, dass a üsem Hochzit natürlich schön Wetter isch (i weiss das isch blöd vo mier).... Bis jetzt sind aber leider d'Prognose für dä 24. Mai nöd so rosig und i dänk i sött mi glich mit däm Theme befasse. I ha au mol dänkt falls denn glich schlecht Wetter isch poschti eifach im Manor oder so en wiesse Schirm. Underdesse hani mier das aber nomol überleit. Wiss isch halt scho nöd so schön zumene cremefarbige Kleid. Äs cha vor mier us au öppis eifachs si, aber cremefarbig sött er halt scho si. Und wil i halt spot dra bi chanen halt nüme im Usland bstelle. Ideal wär's natürlich wenn en grad im Lade chönnt go poschte (am liebschte Region Baden/Wettingen). Mis Kleid hani in Lindau kauft. Das isch leider viel z'wiet weg.

• Zitieren

Sali Smil09
Im Manor chunsch die Schirm au über, has döte scho gseh.
Ich ha bim Schirm Strotz in Uznach SG gseh gha, sie händ au so Schirm und sind glaub ca. 20-30 Fr.

Hoffät mer, dass es nid rägnät und sust isch es halb so schlimm wänn de Schirm nid wiis isch. Oder findsch scho?
Ich ha mer do nie gross Gedanke gmacht gha.

Grüessli

• Zitieren