| Hafenrestaurant Zug |
|
|
1
|
Brucolino  am 06.01.2015
Hafenrestaurant Zug
Hallo mitenand
Ich bi nüü da im Forum und ha aber scho ganz vill gläsä und mitverfolgt :)
Ich ha mal en Frag, kännt öper vo üch s Haferestaurant in Zug? Isch da öper scho mal amene Hochziit gsi, oder suscht go ässä?
Wievill Platz heds det? Heds Platz für en Tanzflächi?
Liebs Grüessli
Brucolino
|
|
|
Mena86 am 06.01.2015
Re: Hafenrestaurant Zug
Hallo brucolino! 
mier gönd öppe det ane, sie hend sit glaub emne johr alles neu igrichtet... ich find super det, au s' ässe; jammi!  sie hend neu de ruum wie trennt mitere lounge, schwierig zum erkläre, chunt natürli drufa wieviel lüt platz bruchet! ;o) mier hends zerst au in erwägig zoge, üs aber jetz doch fürs waldheim in risch entschiide...  am beschte ier gönd eifach mol vorbi go luege... übrigens gits det die beschte fischknusperli! 
liebe gruess us zug mena
|
Brucolino am 06.01.2015
Re: Hafenrestaurant Zug
Super danke Mena 
Ja das mit dere Lounge hani ebe uf de Homepage gseh und chas mier drum nid so vorstelle, dass det no guet 50 Lüüt Platz hend zum a "normale" Tisch sitze plus Tanzflächi..
Oder würeds denn echt die Lounge wägnäh und normal tische?
Ich glaub mier mönd eifach mal det go luege
Mier hend ja eh no keis Hochziitsdatum, darum prässierts no nid. Aber ich ha eifach Angst, dass mier nüd passends wärded gfinde ide Zentralschwiiz.. drum besser gnueg früeh chli umeluege und Idee sammle 
Grüessli Brucolino
|
Mena86 am 06.01.2015
Re: Hafenrestaurant Zug
Gerngscheh... 
ich glaub ebe nid, dass die so eifach chasch wegstelle, aber me weiss jo nie! Am bwste vorbii und froge... jo, es lohnt sich echt früeh gnueg ds luege... mier hend drum es johr füreverschobe und hürotend erst das johr... ds beschte isch eifach immer ds erscht weg! 
viel glück uf der suechi...
Grüessli mena
|
Brucolino am 07.01.2015
Re: Hafenrestaurant Zug
Danke Mena
Fallses öpis wird, verzelli denn sicher wieder da devo
Ich wünsch üch demfall scho mal es tolls Fäscht wenns denn sowiit isch..
|
Brucolino am 29.01.2015
Re: Hafenrestaurant Zug
Hallo mitenand
Ich ha dänkt, ich verzell üch churz, was ich betreffend Haferestaurant in Zug erfahre ha:
Mier sind letzt Samstig det gsi es Kaffe go trinke und sind de so is Gspräch cho betreffend Hochziit. En Dame hed sich gad Ziit für üs gno, hed üs d Hochziitsdokumentation zeigt etc.
Nachdem mier gseid hend, es wäred ca. 50 Gäst für am Fäst hed sie gmeint, das sig keis Problem. Me müessi eifach Exklusiv miete, will es gid ja nur ei Ruum (und en Terrasse) i dem Restaurant.
De Priis, um das ganze exklusiv zmiete isch bi 25'000.- !!!! 
Also das isch dMindestkonsumentation. Das wür bedüüte, jede vo üsne Gäst müesst für 500.- ässä / trinke.. de hed sie no gseid, mier chönged ja auno de apero bi ihne mache, de bruuchts no chli gäld für das.. aber ja.. wenn ich 25'000.- nur für apero und ässä usgibe, denn muess ich nackt hüürate  
will denn isch mis budget scho fast ufbruucht..
tja.. das wars dann wohl mitem Hafenrestaurant
|
|
|
1
|
Anmelden
