| Hilfe suche Hochzeitslocation |
|
|
1 2 3
|
tulipa  am 16.09.2010
Re: Hilfe suche Hochzeitslocation
gratulier eu no recht herzlich zu eurem Hochzit.
I hoff es isch so gsi win ihr eu da vorgstellt hönd.
alles guati und nu di beste wünsch.
lg tulipa
|
|
|
tulipa am 16.09.2010
Re: Hilfe suche Hochzeitslocation
nimbini:
@tulipa, wie wärs mit em schloss laufe? die sind mega chinderfründlich det! hät en riesige erläbnis-spielplatz für chind und en extra ruum für d'chind mit so herzige chline stüehl und tischli! zudem chönd sie eu au öpper organisiere, wo d'chind unterhaltet.... sie händ würklich gueti agebot det, so dj-alag etc isch alles gratis, verlängerig zahlsch erscht ab em morge am 2 etc.... und ihr chönnted sogar direkt mit em schiff bis det ane fahre..... mir hüratet det am 18. dezember und s'agebot hät eus echt begeisteret!
danke nimbini
da isch e guati Idee i dua mi gad mol drüber Informiere, tönt wörkli super. wünsch eu demfall no wieterhin viel Spass bim plane.
Lg tulipa
|
cuenca  am 16.09.2010
Re: Hilfe suche Hochzeitslocation
@tulipa: merci vil mal! ja, es isch eigentlich alles so gsi, wie mirs händ wele...
@nimbini: hett ich jetzt vom schloss laufe nid erwartet... das tönt ja würklich super!
_____________________________________
Wir heirateten kirchlich am 4. September 2010
|
nimbini  am 17.09.2010
Re: Hilfe suche Hochzeitslocation
@cuenca, ja ich bin au sehr positiv überrascht gsi! die händ ja im früehlig de bsitzer gwächslet und isch alles neu renoviert gsi und ich han eifach mal e offerte agforderet obwohl mirs schloss nonig fertig gseh händ (händs eifach vo früehner kännt).... und die offerte hät eus so überzoge, dass mir echt alles uf warteschlaufe gsetzt händ zum warte, bis es fertig renoviert gsi isch und es isch würklich traumhaft schön worde, e gueti mischig us modern und alt und als fotolocation isch s'schloss natürlich top! ich freu mich sehr, dass mir det euses fäscht chönd fiire und priise sind würklich genial.... und s'ässe isch sehr fein und portione sind würklich gross!
Zuletzt bearbeitet am 17.09.2010
|
tulipa am 17.09.2010
Re: Hilfe suche Hochzeitslocation
hallo nimbini
i demfall müast meh sich eifach mit dene i verbindig setzte und mol alles aluaga. isch natürli schu megaschö gad am rhifall zfiere, isch echt e alternative zum klettgi und i denk i wör da mit mim Schatz mol aluaga und fröga wa er dazua meint. sind ihr den aumol no döt gsi go es probe esse macha und hönd ihr döt da gesse wos am fest git? ha überhaupt kei erfahrig mit so sache, i bi eifach kli am surfa und am umaluaga und idee sammle. het nöd denkt das es soviel sache brucht.
danke viel mol du häsch mir schu mega könna helfe.
lg tulipa
|
nimbini am 18.09.2010
Re: Hilfe suche Hochzeitslocation
hey tulipa
mir sind jetzt scho zweimal det gsi go ässe, nöd probeässe fürs hochzyt! s'ässe isch sehr fein und portione sind würklich gross (ich mag viel ässe, han abe ren teil müesse stah lah).... klar, priise sind sicher chli höcher als a anderne orte, aber ebe, qualität und d'mängi sind top und es wird au sehr schön agrichtet! mir werded bim hochzytsässe es vorspiise-buffet ha, dänn 2. gang und hauptspiis wird serviert und zum dessert gits au wieder es buffet! für das zahled mir 98 franke pro person, findi en faire priis und ebe mti em vorspiise- und dessertbuffet hät sowieso jede gnueg! müend au kei gabelgeld zahle für eusi mitbrachte cupcakes (anstatt hochzytstorte).... also für eus hät s'agbot eifach rundume gstume und ich freu mich sehr uf eusi hochzyt---- hüt gahts genau no 3 mönät 
|
tulipa am 17.10.2010
Re: Hilfe suche Hochzeitslocation
Hallo zäma ha endlich mini Location gfunda. Mir werded inere Winzerstube zHallau fiere. Freu mi schu mega druf. Het Platz für 150 Persone. Mir sind aber nu 60 also viel viel Platz. Lg tulipa
|
U.T. am 22.10.2010
Re: Hilfe suche Hochzeitslocation
Sali Tulipa,
Falls es nid scho zspot isch, lueg der mol d`Chile und s`hofackerzentrum in Schaffhausen Buchthalen a, da esch glaub för e chlineri Hochziit grad supi.
Die händ glaub au e page unter hofackerzentrum.
Bi mol dert gsi för en workshop.
Gruess U.T.
|
Sisco66 am 03.11.2010
Re: Hilfe suche Hochzeitslocation
Jo es isch onglaublich, aber wenn mer negst Johr wett hürote, isch mer scho fast spoht dra um die Ziit. Mir hend au pech gha mitere Location :(. Min Fründ het au gmeint, mer seget ja so früh dra *g*.
Liebe Gruess
|
|
vivala010 nicht registriert am 03.11.2010
Re: Hilfe suche Hochzeitslocation
je nach dem wam mehr für e location wett also so trauuigä wie ufem engelberg sind sehr beliebt schloss etc au...
tulipa ganz e tolli location hend ihr usgsuecht...
|
|
|
1 2 3
|
Anmelden
