| Location rund um Luzern |
|
|
1 2
|
linally  am 25.07.2013
Location rund um Luzern
Hallo zäme
Ech ben neui e dem Forum. Han erst grad vor 6 Täg min Antrag vo mim Frönd (ui han mech no ned dra gwöhnt ehn min Verlobte znenne) becho ond mer wettet eigentlich ned lang warte met de Hochzyt darom wend mer scho em Sommer 2014 hürote.
Ech wörd gern anstatt ener Chele enere Schüne oder ufemene Rebberg hürote. Ech han mech scho chli schlau gmacht, aber no ned werkli das gfonde won ech wet.
Het öbert vo üch Idee oder scho selber Erfahrige?
Ech danke üch scho mol recht herzlich för üchi Vorschläg.
|
|
|
|
purpurblume nicht registriert am 25.07.2013
Re: Location rund um Luzern
Hallo linally
Isch zwar kei Schüne-Atmosphäre, aber bim Schloss Meggenhorn gits en Saal wo mer für Fäschtaläss cha miete (sCatering muess mer glaub sälber organisiere). Näbedzue hets grad en Rebberg und au süscht findi de Ort sehr sehr schön. Vilicht wär das ja öppis für dich.
lg
|
_janedoe  am 25.07.2013
Re: Location rund um Luzern
Oh schön, gratuliere zur Verlobig
hanen hüt schomal empfohle... de Hof Landschi in Küssnacht? Mer chan direkt ufem Hof Trauuig ha und eus hetts au mega guet gfalle aber leider isches absolut ned ufem Weg für eus, drum hemmer denn abgseit... www.hof-landschi.ch
|
linally am 26.07.2013
Re: Location rund um Luzern
an purpurblume
Danke vell mol för de Tipp. Ah das hani gar ned dänkt gha, obwohl echs Schloss Meggenhorn eigentlich könne. Werd mech do mol schlau mache.
an _janedoe
Danke der. Jo chas fast no emmer ned glaube!!
Jo de Landschi Hof könni. Stoht uf jedefall au uf minere "to see" Liste. Wo hürotisch denn du?
|
_janedoe am 26.07.2013
Re: Location rund um Luzern
Mier hürated in Schwyz (dett bini ufgwachse) und fiired denn aber z'Schöneberg/ZH (will mer zRichterswil wohned). Hend dett es grosses Huus gmietet miteme Saal womer denn s'Fest drin möched und d'Gsellschaft cha de direkt im Huus schlafe. Küssnacht wär denn ebe en Boge um alles gsi, aber mier sinds glich go aluege wills eus so guet gfalle hed vo de Bilder und live isches fascht no schöner
|
linally am 29.07.2013
Re: Location rund um Luzern
an _janedoe
Wow, das tönt aber super. Jo so öpis ähnlichs suech ech äbe au. Min Verlobte esch äbe Engländer ond sini Verwandtschaft und Frönde chömet extra do hi ed Schwiiz ond jetzt mönd mer natürli au en Ort ha oder es Hotel wo die alli chönd schlofe. Dörf ech froge was das för es Huus er gmietet hend?
|
lela85  am 29.07.2013
Re: Location rund um Luzern
@linally,
herzlichi gratulation zur Verlobig.
Mir werdet im Herzberg in Uffikä hürote, dete hets en huufe möglichkeite zum duse hürote oder au inere schüür, uf de homepage gsehsch leider nid alli möglichkeite. villicht wer das no was für eu.
http://www.herzberg-uffikon.ch/
Grüässli
|
_janedoe am 29.07.2013
Re: Location rund um Luzern
@linally
d'Huus isch z'Schönenberg/ZH. Mier hend e Huufe Hüüser agluegt und eus für das entschiede wills seinzige gsi isch, wo ned nur Masseschläg sondern Einzel-/Doppel- und Mehrbettzimmer hed. Die Hüüser sind ja meischtens eher uf Schuelklasse usgleit. Chan der suscht mal de Link schicke?
|
linally am 02.08.2013
Re: Location rund um Luzern
an lela85
danke för de Tipp!! Das hani no ned könnt. Muess ech definitiv no genau uschecke. Wenn hürotet den ehr?
an _janedoe
Jo so gohts üs äbe au. Min Verlobti het äbe scho es paar Frönde mer Chlichender. Die wet ech ned wn ei Schlag stecke  Jo wär super wenn du mer de link mol chöntisch schecke.
Danke üch bedne
Ganz liebi Grüessli
|
lela85 am 02.08.2013
Re: Location rund um Luzern
linally,
am 17.5.14.
wenns dich intressiert, würi eifach mal go luege, du gsehsch uf de page nid so vil wie in echt, und er isch au scho recht verbuchet...
|
|
|
1 2
|
Anmelden
