| Location ZH |
|
|
1 2
|
Sarah83  am 06.07.2009
Location ZH
Sali zäme,
Mir hüratet nächst Jahr im Juli und bin scho fliessig am vorbereite.
Momentan bini verschiedeni Locations am aluege.
Drum mini folgendi Frag:
Kännt öper vo oi s'Restaurant L'AQ in Pfäffikon ZH..hät früehner Seerose gheisse.
Oder hät öper vilicht det scho mal äs Fäst gfriired?
Bi um jedes Feedback froh.
Danke
|
|
|
swap am 06.07.2009
Re: Location ZH
Hoi Sarah83
Ich känn s Reschti L'AQ in Pfäffike, würs aber nöd empfehle. S isch zwar neu renoviert und so, aber dä Service isch schlächt.
Was mir no aglueget händ isch dä Adler in Grüeninge. De isch au a dä Hochziitsmäss gsi. Mir händ de dänn nöd gno, willmer scho in Grüeninge hürated und dänn lieber chli wiiter wäg wänd go fiire. Aber dä Saal hät schön uusgseh und Ässe händs glaubs au guets.
Suscht wär no d Schiffsländi in Maur, das isch grad am See une und hät obe uh en schöne Saal.
Oder in Dübedorf gits d Waldmannsburg, die isch aber glaub rächt tüür.
Gruess
SWAP
|
Sarah83 am 06.07.2009
Re: Location ZH
Hoi SWAP,
Danke fürs Feedback.
Ja vo dem hani ebe au ghört. Anschienend häts letztst Jahr dä Bsitzer gwächslet und sie heged Startschwirigkeite mit em Personal gha.
Mir sueched ebe öpis am See oder wenigstens mit Blick uf dä See.
Da mir mit ca. 100-120 Personen rächnet machts es au nöd gad eifacher öpis passends finde.
Händ ihr scho öpis gfunde?
Gruess
|
swap am 06.07.2009
Re: Location ZH
Okay, See isch natürli immer schön! 
Gang doch mal bi dä Schiffsländi in Maur verbii go dä Saal aluege, de isch wükli wunderschön mit Panorama-Blick uf dä Grifesee! http://www.schifflaende.ch/
Det häts glaub für bis zu 160 Lüüt Platz.
Suscht gäbts in Hurden (bi Rappi über dä Damm) no äs Reschti, das isch aber rächt tüür. Weiss etz gar nüm, wies heisst, aber im Google findsches sicher mit dä Stichwörter "hurden" und "hochzeit". Das isch glaub au eher gross.
Mir fiired in Büsingen SH i dä Alten Rheinmühle. Die isch grad am Rhein, meega schön. 
Aber halt scho rächt wiit wäg. Aber mir übernachtet ebä det und di meischte Gescht au. 
Isch aber äs chliises Reschti, det brächteder kei 100-120 Lüüt ine...
Gruess
Zuletzt bearbeitet am 06.07.2009
|
Sarah83 am 06.07.2009
Re: Location ZH
Ja danke, wirds mir mal agucke.
Ja s'Element Wasser hät scho öpis aziehends!
Wow das tönt super und isch au na speziel dä Tag mit dä Gäst usklinge lah und am nächste Morge bimene z'Morge chöne alles nomal revue passiere lah.
|
swap am 06.07.2009
Re: Location ZH
Sägs nöd. Und für Fotis ischs au perfekt ame See oder Fluss!
Ja, freu mi mega. D Location passt voll zu eus. Sind am Tsischtig grad nomal det gsi zum Details bespräche (am 4.9. ischs so wiit). Äs isch eifach traumhaft!
Genau das isch au euse Hindergedanke gsi. So chönds all gmüetlich neh und mer trifft sich am nächschte Morge nomal zum gemeinsame Zmorge.
|
Sarah83 am 06.07.2009
Re: Location ZH
Wow, dän gahts ja nüme lang!
Stitg d'aspanig scho?
Isch würkli äs lauschigs Plätzli wo ihr oi da usgsuecht händ.
|
swap am 07.07.2009
Re: Location ZH
Ja, so langsam aber sicher stiigt d Spannig und Nervosität scho... 
Geschter hani no dä Probetermin bi dä Visagistin gha...
Ich ha s Gfühl, mir müend no uh viel organisiere... Debii hämmer eigentli viel scho...
|
Sarah83 am 07.07.2009
Re: Location ZH
Jöö das chani mer guet vorstelle!
ja irgendwo na die Angst das mer irgend es chlises Detail vergässe hät...
Naja, ha scho öfters ghört das genau so chlini Ungreimheite am grosse Tag dezue biträged das er speziell wird.
Ich wünsche oi uf jede Fall än wunderschöne und entspannte Tag.
Und natürli das s'Wätter mitspielt!
|
swap am 07.07.2009
Re: Location ZH
Jöö, uh lieb, merci vielmal!
|
|
|
1 2
|
Anmelden
