Hallo Zäme,

Kennt öpper vo euch s Restaurant Schlossgarte in rhyfälde? Wenn jo was hän ihr so für erfahrige döt gmacht hets euch gfalle? Würd mi eifach wunder neh will ich bi sälber nonie döt gsi go ässä gseht aber sehr schön us vo inne und bedienig dunkt mi au sehr nett und mir wänn es wohrschinlich für unseri Hochzit negst Johr reserviere.


Liebi griessli und danke für euri antworte

• Zitieren

Sali Kolibri
De Schlossgarte findi sehr schön nur wo i mol go ässe gsi bi sind Portione rächt chli gsi und de Priis tüür! Mir fiere im Hotel Schützen i Rhifälde de chönt i dir natürli sehr empfehle

grüessli muggi

• Zitieren

Sali Kolibri
Aso mir händ de Schlossgarte nie i erwähgig zoge zum Hochzit dört zfiere! Bi eifach scho paarmol dört gsi zum ässe! Hehe jo vilicht gfallt ihm jo de Schützen de hetsch au grad es Hotel wo dLüt chöntet übernachte! Mir machet Foti im Dütsche äne im Stadtpark,mir fahret zu de Novartis und vo dört us laufet mir de über d`Holzbrugg zum Park de isch mega schön und am Rhii..Für schlächt Wätter hämer ehrlich gseit nüt mir hoffe uf schön Wätter

liebi grüess muggi

• Zitieren

hallo zämme

Also ich chan euch de Schlossgarte nur empfehle.
Bin sälber scho paarmol dört gsi und Kollegin het au grad ihri hochziit dört gfiiret.
S'esse findi dört mega guet und es het für jedi Priisklass en gueti uswahl.
Au de Garte und d Umgäbig bim Feldschlössli isch wunderschön und bietet gnueg Platz zum schöni Fotis z mache.

Ich kum vo rhfälde und ich persönlich empfiehl euch de Schütze ned, ich find s'esse ned so toll und was ich au ned so de hammer find, isch dass de Schütze en Psycho-Klinki het.

Gönd doch selber mol in Schlossgarte go esse, kei Angst d' Portione sind schön und für alli gnueg gross

• Zitieren

chena2 velicht hesch recht, abr ich persönlich würd dört ned hüürote.

• Zitieren

Hey bunny
schad das so über de Schütze dänksch,mir händ bis jetzt super dört gässe und i freu mi riesig dört eusi Hochzit zfiere i dem mega schöne grosse Schützechäller!!!
I ha bis jezt nur guets ghört!

kolibri i würd beides probiere gsehsch jo de was euch gfallt!

• Zitieren