| Schüür gsuecht |
|
|
1 2
|
Maus  am 21.02.2007
Schüür gsuecht
Mer sueche e gmüetlichi Schüür oder e ähnlichs Lokal für öises Hochzitsfest im Sommer.
Musig müesst okay si.
Am liebschte ir Region AG/BL/SO.
Kennt öpper so öppis???
|
|
|
cheesy  am 21.02.2007
Re: Schüür gsuecht
Kt BE hät ig eini gwüsst
Zivil 23.4.07/ Chirchlich 19.5.07
|
Maus am 21.02.2007
Re: Schüür gsuecht
So schaad !
Mi dunkts, alli wänd dä Sommer ufeme Burehof go Hochzyt fiire, jedefalls hets a verschidene Ort scho Absage geh, will grad just a öisem Tag (kirchlich : 21. 7. 2007) det scho es Hochsig isch.
Äs chönnt au süscht e spezielli Location si. S mue nüt hochgstochnigs sii, -eifach gmüetlich und ned unbedingt es Restaurant. ( Säb wär denn üsi Notlösig ;-).................)
|
|
Anasazi nicht registriert am 21.02.2007
Re: Schüür gsuecht
Hallo Maus
han im google mole "Raum zum mieten" igäh, hed en gueti Siite agäh:
www.raumsuche.ch
vielecht hesch jo Glück ....
Ech hürote min Ängu am 07.07.07 zivil & kirchlich
|
Maus am 22.02.2007
Re: Schüür gsuecht
Danke för dä Tip! Mach mi mol uf d Suechi.....
|
klotenblau am 23.02.2007
Re: Schüür gsuecht
Frog amol d'Gmeinde ah, dia wüssed im normalfall wo's in dä Nöchi an Saal oder so öppis z'miata giit.
Mir händ so an Mehrzweckhalle gfunde, wo mir üsses Fescht mached, aber das liit im Kanton Züri und chunt für eu nid in frog.
Häsch im google schomol iigeh "hütte mieten". Für dä Kanton Züri gitz an Link für Waldhütten und so.
Wünsch Dir vill Erfolg bim Suacha.
|
krindli am 09.03.2007
Re: Schüür gsuecht
Hallo Maus
Wenn tuät Dir hürotä? Heit Dir jetzt scho öpis gfungä?
D Gräso (Grädel) Schüür in Solothurn isch mega härzig!!!
Wedding: 23.06.07
|
Maus am 09.03.2007
Re: Schüür gsuecht
Hallo Krindli
Mer hürote am 21.07.07 (zivil simmer scho sit 4 Mönet :-))! ....und sind immer no am umeluege wägere Schüür oder so. Händ hüt öppis im Aargau aagluegt, - uuhärzig!
Sogar mim Schatz gfallts....;-)Nur mit de Musig müemmer is det öppis lo iifalle, sìsch zmitzt im Dorf und de wünsches halt ke Live-Musig :-(
Merci före Tipp met Solothurn.
|
Annette am 15.06.2007
Re: Schüür gsuecht
hoi Maus
Falls no nüt gfunde hesch: uf schloss liebegg (aargau bi gräniche) het's e wunderschöni renovierti schüür....
grüessli, annette
|
Maus am 15.06.2007
Re: Schüür gsuecht
Danke, mir händ is inzwüsche für d`Tenne in Rüfenach entschiede und freue-n-is uf das spezielle Ambiente....;-)
|
|
|
1 2
|
Anmelden
