| Karenschmiere am Auto |
|
|
1
|
saerli  am 31.01.2012
Karenschmiere am Auto
Hallo liebi Brütlis
Ich möcht euch nur vome Patzer bewahre, idem ich euch verzelle was inere Brut vo eus passiert esch... dene vom Bruttreff in Thun hanis glaub scho verzellt, aber me dunkts no wichtig 
Am Hochzitstag esch sie sech bi eus im Lade cho alege. Sie het super schön usgseh. Dusse het bereits es Auto uf sie gwartet, suber putzt und polliert. Mer händ eus den verabschidet und ihre es schöns Fest gwünscht und send zrug in Lade...
2 Minute später chunnt sie weder ine, de Träne nah und dNerve ame sidige Fädeli... Sie het en ziemlich grosse schwarze Fleck ufem Rock gha (vo de Scharnier im Auto-Türrahme).
Glücklicherwiis händ mer de Fläck met Reinbenzin und ere super Dampf-Bügelmaschine wegbrocht (das goht de ned bi jedem Stoff), so dass sie met 15 Minute verspötig het chönne go hürote 
Aso bitte säged dene wo euch fahred, dass sAuto (falls sis überhaupt wäsched) vor allem ide Türrähme bi de Scharnier putzt werd, bzw. passed uf bim istiiige.
Grüessli
°°°22. September 2012°°°
|
|
|
jasi86  am 31.01.2012
Re: Karenschmiere am Auto
Merci für dä Hiwies, wenn mer das passiert wär, i glaub i hät diä ganz hochzit abgseit....
...oooOOO 25. Mai 2013 OOOooo...
|
LucyLu  am 31.01.2012
Re: Karenschmiere am Auto
Hallo Saerli
Das isch mal en super Hiwies, Danke viel mal. Chönnt sicher vieli Brütli dävo provitiere vo Dinere Erfahrig. Mussi den grad mim Papi säge, er holt mich mit sim Oldtimer ab
*Mir fieret üse grossi Tag am 06.07.2013*
|
|
|
1
|
Anmelden
