hallo zäme

ig würd euch gärn mini erfahrige mit däm catering service verzelle...

ca. im januar/februar hei mir üses menu für üse gross tag mit em hansruedi besproche... är nennt sich professionel... u da ig ja mau d hotelfachschuel ha absolviert weisi was e catering/partyservise so für ufgabe het...

üse gross tag isch cho... abgmacht isch gsi, dass mis mami (e profi) mini trouzügin (e profi) si am 07.00h ihr waldhütte in gräniche ahcho... um em catering (em hansruedi) z zeige dh. eis gedeck uflege wie mir das gärn hätte (isch so besproche gsi) ums ihm chli zerliechtere... leider isch das gar nid so gsi wie mir das besproche hei... mis mami u mini trouzügin hei alli tische, stüehl, säuber gstellt u nach mehrmaliger ahwisig het är sich du bequemt ihne zhälfe... nüt het är vo sich us gmacht aber de ou grad gar nüt! so si du mis mami u mini trouzügin extremscht i stress cho... sälbstverständlich het är gwartet bis si fertig si ohni si gross zunderstüze... (wohlverstande das wär ja sini ufgab gsi) stattdesse het är mis mami zämegschisse... mir fähle scho jetzt dwort...

gott sei dank het d trouzügin nache gfragt wo de oh ballön für speter sige da het är ihre zur antwort gä... är heigi ke zit gha die zhole u äs bruchi keni ballön da ja zapero vo ihm sell im vordergrund stah u nid der ballonwettflug... (i bi sprachlos gsi woni das du vernoh ha)

am drü simer du us der kirche cho... dir chöit öich sicher vorstelle das mir üs extremscht ufenes küehls getränk gfröit hei... aber da heimer drächnig ohni hansruedi & monika gmacht... der küehlwage wo ca 3 wuche vor üsem hochzit isch usgstige... (het är säuber verzellt womer si am 30. juli ga d waldhütte ahluege mit ihm und üsne zwe trouzüge) isch immer no nid gflickt gsi... das het für üs gheisse bi 30C am schatte öbe glich warmi getränk... u wüll är ja du nid dä het welle si heter verzellt das sigi grad am 15.8. am morge passiert säubverständlich het är der küehlschrank nid brucht wos bi üsere location het gha... warum ou?? um üses apero no perfekt zmache hei si zässe ar sunne la stah obschon der näbe tisch am schatte isch gstande... oh da fähle mir dwort... (gänderet hets ersch nachdäm ig üsgrüeft ha so ca nachere stund oder so...)

der sven u ig si am fötele gsi u wo mir si zrugg cho isch ds buffet abgrumet u versorget gsi... (es witersmau bini eifach nur sprachlos gsi...) und wills ja nid so heiss isch gsi?! het är üs ou nüt ztrinke da gla... si si eifach verreiset ohni öperem öpis zäge!!




am 15. august 2009 hei mir üs dörfe z` JA- Wort gä

Zuletzt bearbeitet am 25.08.2009

• Zitieren

2. Teil

üse tagesplan het so usgseh das mir ca. 18.15h ir waldhütte ahchöme... säubstverständlich het me denn wider durscht da mir ja besproche hei das mir mit üsne gladnige gest no es chlises apero vorem ässe wei gniesse... hei si nüt ztrinke parat gha... stellet euch das mau vor... dir chömet bi euere abendlocation ah und nüt aber würklich gar nüt isch parat... ouso hei mir dh. der brütigam, brut, ud brutmuetter gest versorget mit ztrinke u sitzglägeheite... der hansruedi & d monika heis nid für nöttig empfunde das zvorbereite wie bespoche oh nid zhälfe wo mir brutlüt das id hand gno hei... (da hani scho fasch dwäut nümme verstande!)

aber das isch ja leider no lang nid der höhepunkt gsi vo ihrem service... (ig weiss scho das chame chum gloube...)
witer isches mitem ässe gange... bstellt hätte mir gha:
medallions vom schweinsfillet
morchelrahmsauce
gemüsebouquet
1. beilage! kartoffelgratin
2. beilage kroketten

erhalten haben wir zwar kartoffelgratin aber nicht genug! und die 2. beilage wurde kurzerhand zu teigwaren umgewandelt wohlverstande ohne absprache...

leider war es mir verwehrt einen 2. gang zu essen da einfach nicht genug zu essen da war...

serviert wurde wie in einer kantine einfach alles auf den teller ohne zu fragen was unsere gäste den mögen...

ok ig gibes zu da isch mini lune scho nüm so würklich die bescht gsi aber i hamer nüt la ahmerke...

selbstverständlich hei die zwöi dusse am gr. tisch gässe mir u üsi gescht si gärn gstande dass die zwöi in rueh hei chönne ires ässe gniesse... (bruchts da no wort?)

ufs dessertbuffet hei mir über drüviertel std. gwartet nachdäm eses isch abgrüeft worde... u da hani düberraschig vom abe erläbt (i hätt nid dänkt dasme das wo vorhär isch passiert no cha tope!)

ufem dessertbuffet isch gstande:
cremeschnitte (i würffel)
tiramisuschnitte (oh i würffel)
schwarzwälder (so i cakeform)
zuger kirsch (dito)
schoggi & vanillecreme (am düregheie)
sorbet (nume nid das womer bstellt hei u derzue no abgloffe)
fruchtsalat (dä isch ok gsi)
ah der cafe isch ou scho abglofe gsi...

u schüsch no sache womer ou nid bstellt hei!
u das alles usem migros nid öpe vom beck...
das hätt drum koschtet u si sisich ja absolut ke schuld bewusst (no hüt nid)

oh üsi hochzitsturte het gfählt u da ischmer der lade abe... da bini use ga gränne mir si eifach träne vor enttüschig u wuet abeglofe...

bstellt isch gsi: (übrigens hättis selle säubergmacht si)
früchtetiramisu
fruchtsalat
citronencreme
quarktorte (als hochzitsturte)
schwarzwälder brun & wiss

dir gseht es isch e alptroum gsi... u ig wünsche so öpis würklich kem mönsch uf dere wäut!!



am 15. august 2009 hei mir üs dörfe z` JA- Wort

Zuletzt bearbeitet am 25.08.2009

• Zitieren

Oh Aschera, das tuet mir mega leid!! S'stellt mer grad d'Haar z'Berg, wenn ich das liese.

Ich hoffe nor, du hesch de Räscht vo euchem Hochziit gliich chönne gnüsse...

Liebe Gruess
Souris

• Zitieren

Hoi Aschera
Eg versto dini Wuet. Es eifach schad, wenn eim wäge so öpisem (oder so öperem) dä spezielli Tag verdorbe werd. E hoffe du chasch di en Zuekonft of dini positive Erinnerige konzentriere.

Of jede Fau wördi dene ganz secher ou ned dr vou Pris zahle. Sofärn dr en Offerte oder en Vertrag heit chönet der jo nochewise, was der eigentli bstöut händ. Ond abgloffni Läbesmittel sind eh ned rächtens!! So öpis hät sogar be der Läbesmittelkontrolle Konsequänze.

P.S. ev. söscht din Bitrag glich anonymisiere, söscht werd er ev. ganz glöscht.

• Zitieren

nicht registriert

hey Aschera

Das isch ja der blank Horror. Tuät mir hölle leid, dass dir das so heit müässä erläbä.

d Rächnig würd ig uf all fäll o nid grad nach 30 täg zahle. ig würd warte bis ä mahnig chunnt. bi ja schüsch nid äso, aber so einä söll nume chli uf ds gäld warte. u we är när mal würd alüte für ds frage wo ds gäld blibi, de würdi o chli chlage u sägä - weisch so äs hochzit isch halt scho no tüür

bi also o grad sprachlos. ig hät älwä dä cheib älwä zämägschisse vom strübschtä u ihm gseit ka söll abfahrä!

gratuliärä dir u dim ma no ganz härzlech zum hochzit, wünschenech für d zuäkunft nume ds beschtä u hoffe, dass dir - trotz däm horror - ds hochzit i gueter u schöner erinnerig chöit ha.

liäbä gruess soefeli

Zivil: 20. August 2010


Kirchlich: 28. August 2010

• Zitieren

Hallo Liebi Aschera

das duet mer so leid för euch... ech wär glaub döre dreit, das ganze esch jo d höchi,
ech hoffe das er no öbis met dä rächnig chönd mache...

dörf ech froge wie vell das er no ca. pro pers zahlt hend? sie send ja glaub net die belligschte oder?

@Bräute

ich kann euch die Metzgerei Müller in Eschenbach empfehlen, absolut der Hammer, super essen, schön angerichtet, aber viel zu viel !!! aber wie schon gesagt lieber zu viel als zu wenig!
und super Personal....

LG

heiraten am 20.08.2009 & 22.08.2009 in Liebe

• Zitieren