| 09.05.09 |
|
|
1 2 3 4 5 .. 8
|
Cindy  am 27.03.2009
Re: 09.05.09
aha oke, dänn isch alles klar =)
ja mi müänd na namenstäfeli mache, dä apéro bstellä, s'gspröch mitem pastor sueche, und halt vieli chlinigkeite.. mir chunt immr wiedr was in sinn, und dänn wirdi wiedr nervös, wili s'gfühl han mi schaffets nid... abr es klappet scho!!
Dä 09.05.09 isch oisä grossi Tag!
|
|
|
Kaz  am 29.03.2009
Re: 09.05.09
Nahmestäfeli hani grad letscht Woche bastlet... basetlabig met Schwö und Mami, esch wetzig gsi 
Mer händ au no so vell chliises, aber ich han müesse lehre dass ich das eifach glasse neme. Mer händ scho hüüfe diskusione gha, welli die ben wo seit, *chom, mach, duen, mer söttet no* ec... dä chomis amigs weder zghöre öber und so mueni glasse bliibe, und uf ei art klappts uf die ander ned... Das esch chli schad verstoht er mich det ned so oder semmer det ned ganz uf dä gliiche wällelängi...  aber gäll. Wie du seisch, das klappt dä scho!!
Grüessli Kaz
9. Mai 2009... Ja ich will!
|
Cindy am 29.03.2009
Re: 09.05.09
mir gaz genau glich!
ich bin au eher die xi, wo xeit hätt chum etz machemr, odr mer müänd na etc. das mögeds amel ebä scho nid so verträge, und ja, ich bi dänn halt äfach so.
abr has etz au chli müässe lärne, dasi ihn nid z'viel däf stressä suscht fangemr nur a striite, und das isch jo au nid so lässig!
na genau 6 wuchä! i froi mi sooo druff!
wänn häsch du eich dä polterabig?
Dä 09.05.09 isch oisä grossi Tag!
|
Kaz am 30.03.2009
Re: 09.05.09
 schön gots anderne glich wie mer!! Han gmeint ich seig di einzig wo das ganze emmer muen atriibe...
Ja die Manne. Sie (Brutführer und min Zuekönftig) händ sich doch umentschede und gönd nächst Woche go luege wägem Azug... sie händ erst 3 Woche vorher wälle go! Ebe, Manne... Kännsch e guets gschäft in Züri?
Ja säg nüüt, 6 Woche esch alls verbii!! Beni uf Hochziigreis  Freu mi au und ben gspannt uf alls!!
Ich han min Polterabig am 25. April. Du? Dä esch jo au so es Thema gsi... Hoffe er werd guet. Han zwar dank mim Verlobt weder lüüt derbi woni ned wöt aber ich han kei Energie zom mich ehwigs verteidige... Ja nu! Desshalb werde mer au ca 20 Fraue si. Ehr?
Freu mi uf dä 2. Polterabig woni han. Ben no im Verkehrsdienst vo dä Füürwehr und dä werd au no Polteret (Ich und 10 Manne ) uiuiui!!
Grüessli Kaz
9. Mai 2009... Ja ich will!
|
Cindy am 30.03.2009
Re: 09.05.09
jo ich glaube es göbti nameh wo ihri manne amel chli müänd aatriibe =)
han mim schatz au immr xeit: gah doch mal wägem aazug, und er wär wahrschindli erscht spötr gange wännrs nid gad hett chöne mit mim chleid aaprobiere verbinde
nei leidr in züri nid, mer sind ebä in wettinge xi, er im kleider müller und ich bi dä milojka.. sry.
gäll i 6 wuche simmr au scho i dä flitterwuche, ihr gönd dämfall au gad am sunntig? wohii gönd ihr scho wiedr?
min polterabig isch am 11.04. aso scho i 2 wuche am 25.04. hämmr ebä diä zivili und dänn chani ebä nüm.. und drum hämmrs scho so früäh, wil am 18.04. isch na e anderi hochziit und dänn sind au vieli nid ume woni gern debii gha hetti.. aso bis etz simmr 7, vermuetli mäldet sich na 3-4 aa.. dänn simmr so 10. und das findi eich nid schlächt, han sälbr xeit wer dasi wett däbii ha und mini trauzügin hätt sie dänn iiglade. sie organisiert dä polterabig und ich han null idee was mr machet, abr es wird sichr luschtig 
Dä 09.05.09 isch oisä grossi Tag!
|
Kaz am 30.03.2009
Re: 09.05.09
Was?? Het dich din Maa scho im Chleid gseh??
Wettige esch au ok, hets bidä Milejka au Herre Chleider? Dä Müller kännt min Zuekönftig, werd em das aber nomol wiiterleite... Merci.
Mer gönd am Mäntig id Flitterwoche, uf Mauritius... und er?
Schön wenn du dich uf dine Chasch freue! Ich ben zkeptisch, welli ned weiss, öber mer gfallt oder miner Bruutführerin... wenn weisch wieni mein?! Han drom au kei Ahnig!! Aber ebe, han dävör dä no eine met Manne wo bestemmt lustig werd!
Ich han eigentlich au ned alli wälle iilade wo iiglade send (Gäst am Hochziit,emel die ned woni sälber ned guet känne) aber ich han wörklich kei Energie (eh noni vell do) woni mi ned ha möge Rächtfertige, vellecht chömed jo au ned grad alli!? Und schösch, gäbe mer sBest zom es spassige Abig ha!! Dine esch jo nömme wiit eweg!!
Was er händ vorher nomol es Hochziit? Ich han scho gmeint wer werded oder send do im Vorum eini vodä erste... Warum Hüratet er au amene Samstig Zivil?
Grüessli Kaz
9. Mai 2009... Ja ich will!
|
Cindy am 30.03.2009
Re: 09.05.09
neinei er hätt mi nanig xeh, dä chleidr müller und d'milojka isch ebä fascht binenand, und wo ich bi go s'chleid aaprobiere isch er i dä zwüscheziit dä aazug go aaluege =) mi händ ois bedi nanig xeh..
nei bi dä milojka hätts eich nid wüki chleidr fü männr sorry..
mir gönd am sunntig mittag, id USA.. knapp 4 wuchä und ihr? =)
ja ich froi mi eich scho, abr ebä i verstah di, wänn du nachli skeptisch bisch.. weisch halt scho nid was lauft und villicht gfallz eim ja gar nid.. ich wär bi mim au chli skeptisch, abr mini trauzügin isch ebä au mini beschti fründin, und mi känned ois scho sit geburt, vo dem her vertrau ich ihre scho, dases guät chunt! und ich dänke nid das bi dir alli chömed, git immr es paar wo dänn gad nid chömed..
aso diä wo am 18. hürated sind da nid im forum, und min schatz und ich gönd vermuetli au nid (sind eh nur an apéro iiglade) abr mir händ ebä es paar gmeinsami kollege, und die chönted dänn jo nid an polterabig cho.. drum machemrs scho am 11.04.
mir händ amne samschtig wellä, wil nid alli frei bechömed und ja mi händ nachhr halt na wellä go ässe und so, und dänn hämmr au gnuäg ziit, au das mr am nöchschte tag na chönd uusschlafe
chunsch du etz eich au definitiv an bruutträff?
Dä 09.05.09 isch oisä grossi Tag!
|
Kaz am 31.03.2009
Re: 09.05.09
Morge Cindy
Ich kennes jo, respektive weiss eifach wo die beidä Läde send, aber hät jo chönne si, das Milojka Herrechleider gha hätt... 
Hesch dä du dis Chleid bidä Milojka kauft?
Wow, 4 Woche USA! Cool, min Verlobt währ au gern id USA aber nor för 2 Woche gangni ned detöbere... Wobi jetzt gömmer uf Mauritius... Au ned schlächt, aber wenigstens het mer dEnsle besechtiget i 2 Woche... 
Nomol uf min Polterabig zcho... Es esch eigentlich au mini Fröndin, und mer känned eus au scho extrem lang (2 Primar) aber es send so siite a ere vörecho woni ned kännt ha a ere. Z.B. so en art EGO schene met vorbereite (nur sie und dä Brutfüherer, und mini Fäm erreicht sie ned...) au fahrt sie chli meh die Gedegner und tüürer (komplizierter) Schene und mer send doch eher eifachi und Unkompliziert, lieber Fästbänke als tüüri schöneri Tesch (weisch wie i mein). Aber das het sie, wellsi vom Gschäft her emmer so Meetings muen Organisiere. Dä chont sie ned so wäg vo dä Gedegne Gschäfts art... esch jo au ned wiiters schlemm, wenni ned meh muen Zahle wäge desse...
Das mich das Stört dass mini Fäm und Schwö sie ned chöne erreiche und Idee bistüüre verstoht min Zuekönftig ebe ned so (und get au weder meinigsverschedeheite woni zwenig glasse seig)... Jo so esch mini Vorfreud chli trüebt (vellecht beni jo au sälber schold??  )
Jetzt beni aber vom Polterabig Thema abgweche, sorry...
...und bim Polterabig hani chli die glich beförchtig gha, chönt ere gfalle ned mer... Aber ich han si gester troffe und dänke es chont jetzt doch ned so schlächt  Luege mer mol und send gspannt!
Mer Hüratet ja amene Dienstag Zivil und ich han am Mettwoch emmer frei (wobi ich han dä Mai jetzt Urlaub) und so muen min Maa halt mindestens am Morge frei näh!! Er het doch tatsächlich sgfühl gha, er goht am morge ganz normal weder go Schaffe... und Ziitlich esches au ned so es Problem, mer hüratet am 5fi.
Ja ich chome scho au. Wenn nüüt derzwösche chunt. Ben uuu gspannt was und wer und was für Gsechter sich hinder däne Nickname verstecked
Schöne Tag no
Grüessli Kaz
9. Mai 2009... Ja ich will!
|
Cindy am 31.03.2009
Re: 09.05.09
guäts mörgeli kaz
ah oke dänn isches ja klar =) ja ich han mis chleid bi dä milojka kauft, sie isch ebä ä gueti kollegin vo mim zuekünftige schwiegermami und ich han vor 2 jahr mal es feschtchleid bi ihre kauft für ä anderi hochziit.. und ja drum hani ebä au na prozent gha und sie isch wüki ganz ä liäbi und macht mer kompliment.. und welli frau hätt das scho nid gern?
das mit dinere trauzügin/brutfüährerin isch scho echli blöd, wänn sie chli die exclusiver schiine fahrt. ebä schlussendlich zahled ja ihr s'hochziit und dänn muäss sie au luege dass sie oine wünsch entsprächendi sache uswählt und organisiert. also fallses dänn glich tüür chunt würi scho na mit ihre redä. bi ois wär das es mega problem, wil mir sind au eher unkomplizierti, es git scho sache womr säged, mol das wämmr etz au wänns chli tüürer isch, abr es muäss nid alles eso sii. abr ebä so sind gschmäckr verschiede..
und bi dim polterabig hoffi dases schön wird fü dich unds du chasch gnüsse.. fänds lässig, wänn'ts mr dänn würsch verzellä wies xi isch =) ich chan dr ja scho bim bruutträff chli verzellä =)
was mached ihr dänn nach dä zivile hochziit na? händr irgendwie na gross was planed, odr au eher eifach, wil ja dänn die kirchlichi na chunt?
säg nüt, finds au intressant wer wie usxeht und au vom name her wird sichr äs lässigs träffe..
dir au na es schöns tägli!
greez Cindy
Dä 09.05.09 isch oisä grossi Tag!
|
Kaz am 31.03.2009
Re: 09.05.09
Wow, das esch jo tefi gange met zrogg Schriibe
No es problem derzue esch ebe das Brutführeri (ebe mini Fröndin) ned mini Trauzügin esch (mini Schöw) das het glaub mini Fröndin chli gstört, well si am Zivile ned cha derbi si und vellecht desswäge mini Schwö chli osse vor loht?? Ich wot jetzt do au niemertem ergednwas understelle!! Aber well ebe sich mini Schwö au möcht igä und sich freut esch es echli doof för mich, und gseit hanis mängisch gnueg!
Ja verzelles dä...
Freu mi eh uf die Brechtli vo dä einzelne Hochziite, es het letzt Johr es paar brüütlis gä, wo nacher verzällt händ wie ere Tag so gsi esch!!  Wow, mega und schwelg!!
Mer gönd go ässe met dä Eltere und Trauzüge inkl. Partner, mer wänd scho au nüüt grosses, aber mini Schwö het do no was planed... dä Transport zom Restaurant, und mer sölled eus dä morge frei phalte Da beni no gspanne druf...
Grüessli Kaz
9. Mai 2009... Ja ich will!
|
|
|
1 2 3 4 5 .. 8
|
Anmelden
