| Alles, was nichts mit Hochzeit zu tun hat ;-) |
|
|
1 .. 63 .. 123 124 125 126 127 .. 424 .. 720
|
Arwalds_Braut  am 24.10.2011
Re: Alles, was nichts mit Hochzeit zu tun hat ;-)
Liebi Schnubel, das duet mir mega leid für di und dini Familie! Ig wünsche euch ganz vil Chraft und Troscht für die schwäri Zit!
@nimbini: Oh je, das isch e dummi Situation! Usgrächnet, wenn dir ar Familieplanig sit. Hoffe dir finget gli e gueti Lösig!
Arwalds Braut, die eigentlich noch gar nicht richtig verlobt ist, sich aber präventiv schon mal angemeldet hat...
|
|
|
cosa87 am 24.10.2011
Re: Alles, was nichts mit Hochzeit zu tun hat ;-)
ohhh nimnini
ganz e grossi internet umarmig...
jo cha dich voll vostoh... muesches so gseh.. de rest vo de Wuche chan nur no besser werde...
ich denk es bringt nüt wenn dich jetzt do verruckt machsch.. luegs mit dem Maa a und den entscheid dich... und endefekt wenn so wers usecho das du die neu stell wersch atrette und den grad schwanger wirsch... den isches eifach eso...
es durebiese isch sonen sach.. will wenns eim würkli mega belastet... weiss nid ob das so guet isch wenn ihr am üebe sind...
am 27.08.2011 isch min schönste Tag gsi
*****Du bist ein Teil von mir*****
|
|
livipivi nicht registriert am 24.10.2011
Re: Alles, was nichts mit Hochzeit zu tun hat ;-)
Liebi Schnubel- wie scho per Handy- es tuet mir wahnsinnig leid und ich hoffe er het nüme müese liede- er isch jetzt ame schmerzfreie Ort und passt vo det us uf dich uf. Da dra glaub ich ganz fest.  Bin jederziit für dich da Bella
@Nimbini: Ui nei, so krass- demfall isch de Aschiss ned nur bi dir elai? Oje, ja ich kenne das- well ich so en super Chef han bin ich ja na da. Die sind ebe würklcih selte. Hoffe fest es gaht irgendwo es Töörli uf für dich- evtl. eis wo du na gar ned gsehsch jetzt. Drück dir feeest d Düme!!!
Hand in Hand... ein Leben lang, seit dem 07.05.2011
|
Seechind84  am 24.10.2011
Re: Alles, was nichts mit Hochzeit zu tun hat ;-)
Ui Nimbini, isch nid grad eifach, wenn de Chef goht, wo mes so guet chan mit ihm..
Ich han im Summer 10 min Chef au möse goh loh. Bin dozumol no ziemlich glücklich gsi mit em Job, aber je länger es dured hät, umso schlimmer isch es worde. Mittlerwile chan i nid mol meh am Wuchenend abschalte und es goht mir so ad Nerve, dass mir scho wäge jedem Seich d' Träne id Auge stieged oder ich grad wieder ad Decki gang. Ich han mich drum schweren Herzens entschiede, dass ich chünde uf Ende Monet. Eigentlich han i no bis zum Hochzit wölle durezieh, aber es goht eifach nüme. Es isch en riese Seich. I han no kei Stell für nochher, aber länger chan i nüme zuwarte. Im April oder so isch d'Situation no schwieriger für zum e Stell z'finde wo mir doch im Juli hüroted und ich denn 2 Wuche frei sött haa..
Kei Ahnig wies söll witergoh. Ich hoffe nur, dass ich möglichst bald e neui Stell finde und ich dött 2 Wuche Ferie überchume fürs Hochzit. 
Zivil 14.07.12 im Thurgau, Kirchlich 21.07.2012 in Sachsen
|
nimbini  am 24.10.2011
Re: Alles, was nichts mit Hochzeit zu tun hat ;-)
@cosa, jö danke dir vielmal! ja ich schlafe jetzt mal drüber und dänn lueg ich mal, was mir wänd mache! villicht chunnt ja de storch glich no das jahr uf bsuech und suscht tüemer halt e chli ussetze, es pressiert mer ja suscht eigentlich nöd eso mit de bambinis....
@livipivi danke dir! ja mir händ scho es paar mal gseit, dass wänn er gaht, mir alli werded gah und ja, jetzt gaht er und ich bin überzügt, dass mir bis endi jahr nüme komplett sind vom team her, es isch so schad, aber ich verstah min chef natürlich, es gaht ihm wie eus und und irgendwänn mag mer halt eifach nüme d'lüüt motiviere, wänn meh sälber so de aschiss hät! hach isch würklich mega doof, bin uh truurig übrigens livipivi, muesch du nöd hüt unters messer? oder wänn häsch du din termin?
@seechind, oh nei, das tönt aber au nöd rosig bi dir isch halt scho so, dass wänn meh en tolle chef hät und de gaht, dänn änderet soviel und meistens eher im negative und wänn meh nüme demit klar chunnt, dänn muess meh gah! bi mir isch es ja vo de arbeit her scho lang eso, dass es mir nüme gfallt, aber ebe, tolls team, coole chef.... und das isch mir tuusig mal wichtiger als d'arbeit! aber ja, jetzt wird dänn wohl gar nüt meh stimme und drum wird ich wohl au mal müesse afange umeluege, aber es hät nur so seich ume momentan! ich druck dir uf all fäll fescht de duume, dass du bald öppis findsch, ohni dass zwüscheddure arbeitslos bisch! villicht seisch bim istelligsgspräch zerscht mal nüt wägem hürate, wil da händ ja vieli arbeitgeber ihri vorurteil vo wäge chinderplanig nach de hürat etc..... das mit de ferie wird dänn sicher au klappe!
lg nimbini
|
|
livipivi nicht registriert am 24.10.2011
Re: Alles, was nichts mit Hochzeit zu tun hat ;-)
@nimbini- ja zerst het ich hüt müese- aber ha ja de Termin uf nächste Mäntig müese verschiebe well ich ned halbprivat sondern nur Allgemein versicheret bin 
Jöööö danke fürs dra denke 
Hand in Hand... ein Leben lang, seit dem 07.05.2011
|
nimbini am 24.10.2011
Re: Alles, was nichts mit Hochzeit zu tun hat ;-)
@livipivi, ah ok! ich han nämlich no dänkt, du hettisch suscht sicher öppis gschriebe....
|
Seechind84 am 24.10.2011
Re: Alles, was nichts mit Hochzeit zu tun hat ;-)
Danke fürs Duumedrucke Nimibini.
Bin zur Zit eh ziemlich down, well mir das ganze Gschiss ziemlich uf d'Nerve druckt und das mit de Chündigung wird au nid grad liecht.
Ich han mich mit em GG scho mol unterhalte wie ich mich söll verhalte, falls ich denn zumene Vorstelliggspröch chume:
Variante 1: Ich froge bezüglich Ferieregelig und töne aa, dass ich scho länger en Traum möcht verwürkliche und für das 2-3 Wuche Ferie würd bruche.
Variante 2: Ich sägä nünt und wenns gar nid klappt mit de Ferie chan ich en Monet vor em Hochzit immer no chünde.
Ich weiss echt nid was gschieder isch.. Variante 1 wär mit 10x lieber, aber ich wills mir halt nid versieche, wenn i denn scho mol iglade bin.. 
Zivil 14.07.12 im Thurgau, Kirchlich 21.07.2012 in Sachsen
|
|
livipivi nicht registriert am 24.10.2011
Re: Alles, was nichts mit Hochzeit zu tun hat ;-)
@Seechind- also denn scho wieder chünde- würd ich dir echt ned empfehle- das gseht uuu schlecht us im Lebenslauf und das wird sauschwierig nacher namal wieder en Job z finde..., also ich säg halt immer Ehrlichkeit währt am längsten, schummlisch lieber echli demit das du na kei Kind wettisch- so vo wege du wellsch dich au nächstens mal na nebebrueflich wieterbilde und drum segi Kinder na wiet weg..., s hürate selber isch ja ned s eigentliche Problem 
Hand in Hand... ein Leben lang, seit dem 07.05.2011
|
Seechind84 am 24.10.2011
Re: Alles, was nichts mit Hochzeit zu tun hat ;-)
@Livipivi: Das isch grundsätzlich ebe au mini Meinig. Also das mit em scho wieder chünde und das mit em ehrlich si.. Ich meine prinzipiell isch das jo au en Traum wo ich möcht verwürkliche.
Ich han eifach Angst, dass ich kein Job meh finde bis zum Hochzit..
Zivil 14.07.12 im Thurgau, Kirchlich 21.07.2012 in Sachsen
|
|
|
1 .. 63 .. 123 124 125 126 127 .. 424 .. 720
|
Anmelden
