| Alles, was nichts mit Hochzeit zu tun hat ;-) |
|
|
1 .. 102 .. 202 203 204 205 206 .. 463 .. 720
|
jusi  am 13.12.2011
Re: Alles, was nichts mit Hochzeit zu tun hat ;-)
livipivi: schön, ist dein büsi wieder zurück, hab' zwar selber keine haustiere aber es tut mir immer leid wenn so etwas jemandem passiert...
dia/prinzessin: schuhe auch haben will 
nimbini: aber nit, dass du ganz nyc leer chaufsch  guät, bis neggscht johr chönnä si jo denn wider uffüllä aber tönt nach super feriä 
|
|
|
juni07  am 13.12.2011
Re: Alles, was nichts mit Hochzeit zu tun hat ;-)
@nimbini: hehe, mis frölein seits gliche, wen ich mol d'auge verdrehe und mich froge ob ich im falsche film bin, ich häg sie usgsuecht. isch das euchi generelli usred :)
mol sicher hätt ich das welle gseh :) hejo, wenn du mit dim trupp chunsch, den gönd mer ein obe zämme vegas go unsicher mache :)
mir sind vom 5. - 10. april dete.
chan i den au grad e fläsche bstelle :)
jo, aber das wird nägscht johr anderscht met em wetter. für ergendöppis muess doch die globali erwärmig guet si...
pinkigi skihose? guet, wenns zur jagge passt :)
hey i de ehe, dörfsch nüt meh verschwiege :)
lg juni07
|
nimbini  am 13.12.2011
Re: Alles, was nichts mit Hochzeit zu tun hat ;-)
@jusi, ja ich gib mer müeh wobi, ich muess ja dänn au no chli geld übrig ha für de sale nach de wiehnacht, de isch abartig i de usa
@juni07, hehe ja das söll heisse, dass ihr eu nöd z'beklage händ, sondern de mit müend läbe und suscht es huus witer chönd gah... de nächst wartet sowieso scho vor de türe
ja also wänn mir im april gönd, dänn gömer ziemlich sicher vom 6.-16. april oder no en tag länger (dänn chani no geburi fiire, juhuuu)..... dänn würded mers sicher breiche! ja dänn bstelled mer e fläsche, aber dänn chumi au no was ab über.... ja wär ebe scho cool mit em wätter! wobi im april gits ebe no kei rehab poolparty, die startet erscht im mai!
hey klar passed mini pinkige skihose zu de jacke und zu de moonboots und zu de pinkige chappe und sowieso und überhaupt....
phaaaa du häsch kei ahnig vo ehe, oder *g*? solang ich mis eigne geld verdiene, gib ich's au für das us, wo ich will 
|
juni07 am 13.12.2011
Re: Alles, was nichts mit Hochzeit zu tun hat ;-)
@nimbini: jojo scho guet. :)
du häsch jo scho echli es dekadents läbe :) guet so :)
wennd brav bisch bechunsch au was ab :)
mer sind im mgm einisch am pool verbiglaufe und das isch ned normal gsi. das hät sovel lüt gha, das isch nümme luschtig gsi.
wenn in e lawine chunsch, wersch sicher weder gfunde :)
woher au, wird mini erst :) aber du häsch recht, me lebt nur einisch :)
lg juni07
|
nimbini am 13.12.2011
Re: Alles, was nichts mit Hochzeit zu tun hat ;-)
@juni07, ach was, ich weiss halt eifach, wie meh s'läbe gnüsst hey klar bini brav, ich bin verhüratet, scho wieder vergässe  wobi gäll du weisch, what happens in vegas, stays in vegas  im mgm gits au pool party? d'rehab isch im hardrock, isch mega bekannt.... wär aber ebe scho cool!
hihi ja ebe gsehsch, ich stich dänn use mit mine pinkige skihose 
lg nimbini
|
|
livipivi nicht registriert am 13.12.2011
Re: Alles, was nichts mit Hochzeit zu tun hat ;-)
Ha Ha Nimbini- du bisch eifach de Hit Freu mich für dich das es endlich bald losgaht!
@All- ja mini Wullesocke so knuddlet, er isch gar ned drus cho- het tue als ob nüt gsi wär 
ui bin grad wieder 200x besser druf als gester- aber mega herzig im Team hend mich all voll tröstet sogar d Jungs wo s eigentlich ned hend chöne nachevollzieh 
@Juni07: Also wenn du i de Ehe kei Gheimniss me dörfsch ha bisch aber en Armä Solangs kei bösi Gheimniss sind isch doch das vollkomme i.o.
übrigens- wegem Geld- ich säg das genau au so- defür hani au 0 Aspruch uf Geld vo mim Schatz solang ich na schaffe- das verstönds mengisch au ned- wenn ich sägä: Ui ha kei Geld meined vieli- er söll mir doch eifach Geld geh- hallo? ich schaffe na 100% und okay ha en kacklohn, aber würd ja nie uf d Idee cho für Usgang oder so mir Geld vo ihm z hole- er hilft mir scho wenns mal ned langet. Aber das wird alles Retour zahlt
Hand in Hand... ein Leben lang, seit dem 07.05.2011
|
nimbini am 13.12.2011
Re: Alles, was nichts mit Hochzeit zu tun hat ;-)
@livipivi, jaaaa ich bin im fall momentan wie es chlises chind im büro! die arme arbeitskollege! min chef hät morn no de letscht, git no en apero und ich lade no es paar geili songs ufs iphone und lahn dänn die laufe, so seich-lieder wo mer die letschte jahr immer gsunge händ und träne glachet, ui nei, er wird sich eis abgröhle! mag sowieso nüme schaffe, han nur no anders im chopf.... bin scho voll in ferie-stimmig, eeeegal, han ja eh nöd viel ztue
mir händs im fall au eso mit em geld, das verstönd au vieli nöd, dass d'finanze bi eus trotz hochzyt getrennt gönd! aaaaber ich han kei verständnis für sini usgabe und er hät no weniger verständnis für mini drum isch es am beschte eso......
|
angiyves am 13.12.2011
Re: Alles, was nichts mit Hochzeit zu tun hat ;-)
Wie kas au nit anderscht si: Mir hänn e gmeinsams Budget Ich bi aber au nit so e typischi Frau mit 100 Schueh und är het mehr T-shirts wie ich- mir träffe uns also i dr Mitti 
Liebe Grüsse
Angi <3 Yves , am 14.8.2012 ist es endlich soweit!
|
|
PrinzessinN nicht registriert am 13.12.2011
Re: Alles, was nichts mit Hochzeit zu tun hat ;-)
@nimbini: De isch guet...glaub min Ma verstoht au nöd, wieso ich für das oder jenes Geld usgibe. Und e gueti Fründin vo mir het au no trennti Kontene..die sind sit em 2008 verhürotet. Sie het au gmeint, denn mues sie sich nöd rechtfertige, wenn sie was kauft .
Mir hends au no so...wieso au ändere...ich finds au guet so...jede het no sis eigene Geld. Chan mir eh sehr schwer vorstelle, wie das wär, wenn ich weniger oder nüt meh verdiene wür. Uiiii nei...das isch e komischi Vorstellig für mich im Moment.
...Today, Tomorrow And Forever...You'll always be my love...8. Oktober 2011
|
nimbini am 13.12.2011
Re: Alles, was nichts mit Hochzeit zu tun hat ;-)
@prinzessin, ja so gahts mer ebe au! ich chan mer das no gar nöd vorstelle, dass ich irgendwänn söll vo sim geld läbe! klar, dänn isch es euses und ich mach au min job, aber glich, finde das irgendwie komisch! zumal ich dänn ebe no die bin, wo nöd sehr sparsam mit em geld umgaht  drum lömers momentan eso, das isch s'beschte für eus....
|
|
|
1 .. 102 .. 202 203 204 205 206 .. 463 .. 720
|
Anmelden
