...ich glaube, dass das venetian nur über suiten verfügt. die regulären preise musst du praktisch nie bezahlen. es lohnt sich, die unterschiedlichen hotelangebote, vor allem am strip, im internet zu studieren. somit kannst du dir auch eine suite gönnen, ohne chf 2100 bezahlen zu müssen...

Zuletzt bearbeitet am 05.01.12 16:51

• Zitieren

@dia: danke, guet zwüsse.

@mond26: achso, das wusste ich gar nicht, dass dies nur suiten hat. das hotelzimmer ist da um den koffer zu versorgen, das notebook ins schliessfach zu legen und ein paar aspirin auf vorrat zu haben und wie nimbini sagte, auch für ein paar stunden schlaf :)

lg juni07

• Zitieren

@juni07, dänn issisch halt du en salat und ich pizza! gib der aber keis stuck ab im monte carlo bini no nie gsi, bin im luxor, treasure island und im mirage gsi... luxor isch scho ok, aber d'laag findi nöd so de hit, wils halt s'schlussliechtli vom strip isch! aber es isch eis vo de günstigste für die laag... übrigens, s'venetian hät öfters eso günstigi agebot, mir händ de newsletter abonniert und händ gmerkt, dass die halt meistens ebe nur churzfristig würklich günstig sind, ebe so 1 wuche vor areisetermin! aber wänn meh direkt bime hotel buecht, chan meh ja bis am tag vorher annulliere und dänn chan meh immer no s'venetian bueche, aber funktioniert natürlich ebe nur, wänn meh direkt über d'hotels gaht.... mir sind übrigens das mal am buffet im wynn gsi, isch also echt top gsi und isch näbed em bellagio mis lieblingsbuffet! das im cosmoplitan wird ja au no gross akündt, hät mich aber eher enttüscht... übrigens, han mir s'aria au nomal agluegt, aber es liit mir eifach scho z'wiit hine vom strip, das isch leider chli de nachteil.... und ich finde, meh lauft ja suscht scho gnueg i dem cheibe vegas... nur scho bis meh im zimmer isch, isch mängisch e halbi weltreis!

wägem gamble, wänn ihr eher gönd go gamble wägem spass und nöd wägem geld, würdi halt det go spiele, wo 50 cent de mindestisatz isch! dänn chasch relativ lang und viel spiele, ohni gross geld z'verlüüre! eusi manne händ das so gmacht, so händs immer gratis trunke und mega fun gha! ich bin da halt chli andersch, ich spiele lieber, zum geld günne (oder verlüüre, hehe), mir machts spiele mit 50 cent nöd würklich spass.... und hey, fürs s'hoppe würdi dänn au no gnueg geld irächne

hey de sturm isch übelscht.... bin vorher heigfahre und voll dricho... han no nie erläbt, dass es gwitteret und glichzitig schneit! innerhalb vo minute isch bi mir alles wiss gsi... bin froh, bini jetzt i de warme stube...

lg nimbini

• Zitieren

nicht registriert

Also bi üs hets jetzt au endlich nache glah, aber Juni- also ich hett denn gern Salat Finde scho das das e Drohig chan si

Hand in Hand... ein Leben lang, seit dem 07.05.2011

• Zitieren

hahaaa livipivi, ich glaube au, dass du dich gern würdisch für pizza entscheide

@juni07, hey fuettere in vegas ghört eifach dezue! und die buffets sind ja scho geil, obwohl mirs nöd immer usegholt händ... ach ja und ebe, chessecake factory isch sowieso es muss! love it.... händ übrigens am silvester i de vodoo lounge no hammer gässe, isch es steakhouse und chani au rein vom club/ussicht her empfehle, mega!

oh aber vergiss dich nöd ganz bim shoppe! min maa chunnt amigs au regelrächt in en shopping-ruusch! und dsa mal hani soviel ikauft wie no nie, schlimm gsi... han jetzt grad no die letscht wösch ob ta, ufff...

ich finde gamble ebe au geil, aber ebe, nur wänn chli was uf em spiel staht, suscht fehlt mer eifach irgendwas! blackjack pässlet mer ebe scho au... und roulette... und immer mal wieder ein dollar in en automat inerüehre bim verbii laufe...

• Zitieren

@nimbini: ich liebe cheescacke, ha no eine i mich iedruck bevor ich das ww-startbuech be go chaufe :)
jo, ich tue scho au shoppe, aber nur praktischi sache wo i grad bruche
da stimm ich dir zue. aber sletschtmol wo i gsi bin han i es paar hundert Dollar inere Stund dureglo :(

@livipivi: Pizza Diavola - wieso überrascht mich das ned ;)

lg juni07

• Zitieren