@nimbini - na eues Bingo tönt ja spannend ich han au kei Lust zum schaffe und wäri am liebste diheime. Han scho überleit öb ich morn söll schwänze..........ganz schlimm momentan aber ich fühl mich au nöd zu 100% fit........

Was sind denn das für Manne? lahsch üs a dänä Schönheite teilha? wieso beschäftigt Dich die Schwangerschaft eso? Wege Dir selber oder wege ihre?

äs grüässli vonere müädä sniffi *gähn*

__________________________________________________________
" zivil - 1. April 2010 -- kirchlich 4. September 2010 -- überglücklichi Ehefrau"

• Zitieren

@sniffi, ja es isch au würklich luschtig, ich gröhl mir da ständig eis ab! und so ohni chef im büro isch es ebe scho no meh verlockend zum seich mache hey also wänn du dich nöd 100% wohl fühlsch, dänn würd ich au dehei bliebe, das isch ja keis schwänze also mini unterstützig häsch, hihi!

hm jaaaa mir schwirrt mal wieder min usbildner im chopf ume, isch uh schlimm, immer inere gwüsse phase vo mim zyklus! und ich muess mich ja eh no revanchiere fürs mittagässe und darum hani ihm jetzt es mail gmacht und s'schräge isch, ich träume dänn i dere phase au no immer vo ihm, aaarrrghhh das macht mich wahnsinnig!

d'schwangerschaft beschäftigt mich wäge ihre, sie isch no mega jung, hät schulde, völlig nöd es stabils umfeld momentan, aber sie isch so überzügt, dass sie s'richtige macht und ich weiss genau, dass wänn sie sich nöd 100% änderet, das ziemlich bös id hose wird gah... hans ihre au scho x-mal gseit, aber isch mer au klar, dass sie nöd uf mich losed, aber ich han s'gfühl, es isch en fehler! klar, schlussendlich chan ich sie nöd devor bewahre, aber mängisch frög ich mich halt scho, wie meh bi gwüssne sach so blauäugig chan durchs läbe gah.....

• Zitieren

@proeschu, ja ich glaube DE wird mich so schnäll nüme los lah *seufz*! isch im fall jede monat s'gliche, isch voll schlimm....

ja es bliebt mir ja nüt anders übrig, als das so z'akzpetiere, jetzt isch es eh scho z'spat und sie hät nöd welle lose und jetzt muess sie halt sälber luege, wie sie mit dem z'rächt chunnt, ich hoffe nur sehr für sie, dass alles guet chunnt und er nöd uf eimal chalti füess überchunnt und alles über ihre zämebricht... das isch so chli mini gröschti sorg! und dass sie sich finanziell no meh übernähmed.... ich glaube, sie isch sich dem eifach gar nöd so bewusst, was da alles uf sie zuechunnt und drum wird sies jetzt wohl oder übel selber müesse lerne.....

• Zitieren

@sniffi, ja das werded mer ja no gseh

hehe na ja, ich han ihre scho gseit, bevor sie schwanger gsi isch, dass sie dänn nöd müess zu mir cho go chlöne... det dure bini ebe rächt härt! aber ja, ich bin gspannt wies usechunnt und hoffe für sie, dass sich mini befürchtige nöd bewahrheitet....

oh je, ich bin au de fruschtässer, fühle also mit dir mit! sobalds bi mir im job nöd lauft, nimm ich zue, wil ich ständig de fruscht ineschuffle, mega schlimm! das isch würkilch total müehsam... bisch dänn im job au nüme so würklich zfriede?

• Zitieren

hach saerli - ich fast än Sack Schokobons *schlechtsgwüsseha*

@nimbini - nei nöd würklich - d'Arbet an sich gfallt mir scho aber dä Ort irgendwie........naja chume mir da nöd würklich "diheime" vor......und ebä ich han überhaupt kei Bock zum gogä schaffe gha..........

__________________________________________________________
" zivil - 1. April 2010 -- kirchlich 4. September 2010 -- überglücklichi Ehefrau"

• Zitieren

weni en sack schokobons gha hät, hätti sicher scho de ganz gässe hehe, bin au en frässsack... und strurige esch, i cha nöm eifach ässe was ich will. die zite send verbie
aber denn muessi nor a mis schöne chleid dänke wo ich möcht platz ha drin ond denn chani ohni trurig sie statt en ganze sack nur en halbe ässe

• Zitieren