| Alles, was nichts mit Hochzeit zu tun hat ;-) |
|
|
1 .. 206 .. 409 410 411 412 413 .. 567 .. 720
|
sniffi  am 02.02.2012
Re: Alles, was nichts mit Hochzeit zu tun hat ;-)
Guete Morge Ladies
Sind ihr guet acho hüt Morge? Hoffentlich ohni Blechschäde? Hend mir diheime vielleicht Schnee....uiihhh das gseht richtig schön us  uf dä Strasse isch es erstuunlich guet gange, es giit aber eifach immer so Idiote won s'Gfühl hend, dass mer bi dene Strasseverhältnis wiiterhin 80 chan fahre und mer deshalb muen ufhocke *nerv* wünsch dene jewiils än Bsuech im Strassegrabe 
Wäri hüt am liebste liggebliebe. Min GG und min Neffe hend mich glaubs agsteckt.........min Hals chratzet und ä Verchältig isch im Amarsch..........super so perfekt ufs Weekend  zum Glück han ich für mini Seele no än halbe Sack Schokobons da  
Wünsch Eu en guete Morge!!!
__________________________________________________________
" zivil - 1. April 2010 -- kirchlich 4. September 2010 -- überglücklichi Ehefrau"
|
|
|
Proeschu  am 02.02.2012
Re: Alles, was nichts mit Hochzeit zu tun hat ;-)
@Sniffi
GUETE MORGE!! 
Be guet acho, aber ebe met de ÖV  denn chomm ich entspannter a ond es nervt sich käne ab mer, wenn ich chli langsam wördi fahre 
Min GG hed höt (wie jede Morge) ofem Balkon gluegt wie chalt dasses esch... oise Thermometer god bes -10 Grad.... er hed aso nüd meh azeigt.... zeeeemli chalt  Aber schön usgseh dueds ebe scho!
Ou, no en halbe Sack... ha grad Luscht!
.... wir brauchen nicht.... wir müssen nicht.... wir wollen einfach.....
HEIRATEN! 1. & 4.6.2011
|
bergeri am 02.02.2012
Re: Alles, was nichts mit Hochzeit zu tun hat ;-)
Gute Morge Zämma
I bin au guat acho....mitem ÖV.
Fahra eigentlich au im summer sehr selta mitem Auto zur Arbet. Chuma billiger mim ÖV bzw. im Summer gohni mir Vespa und chan gratis vorem Gschäft parkiara.
I han miar gester Obet a Blosaentzündig igfanga. Bin extrem afällig, kuum früri amol abiz, hani am nögschta Tag schu eini. Und gester isch halt uuuu chalt gsi zum ufem Bahnhof uf da Zug warta am Obet.
****Ziviltrauung 26.7.2013 & Zeremonie in der Woche darauf auf hoher See ****
|
Proeschu am 02.02.2012
Re: Alles, was nichts mit Hochzeit zu tun hat ;-)
@Bergeri
Muesch luege, dassd vell trinksch (vor allem warms, zb Tee).... ond jetzt, wennd en Blose-Entzündig hesch, hilft Preiselbeer-Saft!
.... wir brauchen nicht.... wir müssen nicht.... wir wollen einfach.....
HEIRATEN! 1. & 4.6.2011
|
sniffi am 02.02.2012
Re: Alles, was nichts mit Hochzeit zu tun hat ;-)
@bergeri - ohje wünsch Dir ganz gueti Besserig!!!!!
__________________________________________________________
" zivil - 1. April 2010 -- kirchlich 4. September 2010 -- überglücklichi Ehefrau"
|
bergeri am 02.02.2012
Re: Alles, was nichts mit Hochzeit zu tun hat ;-)
@Proeschu: Habe mir jetzt im Büro einen Liter heissen Tee gemacht.  Preiselbeersaft chani eifach nid trinka, find dä sooo "grusig".
@sniffi: danke
****Ziviltrauung 26.7.2013 & Zeremonie in der Woche darauf auf hoher See ****
|
|
dia nicht registriert am 02.02.2012
Re: Alles, was nichts mit Hochzeit zu tun hat ;-)
@bergeri
Uhhh do muesch ufpasse mit dr Bloseentzündig! Ha jo afangs Joor au eini ka und bi z spot zum Arzt, schlussäntlich ha ich denn e Nierebeckeentzündig ka. Ich ha dr Cranberry saft au nid gärn, git jo extra niere-blose Tee oder sunst roti Frücht (als Tee) sind guet. Git au so Drageés im dr Apotheke wo sölle triebe... Luegsch guet zu dir, keini kalti Füess und jo kei blute Rugge (Becki)!!!!!
Uiii, mir in Basel hän au mega Schnee. Do sind mir grad überforderet und d öv hän alli verspötig...
Lg, dia
....unser Traumtag war am 21.5.2011...
|
nimbini am 02.02.2012
Re: Alles, was nichts mit Hochzeit zu tun hat ;-)
buenos dias ladies... wooow ihr sind aber alli früeh unterwegs! ich bin jetzt erscht grad im büro itrudlet han am morge ghört, dass die am pfade sind und dänn lahni mir immer zyt, obi jetzt dehei trödle oder im stau stahne spielt ja kei rolle  aber es isch sooooo schön dusse und ich han sooo freud, dass ich wieder mal mini winterboots chan alege
@bergeri, oh je, gueti besserig!
@sniffi, oh je, dir au! hebed eu sorg mädels....
lg nimbini
|
|
dia nicht registriert am 02.02.2012
Re: Alles, was nichts mit Hochzeit zu tun hat ;-)
Bi jo gestert bim Coiffeure gsi. Ha vorhär eifach langi blondi langwiligi gradi Hoor ka. Ohni irgendwie gstueft oder so...
Ha jo die Frisur welle vo dr Eva Padberg. Jetzt ha ich kurzi blondi langwiligi gradi Hoor!!!!
Egal, villicht gits nägst mol wieder chli öbbis pepiger's mit meh stuefe. Aber so bin ich zum Glück nid so trurig wie d angiyves.
Ohhhh angiyves, wie gohts dir????? Jetzt isch jo zum Glück Kappe-Zyt, ziesch so eini a...
Lg, dia
....unser Traumtag war am 21.5.2011...
|
Proeschu am 02.02.2012
Re: Alles, was nichts mit Hochzeit zu tun hat ;-)
@Dia
Ich gsehne keis Foti?!?!! 
.... wir brauchen nicht.... wir müssen nicht.... wir wollen einfach.....
HEIRATEN! 1. & 4.6.2011
|
|
|
1 .. 206 .. 409 410 411 412 413 .. 567 .. 720
|
Anmelden
