dia:

---

@angiyves
Jo sag nüd, bi jo zerst im Fitness gsi und ha dänkt ich bekum morn sicher Muskelkater. Aber nei, ich lauf so verkrüplet will ich umgheit bin... hahahaha

Danke allene, verzell denn morn was ich alles für Farbe uf mine Körperteil han!

....unser Traumtag war am 21.5.2011...

• Zitieren

@sniffi, oh das isch doof! häsch kei so füstling? weisch es git doch so händsche, wo d'finger obe abgschnitte sind und dänn chasch no so es chäppli drüber tue, villicht wär das no was? han ich au mal müesse inere firma alege, wos immer eso chalt gsi!

nei han gar kei bock uf london! also 1. isch london ja nöd so mini lieblingsstadt, git viel schöners und 2. hämer drü täg volls programm im office und sie behandlet eus wie chlini chind mit ihrne vorschrifte und da chunnt mer schier s'chotze! sie mached jetzt eine uf one big happy family und mir vo de schwiz findet das halt nöd so cool, wil mir bis ändi jahr no alles vo da us gmacht und mir händ eh s'gfühl, dass sie eus chli wänd use ekle und darum freued mir eus gar nöd druf! s'einzig wo cool isch, dass mir dänn am fritig frei händ und drum fr/sa no aghänkt händ zum bliebe und mis team isch ja mega cool und mir werdeds sicher lässig ha.... aber ebe, en schneesturm würd mer also scho no gläge cho

@dia, ja gäll, wänn alles useschwitzisch, dänn chans ebe scho passiere, dass meh chrank wird und wie du seisch s'böse usechunnt.... (mis mami hät das immer gseit, wänn ich pickel gha han früehner *g*).... wobi es gaht ja au e grippewelle ume, bi mir im büro sind scho zwei dehei.....

lg nimbini

• Zitieren

@dia, ich han momentan wieder öppe hunderttusig pickel, die kosmetikerin im wellnesshotel hät druckt wie e pickti und ich han au s'gfühl, da chunnt nie alles use bi mir... die sieche chömed immer wieder! villicht sött ich eifach chli lieber si zu mim umfeld

hehe ja isch guet wäge london! aber es stinkt mer würklich mega..... vor allem wänns dänn no so chalt isch, chan ja nöd emal mini ugg-boots alege, wäge dem blöde dresscode

• Zitieren

dia:

---

Aber lut mim iphone Wätter isch es in London wärmer wie bi uns! Aber ich verstand di, wenn de e Dresscode hesch und di nid dementsprächend warm kasch azieh, fänd ich das au doof!!!
Aber villicht gfallt dir jo jetzt uf eimol London im Winter...

....unser Traumtag war am 21.5.2011...

• Zitieren

sniffi:

---

@angi - extra Sport dass ich warm han? Uiihhh nei denn lieber ä Tonne Tee trinke und unter Bettdecki schlüpfe

__________________________________________________________
" zivil - 1. April 2010 -- kirchlich 4. September 2010 -- überglücklichi Ehefrau"

• Zitieren

nimbini:

---

@angiyves, ich han scho au no stylishi boots, aber die sind leider inne nöd gfüetteret und absatz händs au aber ja, es lauft druf use, dass ich die wird alege mit de schwarze jeans (obwohl s'gheisse hät, au schwarzi jeans sind nöd erlaubt, aber die chönd mer am ranze hange, ich chume doch nöd mit dünne stoffhösli, suscht gfrürt mer no was weiss ich alles i )

• Zitieren