| Alles, was nichts mit Hochzeit zu tun hat ;-) |
|
|
1 .. 217 .. 431 432 433 434 435 .. 578 .. 720
|
nimbini  am 14.02.2012
Re: Alles, was nichts mit Hochzeit zu tun hat ;-)
@angiyves, klar, winterschlaf tönt au guet! aber i de schwiz muesch dänn fascht s'ganze jahr schlafe, wil so richtig summer hämer ja leider au sälte  drum gnüss ichs ebe, wänn mer mal en rächte winter händ.... aber glaub mers, so ab mitti märz hani dänn au gnueg und freu mich uf de früehlig 
lg nimbini
|
|
|
sniffi  am 14.02.2012
Re: Alles, was nichts mit Hochzeit zu tun hat ;-)
Guete Morge Ladies!!!
@angi - wow das tönt ja toll bi Dir - wünsche Eu hüt Abig scho ganz viel Spass und en wunderschöne Valentinsday 
@nimbini - die erschti Grillparty? Wow nöd schlecht
Ich bin gspanne uf morn öbs würklich so gogä schneie chunt wie's verzellet. Stell mich schomale uf ä Zugfahrt i..........wenns würklich so schlifferig wird wien sie sägät, denn lahn ich s'Auto glaubs stah  vo dem her han ich dä Winter nöd gern, bin froh wenn d'Strassene wieder aständig befahrbar sind 
Machet ihr hüt öppis wills Valentinstag isch? Han für mich und min Schatz bim Beck öppis "herzigs" kauft - isch mir grad is Auge gstoche än spontane Ichauf gsi..........aber suscht hemer nüt speziells planet. Irgendwie find ich so Muess-Täg nöd würklich speziell......
Wünsch Eu äs tolls Tägli!!!!!!!!
__________________________________________________________
" zivil - 1. April 2010 -- kirchlich 4. September 2010 -- überglücklichi Ehefrau"
|
jasi86 am 14.02.2012
Re: Alles, was nichts mit Hochzeit zu tun hat ;-)
@ sniffi find i ä guäti istellig.. ha vell lieber summer als winter... Us em Valentinstag mached mer üs nüt.... Und usserdem isch er zur Ziit im Militär
...oooOOO 25. Mai 2013 OOOooo...
|
nimbini am 14.02.2012
Re: Alles, was nichts mit Hochzeit zu tun hat ;-)
@sniffi, ja die grillparty isch zviel gsi! isch es abschiedsfäscht gsi vo kollege, wo für es paar jahr is usland gönd! sie händ letscht summer ghüratet und jetzt isch sie schwanger und ich freu mich mega für sie, isch immer ihre mega traum gsi! aber mini kollegin, wo au no debi gsi isch und ich händ schier krise gha a dem fäscht! ALLI fraue usser mir zwei sind schwanger gsi!!!! mir händ dänkt, mir spinned!!! isch irgendwie voll de baby-boom um eus ume, das isch im fall nöd normal... han langsam s'gfühl, dass d'lüüt angscht händ, dass d'welt untergaht im dezember und darum wänd all no schnäll schwanger werde?! isch mer vor cho wie gruppezwang.... uf all fäll hani gmerkt, wieso ich kei bock han momentan zum schwanger si! genau darum, wil ALLI sind und ich mich doch nöd gern apasse und nöd gern mit de masse schwümme
valentinstag mached mir nüt! ich finde das blöd! isch nur geldmacherei... die wos fiired, sölleds gnüsse.... vor allem hani hüt morge no ghört, dass de valentinstag tatsächlich vor jahre vome florist is läbe gruefe worde isch und jetzt zieht eifach no d'schoggiindustrie mit, finds uh schlimm! mir sind hüt abig bime kolleg zum raclette iglade
händs morn viel schnee agseit? git eh nöd viel, glaubi nöd, es wird ja au wieder wärmer.... ich han morn sponti frei gnoh, han zwei vorstelligsgspräch und suscht hetti en mega stress, so chanis grad schön gmüetlich näh..... und wänns chunnt go schneie, umso besser, dänn chanis am nami no gnüsse 
|
sniffi am 14.02.2012
Re: Alles, was nichts mit Hochzeit zu tun hat ;-)
@nimbini - s'Problem bim Schnee da unne isch eifach, es wird sofort grumet.....die Schneepflüge pflüäget ja nie alles weg und was drunter fürechunt isch dänn blanks iis.....wenns dä Schnee würdet liggelah wärs viel agnehmer zum fahre......und wenns wärmer wird (also am Morge früäh um die 0 Grad) dänn isch d'Gfahr vom schmelzende Schnee wegem Salz dass äs dänn gfrührt. Und ich finde säb machts ebä gföhrlich, nöd dä Schnee selber. Ich hetts also lieber, wenn die Schneepflüge dä Schnee eifach würdet sii lah.........mit guete Winterpneu ufem Schnee isch es nämlich nöd so äs Problem und natürlich äs apassts Fahrverhalte
Ohhh so fein, Raclette!!! Viel Spass und en Guete schomale!!! und für morn viel Glück a dä Vorstelligsspröch!! Druck Dir Duume dass was debi isch wons Dir chöntisch vorstelle!!
Ich kenne das mit dä Babybüüch - ich gsehn zur Ziit extrem viel schwangeri Fraue ume..........aber muen ehrlich sägä, hoffe ich ghöre innes paar Wuche au bald derzue 
__________________________________________________________
" zivil - 1. April 2010 -- kirchlich 4. September 2010 -- überglücklichi Ehefrau"
|
nimbini am 14.02.2012
Re: Alles, was nichts mit Hochzeit zu tun hat ;-)
@sniffi, na ja, mir machts nöd viel us mit em iis, wil uf de hauptstrasse isch meistens guet! ich schaffe ja i de stadt und hans nur eimal erläbt, dass die ganze strasse gfrore gsi sind, das isch im 2010 gsi! und det bini statt de rosegarte ufe eifach durch d'stadt gfahre, so dass ich nirgends han müesse berguf.... ich fahre halt no gern auto im winter....
jö danke, ja ich hoffe sehr, dass mir eine vo dene zwei jobs zuesäged, aber sind jetzt die erschte gspräch, darum machi mir nöd allzu grossi hoffnige, min ja au fängs heikel worde, was jobs abelangt und nimm nöd immer s'erscht beschte.... aber go luege chan meh ja immer, chostet ja nüt usser zyt!
oh scho? häsch au so en starke babywunsch? also mir häts am samschtig definitiv wieder abglöscht und ich han müesse säge, ich mag mich gar nöd i das schema inedrucke, wenigstens weiss ich jetzt, a was es liit, dass ich uf eimal kei bock meh uf chind han
|
Proeschu am 14.02.2012
Re: Alles, was nichts mit Hochzeit zu tun hat ;-)
@Nimbini
Wow, grad 2 Vorstelligsgspröch!! Suppper Sach! Denn drucki der natürli dDuume, dass das öppis esch för dich ond du en interessanti (ond natürli guet bezahlti ) Arbeitsstell fendisch! Das met de Schwangere esch jo scho chli schräg... aber vellecht händ die eifach sooo chalt gha ond händ ganz fescht müesse kuschle  ?
@Sniffi
Joooo, das hoffi au ganz, ganz fescht för dich!! Mini Düme send emmer druckt för dich!!
aso mer fiired de Valentinstag ned... mache mer ned vell drus... ond osserdem müemer höt zObig de Schwöschter ehres Auto flicke, sie hed en Platte ond denn hed au no en Kollegin de 30. Geburi, denn gömmer no det here go fiire 
.... wir brauchen nicht.... wir müssen nicht.... wir wollen einfach.....
HEIRATEN! 1. & 4.6.2011
|
nimbini am 14.02.2012
Re: Alles, was nichts mit Hochzeit zu tun hat ;-)
@proeschu, ja danke vielmal! ich dänke, lohnmässig sind die zwei jobs rächt guet, da wird ich nöd gross müesse abe wänn überhaupt! bim einte job wär de weg grad d'hälfti chürzer und bim andere sogar no nöcher, das wäred scho mal super vorussetzige! bin würklich gspannt, obs passt, aber ebe, mach mir nöd allzu grossi hoffnige....
hehe ja guet, kuschle tüemer au bi dere chälti, aber wäge dem lahni mir nonig grad en dicke buuch adreihe *g*
hehe also ich muess amigs scho grinse, wänn d'lüüt über de winter und d'chälti motzed! und dänn hämer im summer mal e wuche über 30 grad und dänn wird au wieder gmotzt! ich finde alli eusi jahreszyte super, nur duurrege magi nöd verliide, aber suscht händ mirs doch guet da! oder händ ihr lieber es halbs jahr räge und gäg die 40 grad und im andere halbe jahr 33 grad? ich glaube, da würded sich dänn alli au mal nach chüehlere jahreszyte sehne..... darum, gnüsseds!
lg nimbini
|
Arwalds_Braut am 14.02.2012
Re: Alles, was nichts mit Hochzeit zu tun hat ;-)
Ig mag au alli Johreszite, aber motze due ig glich ging! Ig mag halt vorallem immer dä Teil, wenn d Johreszit grad afangt. ZB wenn me im Früelig s erschte mau widr d Ärde und die erschte Blueme schmöckt oder wenn d Bäum im Herbscht afange farbig zwärde (Und de wird bi mir natürlich grad die passendi Deko usegfahre und alles schön neu igrichtet und büschelet) Nur hanis nach emnde Wili de au widr gseh und motze mau es Ründeli...
@Vorstelligsgspräch: Cool, drücke dird Düme! Ui, e chürzere Arbeitswäg isch doch immer super, so viel Zit wo me gwünnt und wes nur 10 Minute wäre!
*Verlobt*
|
jasi86 am 14.02.2012
Re: Alles, was nichts mit Hochzeit zu tun hat ;-)
@nimbini.. Druck der au Dume, ha selber eis hüt nomitag
...oooOOO 25. Mai 2013 OOOooo...
|
|
|
1 .. 217 .. 431 432 433 434 435 .. 578 .. 720
|
Anmelden
