| Alles, was nichts mit Hochzeit zu tun hat ;-) |
|
|
1 .. 23 .. 44 45 46 47 48 .. 384 .. 720
|
|
bride81 nicht registriert am 29.08.2011
Re: Alles, was nichts mit Hochzeit zu tun hat ;-)
cooooooooooooool... dia 
|
|
|
|
dia nicht registriert am 29.08.2011
Re: Alles, was nichts mit Hochzeit zu tun hat ;-)
Danke Mädels!
@Proeschu
Toll, dass sie dir als "nid Täsche-Fan" au gfallt.
Sie isch halt klassisch und nid Louis Vuitton-mässig wo alli Teenies händ (wo gfällscht sind)  
Lg, dia
....unser Traumtag war am 21.5.2011...
|
|
livipivi nicht registriert am 29.08.2011
Re: Alles, was nichts mit Hochzeit zu tun hat ;-)
@Dia: Schöööööön
@ All: Ha grad d Absag vo dere Hammerpassende Stell becho- die hend sie scho bsetzt bevor die Tante id Ferie isch - sie phaltet zwar s Dossier falls na öpis würdi offe werde, well ich würklich top würd passe, aber momentan isch es nei.
Chönt chotze, ha so Magebrenne scho gest gha- ich reg mich glaub eifach z fest uf wegem Job. Ha richtigi Krämpf. Bin vorig id Apo öpis go hole.
Haltes chum us...
Defür het min Chef letzt wuche gseit, er merki das ich unglücklich segi und er fändi mich e super Agstellti und well mich ned misse- er het gmeint, jetzt seg üsi Abteilig langsam so gross das mer au zuesätzlichi Jobs chöni schaffe und ich söll mir mal überlegge, was ich mir würd wünsche für de Job zum happy si und wenn er us sine Ferie zrug isch gönd mir mal zämä go znacht esse und ich chön eifach mal alles los werde- wenns irgend e möglichkeit gäbi well er mich i de Abteilig bhalte oder denn Abteiligsübergriefend...
Weiss ned was ich devo söll halte- würd ja bliebe wenns de Traumjob chöntet generiere und mit em Lohn würdi stimme, aber irgendwie chan ich da na ned dra glaube... 
Manno- wieso mues das so kompliziert si 
Hand in Hand... ein Leben lang, seit dem 07.05.2011
|
Proeschu  am 29.08.2011
Re: Alles, was nichts mit Hochzeit zu tun hat ;-)
@Livipivi
Ou, so schaad, dasses met dere Stell ned klappet hed.... aber ergendwo god denn scho es Tüürli uf för dich...  du muesch jetzt eifach 4 Woche dorehebe, der guet öberlegge, was du gern wördisch för en Job ha ond denn chasch du das denn dim Chef wenn er vode Ferie heichonnd präsentiere! Kopf hoch ond dänk dra, de Stv. esches ned wärt, dass DU dich ufregsch, das hed er ned verdient, dass du nome ein no so winzige Teil vo dinere Energie för ehn verschwändigsch!!!
.... wir brauchen nicht.... wir müssen nicht.... wir wollen einfach.....
HEIRATEN! 1. & 4.6.2011
|
|
Stella83 nicht registriert am 29.08.2011
Re: Alles, was nichts mit Hochzeit zu tun hat ;-)
So blöd es tönt, aber mach dir nöd so viel Sorge. Isch mega liecht gsait, i weiss. . bi do au so wie du. Aber schlussendlich bringts nix wenn di so verchopfsch. Schadet dir grad nur. Tue di chli ablenke. Lüt dim Schatz a wend da chasch/dörfsch. Mir hilfts amigs scho wenn i ihn nur kurz ghör.
Find i nöd schlecht das mit dim Chef go esse chasch. Wür echt alles säge wo di stört und das meh lohn verdient häsch. Isch doch schön das er da zu dir sait, das du super bisch
Fühl di umarmt
Ever thine Ever mine Ever ours *30.06.2012*
|
Schlumpf79 am 29.08.2011
Re: Alles, was nichts mit Hochzeit zu tun hat ;-)
@Dia: wow, die Täsche würdi au sofort näh, mega lieb vo dim GG!! Viel Freud met ere!!
@Livipivi: danke, au der en guete Wuchestart! Au wenn dine nid so toll gsi isch bes jetz!! Duet mr riesig leid wegdr JobAbsag!! Drückdr wieterhin dr Duume dass sech ganz bals sTüürli duet öffne!!
Liebi Umarmig und es fest Duumedrücke!!
hend e wunderschöne 2. Juli 2011 gha - eifach unvergesslich
|
nimbini am 29.08.2011
Re: Alles, was nichts mit Hochzeit zu tun hat ;-)
oh nei livipivi, mega schad! aber es hät alles sin grund, du wirsch bestimmt no en tolle job finde, au wänns chli länger gaht (ich weiss, mega müehsam, ich mags au nüme ghöre, aber d'hoffnig dörfed mir nöd ufgäh).... redsch mal mit dim chef, wänn er wieder zrugg isch, wobi ich glaube, dass du det meh oder weniger eh scho abgschlosse häsch oder ächt doch nöd? immer d'auge und ohre offebhalte und witerbewerbe, es chan nur besser werde....
ich han zwar immer nonig würklich meh ztue, aber wenigstens hät min chef mir mal eis problem vom hals ghalte.... de sales manager, wo mich immer chunnt go stresse, dörf ab sofort nüme direkt zu mir cho, er muess entweder über e allgemeini mail-adresse gah oder über euse help desk und det es ticket ufmache! somit chan er mich nüme afauche, wänn mal was schief gloffe isch (oder fehler vo minere vor-vorgängerin fürechömed ).... über die änderig bini scho mal mega froh....
zudem hani geschter es neus projektli übercho vo mim maa, ich dörf für das jahr no ferie bueche für eus einzigi bedingig, ich muess schön spare und es muess irgendwo si wos warm isch und ich dörf ussueche wo ane und wie lang (mach ich ja eh immer, bin ja s'interne reisebüro, hihi).... han natürlich scho es paar reiseplänli gmacht, jetzt chani aber nomal so 2-3 anderi mache und dänn lueged mer das a und dänn entscheided mir.... jetzt hani wieder öppis, wo ich mich druf chan freue und mich chan is züügs lege....
ach ja und dänn bini no de polterabig vome kolleg am plane für de fritig und no e überraschig fürs hochzytspaar.... somit wäri sicher die wuche mal meh oder weniger beschäftigt... uuuuh schlimm!
|
|
PrinzessinN nicht registriert am 29.08.2011
Re: Alles, was nichts mit Hochzeit zu tun hat ;-)
@nimbini: nimbini, chan nüme. Mir hend gester s Treffe mit üsne TZ gha und mini TZ het denn gmeint...läck, jetzt gohts nur no 5 Wuche...was machsch du denn noch de HZ im Gschäft?
Mir wüsset au no nöd, wo mir id Flitterwuche gönd. Min GG wot uf Santorini...meinsch das isch vo de Temperature no guet? Bin mir do nöd so sicher....aber wo chame Mitti Oktober scho ane, wos nöd grad es Vermöge kostet und doch chli warm isch?
@livipivi: Oje, so schad. Ich denk a dich und hoffe, dass sich gli es anders Türli uftuet. Ich verstoh dich nur zu guet....es isch sowas vo besch.... wenn me im Job nöd happy isch 
@all: Vor dem grauets mir au scho. Im Moment isch es sowieso no komisch...ich han uf em einte Ohr sones Grüsch...de ganz Tag...das hani scho letscht Wuche gha...und mängisch isch es mir uh drümlig (erst 2x gsi). Han denn zum Arzt wöle, aber die hend am Dunnstig Nomittag all zue gha und am Fritig isch es wieder besser gsi....am Weekend isch es ganz weg gsi. Han mi scho gfreut...und was isch hüt Morge, woni ufwache? Das doofe Grüsch isch wieder im Ohr...sooooo nervig. Langsam frog ich mich, ob das au en Zämehang mit em Job ghet...chan doch nöd si, dass am Weekend alles guet isch und chum isch es Mäntig, fangts wieder a? 
...Today, Tomorrow And Forever...You'll always be my love...8. Oktober 2011
|
|
livipivi nicht registriert am 29.08.2011
Re: Alles, was nichts mit Hochzeit zu tun hat ;-)
@Prinzessin, ned das es Tinitus isch gäll- unbedingt früh gnueg abkläre!!!
@ All danke für euri liebe Wort. Mini Mageschmerze sind mega schlimm, werded immer schlimmer. Riopan nützt nüt. Glaub gange hei und zum Arzt, aber min Husarzt isch wiedermal ned ume- chönt de würge- wenn er ned so super wär würd ich scho lang wechslä.
Bim Spezialist hends mir scho wieder mit Magespieglig droht, ha jetzt mal en Termin abgmacht. Chan ja wieder absägä, wenns besser wird.
Och ich säg eu, trotz Sunneschii fühl ich mich wie 100 Täg Regewetter
Hand in Hand... ein Leben lang, seit dem 07.05.2011
|
|
bride81 nicht registriert am 29.08.2011
Re: Alles, was nichts mit Hochzeit zu tun hat ;-)
oh n ai livipivi.. tuat mer mega leid.. i drucka witerhin fescht beidi duuma, dass du entweder bald an passenda job findsch, oder din chef diar din traumjob kann abüta.. kopf hoch!
|
|
|
1 .. 23 .. 44 45 46 47 48 .. 384 .. 720
|
Anmelden
