| Alles, was nichts mit Hochzeit zu tun hat ;-) |
|
|
1 .. 231 .. 459 460 461 462 463 .. 592 .. 720
|
angiyves  am 05.03.2012
Re: Alles, was nichts mit Hochzeit zu tun hat ;-)
Guete Morgeeeeeee 
So, wie gohts Eu denn?
Nach 2h Sport lig ich jetzt grad miteme Bananeshake ful im Bett 
@Dia: so, die Wuche gohts los! Hesch Dir e Ziel gsetzt? Ich wött bis am 16te (Looondooooon) no die letschte 1.7kg schaffe! 
Liebe Grüsse
Angi <3 Yves , am 14.8.2012 ist es endlich soweit!
|
|
|
saerli am 05.03.2012
Re: Alles, was nichts mit Hochzeit zu tun hat ;-)
oh i wär jetzt au gern im Bett... ha chum gschlofe, es goht mer grad ned so guet. Aber das chunnt weder dementsprechend gsehni au us. hesch höt frei oder muesch eifach erst später afo schaffe?
Mi Schatz goht i WK morn, denn luegi dass mer de Obe no chöned gnüsse...
Allne en guete Start i die neu Wuche
°°°22. September 2012°°°
|
nimbini am 05.03.2012
Re: Alles, was nichts mit Hochzeit zu tun hat ;-)
hi ladies
@angiyves, wow, du bisch eifach zu krass! ich gange dänn hüt abig no chli is fitness, muess säge, bin rächt stolz, wie min maa und ich das dureziehnd....
@saerli, oh je, hoffe, es gaht dir bald wieder besser....
ich han aber im fall au nöd guet gschlafe, die ganz wuche scho nöd.... bin drum au dementsprächend müed.... aber easy, i 5 wuche isch ferie und es langs weekend staht vor de türe und i 6 wuche gahts ab id ferie.... das halti au no dure....
gspüre sowieso de früehlig, obwohls hüt wieder sötti bis is flachland schneie, was mich aber natürlich au freut
|
saerli am 05.03.2012
Re: Alles, was nichts mit Hochzeit zu tun hat ;-)
Danke nimbini
I ha au freud wenns nochli chunnt go schneie. Ha es Weekend met de Firma organisiert, mer gönd uf Davos und denn dörf de Schnee ned wegschmelze, sust wirds eher chli langwiilig det obe.
Min Schatz esch jetz vier Wuche weg... Denn chani ungestört Zumba am Nintendo Wii mache ohni dass es peinlich wird (ich bin ebe rächt tollpatschig e so Sache) 
Bin also stolz, dass er so sportlich sind... das chani vo mer leider ned behaupte. Aber i set au öpis mache, dringend! Ned dasi den ned is Kleid passe!
°°°22. September 2012°°°
|
nimbini am 05.03.2012
Re: Alles, was nichts mit Hochzeit zu tun hat ;-)
@saerli, ou ja, chli neuschnee isch dänn scho no cool! jetzt am weekend isch es ja glaubs rächt sulzig gsi und neuschnee hät halt scho chli e anderi würkig, aber ebe, es chunnt ja eh die wuche! ich han gmerkt, dass es jedes jahr am 5. oder 6. märz chunnt go schneie, scho sit jahre im fall....
ou vier wuche weg? so cool für ihn.... ok für dich au... ich hans amigs mega gnosse, wänn min maa mal hät müesse is militär oder so 
ich bin übrigens au nöd würklich e sportskanone, früehner scho gsi, aber dänn hanis schlife lah und jetzt gömer ja sit zwei mönät is fitness und mir ziehnds echt dure mit zweimal i de wuche! das passt grad guet eso... aber ich han also au no en laaaange weg vor mir, was s'gwicht abelangt *seufz*
|
saerli am 05.03.2012
Re: Alles, was nichts mit Hochzeit zu tun hat ;-)
@ nimbini
ich bin ned gern so lang allei daheim. aber das stönd mer au no dore, es esch de letscht WK :)
wirdes au gnüsse und chli meh mit mine mädels abmache und fründschafte pflege.
fitness esch eifach nüt för me. i has scho paar mal probiert, es macht mer eifach kei spass im fitnesscenter. das esch so en richtige zwang zum öpis mache wo de erfolg mässig esch, wenn mer ned hert blibt und mind. 2 mol pro wuche goht. ich bin schlecht i dem
wirde aber mit de Trauzügin is zumba go, sobald sie eri prüefige dore het. bis denn üebi scho chli ufem wii, denn wirds ned so peinlich, hihi...
findes aber super, dass er das zäme mached, das motiviert natürlich viel meh!
°°°22. September 2012°°°
|
angiyves am 05.03.2012
Re: Alles, was nichts mit Hochzeit zu tun hat ;-)
saerli:
oh i wär jetzt au gern im Bett... ha chum gschlofe, es goht mer grad ned so guet. Aber das chunnt weder dementsprechend gsehni au us. hesch höt frei oder muesch eifach erst später afo schaffe?
Mi Schatz goht i WK morn, denn luegi dass mer de Obe no chöned gnüsse...
Allne en guete Start i die neu Wuche
°°°22. September 2012°°°
Oh nei  was hesch denn? Jö, gueti Besserig!
Ha am Mentig immer frei 
Liebe Grüsse
Angi <3 Yves , am 14.8.2012 ist es endlich soweit!
|
angiyves am 05.03.2012
Re: Alles, was nichts mit Hochzeit zu tun hat ;-)
nimbini:
hi ladies
@angiyves, wow, du bisch eifach zu krass! ich gange dänn hüt abig no chli is fitness, muess säge, bin rächt stolz, wie min maa und ich das dureziehnd....
gspüre sowieso de früehlig, obwohls hüt wieder sötti bis is flachland schneie, was mich aber natürlich au freut
Bi halt e Frässsack hey, ha au dänkt, gisch Gas!!!
Neeeei, KEI Schnee me
Liebe Grüsse
Angi <3 Yves , am 14.8.2012 ist es endlich soweit!
|
nimbini am 05.03.2012
Re: Alles, was nichts mit Hochzeit zu tun hat ;-)
@saerli, aber de vorteil am wk isch ja, dass er am weekend immer wieder hei chunnt, dänn gahts ja au no.... ich bin halt mega freiheitsliebend, drum hetti au de job so cool gfunde, woni hetti chönne 3-4 täg i de wuche is usland
isch mer im fall au immer so gange mit em fitness, aber jetzt mit mim maa zäme isch easy, und zwei kolleginne trainiered au no det und ab und zue so en schwatz isch mega cool! aber ich gange ebe no gern ad kraft-grät, defür hass ich d'usduurgrät, wääääh.... ich schwitze ebe so nöd gern!
zumba isch sicher au cool, würd ich au uh gern gah, aber bi eus sind alli zumba-stunde i de umgäbig immer soooo pumpevolle, drum stinkts mir eso! aber macht sicher uh spass! ich gange wieder is yoga, sobald mini ruggemuskulatur wieder stark gnueg isch, yoga findi au mega lässig!
|
nimbini am 05.03.2012
Re: Alles, was nichts mit Hochzeit zu tun hat ;-)
@angiyves, ja gäll, bin richtig stolz uf mich! wobi zweimal i de wuche isch nöd viel, aber isch immer no besser als dehei umehänge.... momol bin froh, hani mich dezue überwunde und mache chli öppis! und hey, en frässack bini also au
|
|
|
1 .. 231 .. 459 460 461 462 463 .. 592 .. 720
|
Anmelden
