Wichtig wär vor allem, dass wenigstens alli 5 Wuche Ferie händ. Bis vor eme Jahr han ich no 4 Woche Ferie gha.......... Das findi denn würklich zwenig und en Zuemuetig für dMitarbeiter.

Aber ebe, es het bi allem + und -.

• Zitieren

yep, 4 wuche gaht gar nöd! das isch bi mir es killerkriterium für en job! nimme gar nie eine a, wos nur 4 wuche ferie händ, das findi also au e zuemuetig! 5 wuche isch s'minimum, 6 wuche isch natürlich mega edel, aber 6 wuche gits sowieso erscht ab 2017, ab nächst jahr gäbtis 5 wuche für alli und dänn wirds bis 2017 ufgstockt....

lg nimbini

• Zitieren

Ich outä mich mal als "Nei-Stimmer" und das obwohl ich nur 4 Wuche Feriä han.
Ich find eifach äs isch mal wider zvill id Abstimmig packt oder besser gseit es wird grad wider zhoch griffe. Ich känn halt einigi Lüt wo es chlises Undernähmä händ und diä chönted sichs niä leischtä wänn di Agstelltä 6 Wuche Feriä heted. Somit het ich Angscht, das vill KMU dur das verschwinded und/oder na meh outgsourced wird...
Äs isch ja nid so, das ich nüt het gäg 6 Wuche Feriä (wow chan i mer gar nid vorstellä ), aber wänn ich das so tuen abwägä gsehn ichs halt scho nid so....naja mini Meinig halt! Aber nid das ihr mich etz schlönd!

• Zitieren

@Proeschu, dänn bin i aber froh, wänn i nid di einzig bin ....vill i mim Umfeld sind ebä au anderer Meinig!!

• Zitieren

Also ich han zwar "ja" gstumme, aber ich verstahne au d Gägner. Denke es chunt au wahnsinnig uf Branche druf a, öb 6 Wuche dinne lieget oder nöd. Ich han au nur 4 Wuche Ferie (und findes au zwenig aber me gwöhnt sich au a das!) aber wenn ich no 2 Wuche me wür fähle, wür das wohl kein Mensch merke. Aber öb z.B. i de Pflege öber 6 statt 4 Wuche Ferie het, macht füren Betrieb durchus öbis us. Sonen Mitarbeiter mues definitiv ersetzt werde (s chan nöd eifacht e Pflegefachfrau oder en Arzt fehle) und das het nun mal wirtschaftlichi Uswirkige. S chunt immer uf de Blickwinkel druf a ... Wenn me d Löhn defür wür kürze und defür meh astelle für die "Usfäll" würdet d Lüt ja wieder über de chliner Lohn motze.

Eine tiefe Beziehung kann nur halten, wenn sie täglich neu begonnen wird.
*** 11.11.2011 ***

• Zitieren

nimbini:

---

@nini und proeschu: gesperrt

• Zitieren