@prinzessin, oh je, ja nach de hochzyt häsch sicher mal no en momänt ztue mit dankeschärtli, föteli etc und i dem fall flittermönät bueche, aber nachher?! dänn gahts dir wie mir schöne mischt! wäge santorini, wär natürlich e wunderschöni flitterwuche-destination, aber ich muess dir ehrlich säge, ich persönlich würdi mitti oktober nüme nach griecheland! s'wätter chan guet si, chan aber au chalt si, aber de hauptgrund, wieso ich nüme nach griecheland würd isch, wil ich d'erfahrig gmacht han, dass d'grieche, wänn nüme viel lauft, oftmals ihri restis, hotels etc vorzitig schlüssed.... sogar hoteliers, wo no buechige hetted, mached eifach zue und d'gäscht werded in es anders hotel verfrachtet, wil sie s'gfühl händ, es lohnt sich nüme für 10 gäscht de hotelbetrieb no ufrächt z'halte... chan ich ja einersits verstah, aber andersits isch es eifach nur müehsam für die ganze gäscht wo sich uf d'ferie freued! wänd ihr dänn grad für zwei wuche id flittis oder eifach mal in minimoon? ich meine, ihr chönnted ja au für eu wuche uf d'maledive, wänn ihr nöd grad i de herbschtferie gönd, gits au immer gueti agebot wo nöd grad 3000 franke chostet pro person! suscht isch de herbscht für ei wuche halt amigs e chli schwierig, ägypte würdi eu nöd empfehle für minimoon (obwohls au det wunderschöni hotels git, mir gfallts, aber isch nöd jedermanns sache)... oder e wuche uf kanare, det gits au schöni 5*-hotels,s 'costa meloneras uf gran canaria isch z.bsp. wunderschön.... oder suscht es paar täg uf österrich in es wellness-hotel?! oder wänn ihr zwei wuche chönd gah, wär allefalls mexiko no was (isch zwar hurrican-season, gaht aber im oktober langsam z'end) oder thailand (rägezyt, aber meh chans hützutags eifach nüme pauschalisiere mit em wätter, es hät sich ja alles so gänderet)..... ah oder suscht für zwei wuche wär oman und VAE natürlich mega cool!

wäge dim ohr isch ja gar nöd guet! das chunnt sicher vo dem ganze stress, wo du häsch wägem schaffe! also nöd wil du zviel ztue häsch sondern wil du ebe unterforderet bisch, bi mir zeigt sich das dänn ebe immer i de verspannige, chopfschmerze etc... irgendwo muess das ja amigs use!

@livipivi, mega müehsam wäge dim buuch, das isch 100pro au uf dini jobsituation zruggzfüehre, das chans eifach nöd si, es isch eifach nur müehsam.....

• Zitieren

nicht registriert

@nimbini: Also mir möchtet eigentlich noch de HZ go. Mir hend beid 2 Wuche Ferie noch de HZ. Und es paar Täg daheime si, das isch ok. Aber ich wot nöd 2 Wuche daheime si. Bin das Johr no nienets gsi . Freu mich drum mega uf d Ferie...au wenn ich nöd weiss, wo ane mir gönd

Jo das het üs d Fründin vom TZ au gseit, dass es chan si, dass im Okt. in Griecheland nüme viel lauft. Und ehrlich gseit fändi das mega doof, wenn ich ines anders Hotel müesst oder s Städli wie usgstorbe isch. Mues nomol mit mim GG rede.

Also mir möchtet eher so Minimoon mache. 2 ganzi Wuche wömer nöd go...so zwüschet 8-12 Täg, wär ideal. Ich han ebe denkt, d Maledive wäret cool. Aber bin eifach nöd bereit für num zum am Strand umezliegge 3000.- bis 4000.- pro Person z zahle. Das isch es mir nöd wert.

S Problem isch, mit mim GG chani nöd uf Ägypte. Mir sind vor 3 Johr gsi und sit döte isch er nüme so en Fan vo dere Destination. Wellness isch nöd so üses Ding...mir chönd mit dem nöd so viel afange. Oman und VAE wäri sofort debi...aber min GG nöd

Du gsiehsch...es isch nöd so eifach mit üs

Ich denke aber, mir findet scho was...

Es isch echt doof...han bis jetzt no nie was gha. Aber wenn de Job jetzt uf mini Gsundheit en Ifluss het, denn muenis mir echt überlegge. D Gsundheit isch s Wichtigste und die dörf me sich dur nüt kaputt mache loh. Ich tues beobachte...evtl. untersueche loh und denn luegi witer.

Ich bin au total verspannt in letschter Zit

...Today, Tomorrow And Forever...You'll always be my love...8. Oktober 2011

• Zitieren

@prinzessin, ui da häsch dir aber en schwierige maa usgsuecht ! also wänn ihm ägypte nöd gfallt und vae/oman au nüt isch für ihn, wär vermuetlich au marokko nüt? wil ich bin en totale fan vo marrakech und das wär au no e mega schöni honeymoon-destination find ich!

also dänn würdi echt mal luege wäge de maledive.... lueg emal für d'insle meeru! die isch no guet für s'erschte mal i de maledive, isch nöd grad mega chlii und bütet rächt viel und je nachdem würded ihr sicher für e wuche für öppe 2200 übercho pro person! finde das für d'maledive en agmässene priis (eifach unbedingt e jacuzzi-bungalow bueche, d'standard sind nöd so toll)..... für 10 täg find ich, chasch im fall au guet uf thailand flüge! ihr chönted mit em charter direkt uf phuket flüge und dänn für 8-10 täg go bade ime schöne hotel (z.bsp. khao lak oder koh lanta oder so)..... chostet grad im oktober au nöd alli welt, wil no näbedsaison isch..... ich persönlich würd glaubs grad 10 täg im layana resort uf koh lanta bueche oder ebe falls ihr wänd, dass chil meh lauft z.bsp. kata thani in phuket (nöd patong, isch witer une)....

• Zitieren

Oh livipivi, tuet mer so leid z ghöre ! Aber dänksch nöd, dass Du de Fruscht im Job "über de Mage" verarbeitisch und drum so Schmerze häsch? Will dänn werdets au bide Magespiegelig nüüt finde... Da wärs besser, Du würdsch versueche, en andere Wäg z finde, zum de Fruscht abbaue... Jaja, ich weiss, liecht gseit ...

Ja, PrinzessinN, bi Dir tönts ja au nöd grad guet, ich würd das au go abkläre lah!

Schön, nimbini, dass Du es paar chliini Projäktli häsch, wo Du chasch aagah!

Mann, am liebschte würd ich Eu all iistelle bi mir, dänn hettemer alli so normal ztue und na es lässigs Team !

LG,

Tiffany-Girl

Wir beginnen unsere schönste Reise am 16. / 17. September 2011

• Zitieren

nicht registriert

Huch!
Ich möcht do nid Chef si vo sooo viele "Bräute und Ehefrauen" uf eim Huffe, das geschnadder!!
Aber wär sicher no cool so e Team...

Lg, dia

....unser Traumtag war am 21.5.2011...

• Zitieren

nicht registriert

@dia: kaufen - foto machen und uns zeigen

• Zitieren