Guete Morge
Oje da isch ja was gloffe…schad Livipivi!! Aber ich glaub d Diskussion ällei isch nid dä Grund däfür..da steckt sicher meh dähinder! Ich tuen dich etz aber wiiter verträtä Livipivi!;
Ich möcht au na klar stellä…ich schaffä au zum läbä und nid umgekehrt! Ich bin froh, nach mine 8:24 da use chöne zlaufe und min Fiirabig go gnüsse. Ich mach min Job gärn, aber vill anders mach ich na lieber. Trotzdem stimm ich nid Ja am kommende Wucheendi! S eine hät für mich nüt mit em andere ztue! D Gründ han ich scho gnännt…
Und d Ussag vo wägä d Chefä vo chlinä Büdeli hegäd eh gnueg uf dä Siite und das sie halt suscht wo sölled spare find ich scho nid grad agmässä, äs isch halt eifach oft nid so! Än wiitere Mitarbeiter müese izstellä koschtet ällei wäg dä Versicherige etc mal zuesätzlich 15000.
Und na wäg dä Bedingige in Frankriich. Mag ja scho schön si nur 35h müese zschaffä, aber mä gseht halt meischtens nid, das vill Lüt eifach zwei Jobs händ zum überhaupt über d Runde zcho…das hät für mich dänn au nüt me mit Läbänsqualität ztue!

So, wo mers scho vom schaffä händ, söt ich mich au chli dähinder chlämä
Lg, Nini

Zuletzt bearbeitet am 07.03.12 08:15

• Zitieren

@Schnubel
Jöö, du besch herzig! Wär das för dich eigentli mol en Option, Schwiizerin z'werde?

@Nimbini
Vo dere Siite hanis nonig agluegt, aber du hesch scho rächt, de Arbeitnehmer werd ned gfrogt, wenn er meh muess schaffe wenn de AG en Stell ned ersetzt... aber ich blibe bi mim nei, das lied scho ide Urne

@Livipivi
Chom zrooooogggggg!!

.... wir brauchen nicht.... wir müssen nicht.... wir wollen einfach.....
HEIRATEN! 1. & 4.6.2011

• Zitieren

nicht registriert

Also ich versteh Livipivi voll und ganz und kann ihre Aussagen zu 100 % unterschreiben!!!

(Und diese Diskussion hat meine Meinung über eine gewisse Person in diesem Forum wieder mal mehr als bestätigt... )

• Zitieren

Ui, da isch ja öbbis gloffe. Schad hets sonen Usgang müsse neh!
Das isch halt immer biz Gfahr wenn d Diskusione hitzig werded. Me isch ja au nöd jede Tag glich guet druf oder es belaschted eim suscht öbbis und mer reagiert viel emotionaler uf Aussage vo anderne wo nöd di eigeni Meihnig vertretted als viellicht suscht.
Ich mein jetzt nöd, das mer nüme diskutiere söll oder zu sinere eigene Meihnig stah, aber es menscheled halt au da inne...

Ich persöndlich bin nanig ganz sicher, ich wirs hüt Abig namal intensiv mit mim Maa ( wo defür isch) diskutiere. Tendenziell bini degege.
Es isch aber au so, das ich ebe au imne chline Betriweb schaffe und eifach gsehn was das, wie scho paarmal erwähnt, für ebe soeine chan bedüte.
Ich chan au verstah, dass öbber wo imne grosse, sehr gwünnriche Betrieb schaffed das viellicht nöd so gseht, oder gseht viellicht scho, aber es betriffts nöd so und chunt drum nöd so nöch a sie ane.
Es stimmt scho was d Nimbini sait: die meischte Betrieb handled hüfig nur zu ihrem beschte und für die einzelne Arbeitnehmer interessiered sichs nöd so richtig, Aber das isch ebe in chlinere Betrieb hüfig anderscht, will mer sich det ebe au viel besser kennt.
Ich han z.B e super Stell und min Chef lueged sehr zu de Interesse vode einzelne Arbeitnehmer. Ich han ja z.B 2,5 Mönet chöne id Flitterwuche, obwohl ich s Büro ällai schmeisse und sie extra e Temoräri Mitarbeiterin händ müsse astelle, mit 2 Wuche ischaffe verstaht sich. Das isch ihne ziemli tüür cho aber glich händs es gmacht, zum mir en gfalle mache. Ich het nämli nöd kündet wenns nöd gange wär. Dadefür isch mir e Arbetsstell wos mir gfallt und ich mich wohl fühl viel s wichtig. Das hani au gse woni wieder han müsse go schaffe, s isch mer garnöd soooo schwer gfalle wie ich zerscht dänkt han, woni mal wieder im Bürostuehl gsesse bi, isch mer gad wieder wohl gsi.

Aber au ich ghöhr nöd zu dene wo lieber schafft als Freizit het. Han eigenti immer viel z wenig Freiziit zum all das z mache woni gern wet, aber drum gnüss ich mini Freiziit umso meh und muss als Finaziell scho 100% schaffe.


Liebe Grüessli
Vikunija


PS: De Text isch vo geschter, han immer e Fehlermedlig übercho und drum eifach mal abgspeichered und hüt igfüegt, han nei gstumme)

Zuletzt bearbeitet am 07.03.12 10:56

• Zitieren

bergeri:

---

GG und ich gehen im Sommer oft an einen See wo man gratis baden kann. und wir haben trotzdem Ferien und es kostet nichts oder nicht viel. Wir nehmen dann meistens Picknick von zu Hause mit. Wir können es uns einfach auch nicht leisten, jedes Jahr 3x in die Ferien obwohl wir beide 100% arbeiten. Oder besser gesagt, wir könnten es uns schon leisten aber dann können wir nichts sparen und die HZ würde wegfallen. Alles kann man halt nicht haben. Man muss Prioritäten setzen.
****Ziviltrauung 26.7.2013 & Zeremonie in der Woche darauf auf hoher See ****

• Zitieren

@Angiyves
du besch en Loschtigi! Ich fende die Dialekt do enne sowieso amigs rächt loschtig... mängisch muessi de Text fascht luut "vorlese" dassi öberhaupt verstohne was ehr schriebed

.... wir brauchen nicht.... wir müssen nicht.... wir wollen einfach.....
HEIRATEN! 1. & 4.6.2011

• Zitieren