| Alles, was nichts mit Hochzeit zu tun hat ;-) |
|
|
1 .. 288 .. 573 574 575 576 577 .. 649 .. 720
|
|
dia nicht registriert am 10.04.2012
Re: Alles, was nichts mit Hochzeit zu tun hat ;-)
Klar mach ich mir no chli mehr Holz vor dr Hütte! Victoria Secret sei Dank!!! 
Ich find so Dirndl au mega sexy, nimmt mi wunder wie die ander so ussehn! S Thema isch eigentlich nid München oder Oktoberfest, sonder "mir gön Alpwärts" aber do ich immer scho es Drindl ha welle, ha ich dänkt das ist die Gunst der Stunde, so eins muess ich a zieh. Passt jo au irgendwie...
....unser Traumtag war am 21.5.2011...
|
|
|
nimbini  am 10.04.2012
Re: Alles, was nichts mit Hochzeit zu tun hat ;-)
@dia, das problem hani definitiv nöd  ja also es dirndl passt perfekt zu dem thema, das isch doch super! und d'manne mit de sexy lederhosn
|
Proeschu am 10.04.2012
Re: Alles, was nichts mit Hochzeit zu tun hat ;-)
@Dia
Schön brav no es Föteli mache, gäll?!?!!
1. & 4.6.2011
|
|
dia nicht registriert am 11.04.2012
Re: Alles, was nichts mit Hochzeit zu tun hat ;-)
Uhhhh do isch es aber still in letzter Zyt....
Denn verzell ich öbbis chli vo mir:
Irgendwie sind mir jetzt glich no uf die Idee ko, e kleins Hüsli z kaufe. Macht halt scho e Nase für spöter wenn de e Familie hesch mit dr Mieti! Aber do mir jo nie uf das gsparrt hän, hän mir au keini 10% Eigenkapital. Mir hän das jetzt chli agluegt wäg PK fände oder e teil usenäh, aber es längt glich nid ganz. Und die ganzi PK wänn mir nid use näh... D Banke sind vorsichtiger worde, sie hän uns sogar gseit, dass wenn me e Hüsli in dr Agglomeration BS will sogar 20% muess gäh... Schad, hät scho e härzigs gseh...
Aber e 4 Zimmer Wohnig mit mind 85m2 findisch fast nid bi 1800.- inkl NK. Oh, so schwierig! Mir hän halt e Traumwohnig im Momänt, und wenn me amgis so Altbau gseht mit dene Kuchene und Bäder!! Ihhhhh....
Lg, dia
....unser Traumtag war am 21.5.2011...
|
nimbini am 11.04.2012
Re: Alles, was nichts mit Hochzeit zu tun hat ;-)
@dia, ja gäll, isch mega stier worde, aber eigentlich allgemein im forum hani s'gfühl!
hm also bi eus in züri isch es üblich, dass meh 20% eigekapital muess bringe für es eigeheim! us de pk würdi s'geld au nöd usenäh, usser du chasch es wieder ufstocke, aber das chönnt no relativ schwierig werde! besser isch da sicher, wänn s'geld us de süle 3a chasch dra gäh..... mir sind au immer chli am luege, aber mir händ eus jetzt entschiede, dass mir no 4-5 jahr wartet mit em eigeheim, wil momentan sind priise so gstört höch, ich zahl doch nöd für e stinknormali wohnig über e million, nei danke! und wie sie säged, werded in es paar jahr priise wieder abegah, wil zinse stieged, viele sich ihres eigeheim nüme chönd leischte, wil sie jetzt mit de tüüfe zinse kalkuliert händ und viel usländer wieder i ihri heimat gönd... dänn hämer wieder en wohnig/huus-überschuss und prise gönd abe.....
lg nimbini
|
bergeri am 11.04.2012
Re: Alles, was nichts mit Hochzeit zu tun hat ;-)
Hallo iar zwei
Min GG und i hen üs (amol vorläufig) entschida zum nia as eigets Huus wella  okay...miar sin jo au no jungi schiiiisser (22&25) aber miar kriagen im januar üseri absolut traumwohnig (amol mini isches, min GG het si no nia gseh ) mit zwei Gartasitzplätz, zwei Garage und an Pool im Garta und miar hen jetz eifach gseit, dass wenn miar dia wohnig kriagen wenn miar sicher as zitli döt dina wohna und mit da chinder döt bliba wells eifach so schön isch und nur für üs zwei wenn miar denn au kei huus meh wenn d'kinder amol weg sin oder in der schual etc. und dia wohnig isch ima 2-Familiahuus, also una dina wohnt no d'vermiaterin wo schu abiz älter isch und wer weiss viellicht hen miar jo d'möglichkeit zum amol z'ganza huus überneh....wär no cool und denn hetten miar glich as huus
****Ziviltrauung 26.7.2013 & Zeremonie in der Woche darauf auf hoher See ****
|
|
dia nicht registriert am 11.04.2012
Re: Alles, was nichts mit Hochzeit zu tun hat ;-)
Es will niemerts me mit uns schwätze!!!!!
Mir mache das jetzt au so, mir warte no es paar Joor! Villicht ergit sich jo uf eimol öbbis mit em Eigekapital...
Aber isch scho wahnsinnig die Prise, bi uns au, wenn nid grad in Hinterpfupfige willsch wohne, zahlsch do au nur für e 4 zimmer wohnig (nid Huus) ab 1 mio ufwärts! Krass...
....unser Traumtag war am 21.5.2011...
|
|
dia nicht registriert am 11.04.2012
Re: Alles, was nichts mit Hochzeit zu tun hat ;-)
@bergeri
Hallo, du bisch jo au no do...
Oh woow, die Wohnig tönt jo super!!! Do würd ich au grad i zieh...
Isch denn d Mieti nid so hoch, dass se au mit 1 Lohn und Kinder kasch zahle?? Denn mir wohne jetzt au inere Traumwohnig (3.5 Dachwohnig Maisonette) aber mit Kind würd das nüm go... Finanziell!
....unser Traumtag war am 21.5.2011...
|
nimbini am 11.04.2012
Re: Alles, was nichts mit Hochzeit zu tun hat ;-)
@dia, jä nu, mached mer halt euses ego-fäscht ;o) ja mir wänd ebe au nöd an arsch vo de welt zügle, sondern da i de umgäbig bliebe und da isch es extrem tüür, aber ebe, mir wartet no en momänt, mir händs nöd pressant und händ e mega spezielli wohnig jetzt und zahle chömer sie au no mit eim lohn, vo dem her hämer eh kein stress....
@bergeri, hät dänn die alti dame kei nachkomme? wil das isch oftmals s'problem, wänn meh in es huus inezügled mit alte lüüt, wänn sie sterbed, chömed d'nachkomme und übernähmed die hüüser, hani scho bi es paar kollege miterläbt vo mir und das isch dänn ziemlich scheisse, wänn dänn uf eimal nach es paar mönät oder eme jahr e wohnig muesch sueche.....
|
Proeschu am 11.04.2012
Re: Alles, was nichts mit Hochzeit zu tun hat ;-)
Aso ich be au no do
Wenn ich das vo oi so lese, denn beni jo grad froh, gseht das bi ois chli andersch us met de Priise....
1. & 4.6.2011
|
|
|
1 .. 288 .. 573 574 575 576 577 .. 649 .. 720
|
Anmelden
