| Alles, was nichts mit Hochzeit zu tun hat ;-) |
|
|
1 .. 288 .. 574 575 576 577 578 .. 649 .. 720
|
nimbini  am 11.04.2012
Re: Alles, was nichts mit Hochzeit zu tun hat ;-)
@proeschu, ja du wohnsch au im hintergügs 
|
|
|
|
dia nicht registriert am 11.04.2012
Re: Alles, was nichts mit Hochzeit zu tun hat ;-)
Halloooo Proeschu!!
Uhh jo, AG isch wirklich hinterpfupfige!!!!
....unser Traumtag war am 21.5.2011...
|
|
PrinzessinN nicht registriert am 11.04.2012
Re: Alles, was nichts mit Hochzeit zu tun hat ;-)
Hallo zäme
Mich gits au no 
Mir hend Ferie und ich bin im Tessin. Do regnets wie us Küble...echt grusig. Drum hani mir de Laptop vo mim Schwiegervater gschnappet und bin chli im Internet
Hach...Ferie sind so schön...ich wot gar nöd dra denke, wieder go schaffe z go....gurkt mich das a 
Und zum Thema Hüser...mir wäret au i de Agglo vo Züri...und die Prise sind eifach gstört. Mir hend au nöd 20% Eigekapital uf de Site und üsi PK wömer nöd anegeh...drum bliebt es eigets Hus wohl für immer en Traum...jenu..me chan au so glücklich si
...Today, Tomorrow And Forever...You'll always be my love...8. Oktober 2011
|
bergeri am 11.04.2012
Alles, was nichts mit Hochzeit zu tun hat ;-)
@dia: jo d'wohnig isch würklich super as isch a 4.5 oder 5.5 zimmer wohnig i weisses nümma so genau, bin z'letschtamol vor öppa 3 - 4 johr döta gsi. si tüan uf jedafall no a neui kuchi ihna wenn miar chömen. d'miati isch inkl. NK 1'800.- as isch schu nid günstig aber i denka mit chinder lebt ma jo schu ganz anders als ohni und aswia wird das denn schu goh....  müamer halt abiz zruck stecka
@Nimbini: Dia het zwei Töchtera, dia eint wohnt aber glaub ima andera Kanton und dia ander in der nöchi vum wohnort. Beidi hen selber as Huuus baut vor as paar Johr und so wia d'Vermiaterin üs gseit het wenn dia au nid zruck cho in üsers Dorf. Das kennen miar au...miar sin im August 2009 zemma zoga in a super schöni 3.5 Zimmerwohnig und nochema halba johr isch dr maa vur vermiaterin gstorba und denn het si wella in dia chliner wohnig und miar henn denn müassa uszücha, het üs schu uuuuu huarra agschissa.....i han miar au schu überleit ob miar bim miatvertrag unterschriba söllen froga wia das isch wenn si amol nümma isch und wenn si seit miar chön uf jedafall dina bliba das vu ihra so unterschriba loh (weiss zwor gär nid ob das öppis nützt oder nid, rechtlich meini, ob das no zellt noch ihrem tod) und irgendwia isches au abiz makaber si z'froga was isch wenn du "tod" bisch....oder hesch du a idee wiama das macha chönnti?
****Ziviltrauung 26.7.2013 & Zeremonie in der Woche darauf auf hoher See ****
|
Proeschu am 11.04.2012
Re: Alles, was nichts mit Hochzeit zu tun hat ;-)
dia:
Halloooo Proeschu!!
Uhh jo, AG isch wirklich hinterpfupfige!!!!
....unser Traumtag war am 21.5.2011...
ond au dNimbini:
so de ned, mini Dame...... soscht gangi grad weder......tsssssssssss ............phü!
1. & 4.6.2011
|
|
dia nicht registriert am 11.04.2012
Re: Alles, was nichts mit Hochzeit zu tun hat ;-)
Gugus PrinzessinN!
Oh nei, ihr sind im Tessin bi däm Wätter? So schad... Aber gniess es glich!
Du hesch rächt, mir sind au glücklich ohni Huus, ich bi jo au nid imene Huus ufgwachse und mi GG au nid. Ich ha e mega tolli Kindheit ka in dere Siedlig wo mir gwohnt hän. Für e Kind isch es vill töller, wenn me no anderi Kinder um sich het und ka spiele. Mir hets kei Rolle gspielt, öb ich jetzt inere Wohnig ufgwachse bin oder imene Huus! Und wenn mini Eltere e Huus ka hättet, ich würds nid emol welle, möcht nüm in das Dorf zrugg wo ich ufgwachse bi. Kei Ahnig wieso, ich hang nid so an däm Dorf. Wohn jetzt vill schöner!!
....unser Traumtag war am 21.5.2011...
|
|
dia nicht registriert am 11.04.2012
Re: Alles, was nichts mit Hochzeit zu tun hat ;-)
@Proeschu
Hihiihihi, neiiiii blieb doooo!!!!!
Find Aarau e schöns Städtli!!
....unser Traumtag war am 21.5.2011...
|
Proeschu am 11.04.2012
Re: Alles, was nichts mit Hochzeit zu tun hat ;-)
@Dia
Hihi
aso Aarau känni gaaaaaar ned....  (esch be mim Geographie-Wösse au ned wörkli schwerig, dass ich öppis ned känne....  ) ich wohne quasi of de andere Siite... nöch ade Grenze zom Kt. Zug ond Kt. Zürich (uäähhh ) ond i Kt. Luzern sends öppe en Viertelstond!
1. & 4.6.2011
|
|
dia nicht registriert am 11.04.2012
Re: Alles, was nichts mit Hochzeit zu tun hat ;-)
@Proeschu
Ach soooo...
Also in die Richtig kenn ich mi chli us! Vorallem Zug! Mini Mam het dört sehr lang gwohnt, ich liebe Zug (näbst Basel)
....unser Traumtag war am 21.5.2011...
|
nimbini am 11.04.2012
Re: Alles, was nichts mit Hochzeit zu tun hat ;-)
@proeschu, oh simer chli empfindlich hüt
@dia, mir würded au nur es huus chaufe, wänn mer eus für chind entscheidet, falls mir eus gäge chind entscheidet oder es git kei, dänn hämer gseit, chaufed mir eus so e 4,5-zimmer-terrasse wohnig wie mir jetzt zur mieti händ..... die chömer dänn eifach gschlüsse, wänn mer mal wieder uf reise gönd..... es huus isch für eus würklich nur e option mit chind!
|
|
|
1 .. 288 .. 574 575 576 577 578 .. 649 .. 720
|
Anmelden
