Vikunija:

---

@angi

Was ich mach? Ja ebe, viel Sport und möglichscht gsund ernähre, so dasi wenigschtens nume d Süessigkeite ahenked. Aber es isch ebe scho so wie du saisch, de Sport hilft mir nur zum nöd zue neh aber nöd zum biz obenabe cho.

Aber ich denk ebe mängisch veillicht iss ich ebe de Tag dure zu wenig, das isch ja aunöd guet. Aber ich mach mir halt bi allem was ich iss mini Gedanke....

CHents denn bi dir nöd au si, das du de Tag dure zu wenig issisch unds drum so schnell agsetzt wenn du denn Süesses issisch?

PS. Was ja verständlich isch, bi dine Backkünscht! Wow, Eifach Hammer, han nur mal schnell i dis Album driglueged und mir isch grad s Muhl offe gstande!


Mich erstuhnt jetzt na das Dia sait en eifache Bluettescht koschtet 150 fr. ICh glaube das isch aber nur de wo mer gseht ob du z.B Laktose intolerant bisch usw. aber nöd welli Lebensmittel du guet vertraisch usw. Oder doch dia?

• Zitieren

@Bluet untersuche

Aso mini Fröndin hed das au gmacht Afangs Johr, sie esch bi sonere Heilpraktikerin oder so gsi ond denn hed sie jenschti Blätter öbercho wo denn droffe gstande esch, of was dass sie wie fescht reagiert (aso je feschter sie of öppis reagiert hed, desto "schlächter") denn hed sie die Sache eifach es Wiili nömme döffe ässe ond hed au no es paar Homoöpathie-Sache öbercho, zom das ganze onterstötze

• Zitieren

jusi:

---

angi/vikunija:
jetzt chunnt mr grad in sinn, geschter am nomi isch ä sändig über diätä, diätmythä und diätlügä und so cho. dr eint spezialischt het gsäit kha, dass dr körper irgendwenn sis idealgwicht het und sich immer wider uf däm ipändlet... mä chönni denn zwar abnäh, aber irgendwenn gohts wider ufs idealgwicht zrugg... wenn mä z vill het und abnimmt, blibts dört denn äifach mol stoh... villicht häit dir jo au öiches optimalä gwicht, und müässt "nur" no luägä, dass dirs hebet...

• Zitieren

Die in däre Sändig sinn jo au bi Naturheilpraktiker gsi. Hmm, wobi, die Eint isch bim Arzt gsi und dä hett doch denn so e paper ka, wo druf gstande isch, was si am beste nit isst. Haha, jetzt bini au verwirrt

Liebe Grüsse

Angi <3 Yves , am 14.8.2012 ist es endlich soweit!

• Zitieren

i ha denn ebä nüm alles fertig gluägt...

• Zitieren

nicht registriert

@vikunija
Ich bi bi rothen labor gsi, ha denn müesse sage, dass es fur mb isch und hän denn die uswärtig minere beroterin gschickt. Ich weiss nid wie das sunst funktioniert, wenn me das eifach so will wüsse. Dört ha ich eifach 115.- zahlt!

@angiyves
Was ebbe au no isch, das isch bi in letzter zyt dr fall gsi. Ich ha au immer gluegt und es het sich nüd do. Mini beroterin het denn gmeint, dass sich mi körper scho uf die kleini mängi ässe umgstellt het und so nüd me het zum verbrenne. Ich iss jetzt mängemässig glich, eifach mit chli mehr roggebrot und nimm hepasan, sind pflanzlichi tablette für d verdauig. Kasch jo au mol läbere galle tee trinke (gits im migros). Sött au guet due...

Lg, dia

....unser Traumtag war am 21.5.2011...

• Zitieren